الماتىدا «دوستىق» سپورت كەشەنىندە قازاق حاندىعىنىڭ 550 جىلدىعىنىڭ قۇرمەتىنە وراي جانە ء«دىن مەن ءداستۇر» جىلى اياسىندا قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي ەرجان قاجى مالعاجىۇلىنىڭ جۇلدەسى ءۇشىن مەشىت جاماعاتتارى اراسىندا قازاق كۇرەسىنەن II رەسپۋبليكالىق تۋرنير ءوتتى.

ۇلتتىق سپورتتىڭ ابىرويىن اسقاقتاتقان ءدۇبىرلى دودانى جانكۇيەرلەرمەن بىرگە قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي ەرجان قاجى مالعاجىۇلى، نايب ءمۇفتي ناۋرىزباي تاعانۇلى، قازاقتىڭ داڭقتى بالۋانى، كۇرەستەن تۇڭعىش وليمپيادا چەمپيونى جاقسىلىق ۇشكەمپىروۆ ت.ب. سپورت شەبەرلەرى تاماشالادى.

باس ءمۇفتي ەرجان قاجى مالعاجىۇلىنىڭ جۇلدەسى ءۇشىن ۇيىمداستىرىلعان دوداعا وڭىردەن ىرىكتەلىپ شىققان جاسى 18-دەن اسقان، سالماعى 74 كەلىدەن جوعارى 75 بالۋان قاتىستى. سونىمەن حالىقارالىق دارەجەدەگى تورەشىلەر شەشىمىمەن تومەندەگى سپورتشىلار جۇلدەلى ورىندارعا يە بولدى.

ءى ورىن – جايىق قىڭىربەكوۆ (الماتى وبلىسى). ۇلكەن قاجىلىققا

تەگىن جولداما جانە 750 000 تەڭگە قارجىلاي سىيلىق.

ءىى ورىن – الماز بەگىمبەتوۆ (جامبىل وبلىسى). كىشى قاجىلىققا تەگىن جولداما جانە 375 000 تەڭگە قارجىلاي سىيلىق.

ءىىى ورىن – اقجول راقىمجانوۆ (قوستاناي وبلىسى). تەلەديدار جانە 200 000 تەڭگە قارجىلاي سىيلىق.

ەرجان قاجى مالعاجىۇلى، قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي:

«ماقساتىمىز – سالاۋاتتى ءومىر سالتىن ناسيحاتتاۋ»

«قازاق كۇرەسى – ۇرپاقتان-ۇرپاققا ۇمىتىلماي جەتكەن ءداستۇرلى ونەرىمىز. تاريحقا قارايتىن بولساق، ءتۇرلى توي مەن القالى اس بۇل سايىسسىز وتكەن ەمەس. كۇشى باسىم ءتۇسىپ، جەڭىسكە جەتكەن پالۋاندار حالىقتىڭ قۇرمەتىنە بولەنەتىن. كۇرەستىڭ وسى ءتۇرى داستۇرىمىزبەن قوسا، دىنىمىزبەن دە استاسىپ جاتىر. سوندىقتان، بۇل ونەر پايعامبارىمىزدان (اللانىڭ وعان سالاۋاتى مەن سالەمى بولسىن) كەلە جاتقان سۇننەت. اتقارىلىپ جاتقان بۇل ءىس-شارالار ءدىن مەن ءداستۇرىمىزدى دارىپتەي وتىرىپ، مەشىتتەگى جاماعاتتىڭ، جاستاردىڭ باسىن قوسۋ، بىرىكتىرۋ ماقساتىندا ۇيىمداستىرىلىپ جاتىر. ماقساتىمىز – سالاۋاتتى ءومىر سالتىن ناسيحاتتاۋ».

جاقسىلىق ۇشكەمپىروۆ، الەم چەمپيونى:

«يمامداردىڭ كۇرەستى ناسيحاتتاۋى – ۇلكەن ۇلگى»

«قازاق كۇرەسى – كۇرەستىڭ اتاسى، قازاق كۇرەسى – ۇلتتىڭ رۋحى. وسى سپورت ءتۇرى ءدىني باسقارما دەڭگەيىندە ناسيحاتتالىپ جاتقانى قۋانتادى. يمامدارىمىز تەك ۋاعىز ايتىپ، مەشىتتە ناماز وتكىزۋمەن شەكتەلمەي، حالىق اراسىندا سپورتتى ءوز امالدارى ارقىلى ناسيحاتتاۋى وتە دۇرىس يدەيا. ارتىمىزدان قانشاما جاستارىمىز ءوسىپ كەلە جاتىر. سولار سپورتقا اۋەستەنىپ، جاماندىقتان ارىلىپ، جاقسىلىققا ءۇيىر بولسا، ءبىزدىڭ بولاشاعىمىز جارقىن بولادى. ەرجان قاجى مالعاجىۇلىنىڭ بۇل باستاماسىنا العىسىمدى ايتامىن».

جايىق قىڭىربەكوۆ، ءى ورىن يەگەرى:

«قاجىلىققا بارۋدى ارمانداعان ەدىم...»

ء«دىني باسقارما ۇيىمداستىرعان وسىنداي رەسپۋبليكالىق جارىسقا قاتىنىسقانىما قۋانىپ تۇرمىن. جارىستى ۇيىمداستىرعان اعالارىما العىسىمدى ايتامىن. كۇرەس – مەنىڭ سۇيىكتى سپورتىم. بۇل كەشەگى بالاۋان بابالارىمنان، پايعامبارىمىزدان قالعان ۇلكەن ونەر. الداعى ۋاقىتتا تاعى دا وسى جارىس جالعاسىن تابادى دەگەن سەنىمدەمىن. تاۋەلسىزدىگىمىزدىڭ تۇعىرى بيىك بولسىن. ارقاشان جەڭىس تورىنەن كورىنە بەرەيىك

مەن قاجىلىققا بارۋدى بۇرىننا ارماندادىم. سۇيىكتى سپورتىم كۇرەس ارقىلى قاجىلىققا تەگىن جولدامانى جەڭىپ الۋىم مەن ءۇشىن ۇلكەن ابىروي، بيىك مارتەبە. ماقساتىما جەتكەنىمە قۋانىشتىمىن. اللاعا شەكسىز شۇكىر ايتامىن».

اسەت بەكتۇر،

قمدب ءباسپاسوز ءبولىمىنىڭ باس مامانى

سۋرەتتەردى تۇسىرگەن اۆتور

Abai.kz