مۇلىكتى جاريا ەتۋ تۋرالى

قازاقستان رەسپۋبليكاسىنىڭ 2014 جىلعى 30 ماۋسىمداعى №213-V قرز «قازاقستان رەسپۋبليكاسىنىڭ ازاماتتارىنا، ورالماندارعا جانە قازاقستان رەسپۋبليكاسىندا تۇرۋعا ىقتيارحاتى بار ادامدارعا ولاردىڭ مۇلىكتى جاريا ەتۋىنە بايلانىستى راقىمشىلىق جاساۋ تۋرالى» زاڭى قازاقستان رەسپۋبليكاسى ازاماتتارىنىڭ، ورالمانداردىڭ جانە قازاقستان رەسپۋبليكاسىندا تۇرۋعا ىقتيارحاتى بار ادامداردىڭ تابىستارى مەن مۇلكىن دەكلاراتسيالاۋعا كوشۋگە بايلانىستى قوعامدىق قاتىناستاردى رەتتەيدى. مۇلىكتى جاريا ەتۋ ءىس-شارالارى جوعارىدا اتالعان زاڭنىڭ اياسىندا جۇزەگە اسىرىلادى.

قازاقستان رەسپۋبليكاسى اۋماعىنىڭ شەگiنەن تىس جەرلەردەگى مۇلiكتi جاريا ەتۋ قازاقستان رەسپۋبليكاسى قارجى مينيسترلىگى مەملەكەتتىك كىرىس كوميتەتىنىڭ اۋماقتىق بولىمشەلەرىندە جۇرگىزىلەدى.

مۇلىكتى جاريا ەتۋ سۋبەكتىنىڭ تۇرعىلىقتى جەرى بويىنشا اۋماقتىق بولىمشەلەردە جۇرگىزىلەدى.

مۇلiكتi جاريا ەتۋ 2014 جىلعى 1 قىركۇيەكتەن بەرى ءجۇرىپ جاتىر جانە 2015 جىلدىڭ 31 جەلتوقسانىندا اياقتالادى.

مۇلiكتi جاريا ەتۋگە قاتىستى قۇجاتتاردى قابىلداۋ 2014 جىلى 1 قىركۇيەكتە باستالدى، 2015 جىلى 30 قاراشادا اياقتالادى.

«قازاقستان رەسپۋبليكاسىنىڭ ازاماتتارىنا، ورالماندارعا جانە قازاقستان رەسپۋبليكاسىندا تۇرۋعا ىقتيارحاتى بار ادامدارعا ولاردىڭ مۇلىكتى جاريا ەتۋىنە بايلانىستى راقىمشىلىق جاساۋ تۋرالى» زاڭىنىڭ 2 بابىنىڭ، 1 تارماعىنا سايكەس، وسى زاڭنىڭ كۇشى 2014 جىلعى 1 قىركۇيەككە دەيىن وزدەرىنە تيەسىلى بولعان جانە وزدەرى العان مۇلىكتى جاريا ەتەتىن، جاريا ەتكەن، جاريا ەتۋ سۋبەكتىلەرىنە قولدانىلادى.

جاريا ەتىلەتىن مۇلىككە قاتىستى ۇسىنىلعان مالىمەتتەردىڭ تولىقتىعى مەن دۇرىستىعى ءۇشىن ءوتىنىش بەرگەن سۋبەكتىلەر جاۋاپتى.

