بيىل قازىعۇرت اۋدانىنداعى ءبىر عانا تۇرباتتىق ديحانداردىڭ ءوزى 18 گەكتار جەرگە جىلىجاي سالعان، - دەپ حابارلايدى اباي-اقپارات. 

بىلتىر 82,8 گەكتار جەرگە كوكونىس ەگىلسە، بيىل ءتورت ايدىڭ ىشىندە بەرىلگەن جوسپاردىڭ 30 پايىزى ورىندالدى. ءبىر عانا تۇرباتتىق ديحانداردىڭ ءوزى 18 گەكتار جەرگە جىلىجاي سالعان. سونىڭ 2 گەكتارى «مير-2» شارۋا قوجالىعىنا تيەسىلى. جەكە كاسىپكەر بۇيىرتسا، ءوز ءىسىن كەڭەيتىپ، 4 سوتتىق جەرگە بالىق شارۋاشىلىعىن اشۋدى جوسپارلايدى. قازىردىڭ وزىندە مارينكا بالىعىن ءوسىرىپ، سىناقتان وتكىزۋدە.

بۇل قوجالىقتا وسى اۋدانعا قاراستى 25 اۋىلدىڭ ازاماتتارى ەڭبەك ەتەدى. 1,2 گەكتار جەرگە «اپيا» قىزاناق تۇقىمىن سەۋىپ، ءبىر تال ساباعىنان  15-20 كگ قىزاناق الۋدا. 6 سوتتىققا «تۋني» اتتى گوللانديالىق قيار ەككەن. 4,5 كەلى جەمىس بەرەدى. ال، «لاستوچكا» بالگار قالامپىرىنا اۋداننان تىسقارى شىمكەنت، قىزىلوردا، قاراعاندى وبلىستارىنان سۇرانىس جوعارى.

كاميلا كەنجەباەۆا جىلىجاي اشىلعالى وسىندا جۇمىس ىستەيدى. بالا-شاعاسىنىڭ نەسىبەسىن ءدال وسى شارۋاشىلىقتان تاۋىپ جۇرگەن ەڭبەكقور انانىڭ ءىس باستاعان كاسىپكەرگە العىسى شەكسىز. جالاقىنى كەشىكتىرمەي قولما-قول الىپ تۇرامىز»، - دەيدى.

جىلىجايداعى تىڭعىلىقتى شارۋاعا اۋدان باسشىسىنىڭ ءوزى دە كۋا بولدى. بەرگەن باعاسى وڭ. بيىلدان باستاپ، جىلىجايلارعا مەملەكەت تاراپىنان بەرىلەتىن جەڭىلدىكتەرگە قاراماي، قانداي كومەك بولسا دا كورسەتۋگە دايىن ەكەنىن جەتكىزدى.

اباي-اقپارات