مۇلىكتى جاريا ەتۋگە قاجەتتى قۇجاتتاردىڭ ءتىزىمى

1. مۇلىكتى جاريا ەتۋ تۋرالى ءوتىنىش، 2 دانا;

2. ءوتىنىش بەرۋشىنىڭ جەكە باسىن كۋالاندىراتىن قۇجاتتىڭ كوشىرمەسى ء(وتىنىش بەرگەن كەزدە قۇجاتتىڭ تۇپنۇسقاسىن كورسەتۋ كەرەك);

3. قازاقستان رەسپۋبليكاسى اۋماعىنىڭ شەگىنەن تىس جەرلەردە تۇرعان جىلجىمايتىن مۇلiك جانە شەت مەملەكەتتە تىركەلگەن زاڭدى تۇلعالارداعى قاتىسۋ ۇلەسى بويىنشا وسىنداي مۇلiككە قۇقىق بەلگiلەيتiن قۇجاتتىڭ نوتاريات كۋالاندىرعان كوشiرمەسi;

4. ەميتەنتتەرi شەت مەملەكەتتە تىركەلگەن باعالى قاعازدار بويىنشا قۇقىقتاردى ەسەپكە الۋدىڭ تيiستi جۇيەسiندەگi جەكە شوتتان ءۇزiندi كوشىرمە نە رەزيدەنتi باعالى قاعازداردىڭ ەميتەنتi بولىپ تابىلاتىن مەملەكەتتiڭ زاڭناماسىندا بەلگىلەنگەن، وسى باعالى قاعازدارعا مەنشiك قۇقىعىن راستايتىن وزگە دە قۇجات;

5. مۇلىكتىڭ ساتىپ الۋ قۇنىن نەمەسە باعالاۋ قۇنىن راستايتىن قۇجات، بۇل رەتتە، ەگەر مۇلىكتىڭ قۇنى شەتەل ۆاليۋتاسىندا كورسەتىلسە، وندا مۇنداي قۇن ءوتىنىش بەرىلگەن كۇنگى قازاقستان رەسپۋبليكاسىنىڭ ۇلتتىق بانكى بەلگىلەگەن رەسمي باعام بويىنشا قازاقستان رەسپۋبليكاسىنىڭ ۇلتتىق ۆاليۋتاسى – تەڭگەمەن قايتا ەسەپتەلەدى;

شەت تىلىندە راسىمدەلگەن قۇجاتتار نوتاريالدى كۋالاندىرىلعان قازاق نەمەسە ورىس تىلىندەگى اۋدارماسىمەن ۇسىنىلۋى ءتيىس.

6. الىمنىڭ تولەنگەنىن راستايتىن قۇجات.

مۇلىكتى جاريا ەتۋ ءۇشىن الىم تولەۋ

الىم قازاقستان رەسپۋبليكاسى اۋماعىنىڭ شەگiنەن تىس جەرلەردەگى جىلجىمايتىن مۇلiكتi, ەميتەنتتەرى شەت مەملەكەتتە تىركەلگەن باعالى قاعازداردى، شەت مەملەكەتتە تىركەلگەن زاڭدى تۇلعالارداعى قاتىسۋ ۇلەسىن جاريا ەتۋ كەزىندە الىنادى.

الىم مۇلىكتى جاريا ەتۋگە قۇجاتتاردى تابىس ەتكەنگە دەيىن قازاقستان رەسپۋبليكاسى اۋماعىنىڭ شەگiنەن تىس جەرلەردەگى مۇلىكتىڭ ساتىپ الۋ قۇنىنىڭ نەمەسە باعالاۋ قۇنىنىڭ 10 (ون) پايىزى مولشەرىندە تولەنەدى. تولەم 206110 بكك-نا تولەنەدى.

الىم سوماسىنىڭ بيۋدجەتكە ەسەپتەلۋى الىم تولەنگەنىن راستاۋ بولىپ تابىلادى.

الماتى قالاسى، جەتىسۋ اۋداندىق مەملەكەتتىك كىرىستەر باسقارماسى قازاقستان رەسپۋبليكاسى اۋماعىنىڭ شەگىنەن تىس جەرلەردەگى مۇلىكتى جاريا ەتۋگە بايلانىستى «قازاقستان رەسپۋبليكاسىنىڭ ازاماتتارىنا، ورالماندارعا جانە قازاقستان رەسپۋبليكاسىندا تۇرۋعا ىقتيارحاتى بار ادامدارعا ولاردىڭ مۇلىكتى جاريا ەتۋىنە بايلانىستى راقىمشىلىق جاساۋ تۋرالى» زاڭىنىڭ كەيبىر باپتارىن نازارلارىڭىزعا ۇسىنادى.

قر «قازاقستان رەسپۋبليكاسىنىڭ ازاماتتارىنا، ورالماندارعا جانە قازاقستان رەسپۋبليكاسىندا تۇرۋعا ىقتيارحاتى بار ادامدارعا ولاردىڭ مۇلىكتى جاريا ەتۋىنە بايلانىستى راقىمشىلىق جاساۋ تۋرالى» زاڭىنىڭ 2 بابىنا سايكەس قولدانىلۋ اياسى:

1. وسى زاڭنىڭ كۇشى 2014 جىلعى 1 قىركۇيەككە دەيىن وزدەرىنە تيەسىلى بولعان جانە وزدەرى العان مۇلىكتى جاريا ەتەتىن، جاريا ەتكەن، جاريا ەتۋ سۋبەكتىلەرىنە قولدانىلادى.

2. وسى زاڭنىڭ كۇشى وسى زاڭدى قولدانىسقا ەنگىزۋ كۇنىنە وزدەرىنە قاتىستى:

1).قازاقستان رەسپۋبليكاسىنىڭ قىلمىستىق كودەكسىنىڭ 190, 191, 193 (وسى تارماقشادا كورسەتىلگەن، قازاقستان رەسپۋبليكاسىنىڭ قىلمىستىق كودەكسىنىڭ باپتارىندا كوزدەلگەن قىلمىستاردى جاساۋ ارقىلى ساتىپ الىنعان مۇلىكتى جاريا ەتكەن جاعدايدا ), 208, 213, 215, 216, 216-1, 217, 218, 221, 222-باپتارىندا كوزدەلگەن قىلمىستاردى جاساعانى ءۇشىن ولاردى كىنالى دەپ تانىعان سوتتىڭ ۇكىمى;

2).قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 118, 143, 143-2, 155, 155-1, 155-3, 155-4, 155-5, 156, 157, 166, 168-1, 178, 185, 187, 205-1, 205-2, 206, 206-1, 206-2, 207, 208, 208-1, 209, 214, 237, 239, 357-1-باپتارىندا كوزدەلگەن اكىمشىلىك قۇقىق بۇزۋشىلىقتاردى جاساعانى ءۇشىن اكىمشىلىك جازا قولدانۋ تۋرالى سۋديانىڭ، ورگاننىڭ (لاۋازىمدى ادامنىڭ) قاۋلىسى زاڭدى كۇشىنە ەنگەن جاريا ەتۋ سۋبەكتىلەرىنە قولدانىلمايدى.

جاريا ەتۋگە ۇسىنىلعان جانە جاريا ەتىلگەن مۇلىك تۋرالى اقپارات (5-باپ)

مەملەكەتتىك ورگاندار، ۇيىمدار جانە ولاردىڭ لاۋازىمدى ادامدارى مەن قىزمەتكەرلەرى مۇلىكتى جاريا ەتۋدى وتكىزۋ پروتسەسىندە الىنعان اقپاراتتىڭ قۇپيالىلىعىن قازاقستان رەسپۋبليكاسىنىڭ زاڭدارىندا كوزدەلگەن تارتىپپەن قامتاماسىز ەتۋگە، ونىڭ ىشىندە جاريا ەتۋ سۋبەكتىسىنىڭ نەمەسە ونىڭ زاڭدى وكىلىنىڭ كەلىسىمىنسىز اقپاراتتى تاراتۋعا جول بەرمەۋگە مىندەتتى.

وسى زاڭنىڭ 2-بابىنىڭ 2-تارماعىندا كوزدەلگەن جاعدايلاردى قوسپاعاندا، وسى زاڭنىڭ جاريا ەتىلگەن مۇلىك بولىگىندەگى ماقساتتارى ءۇشىن وسى زاڭعا سايكەس مۇلىكتى جاريا ەتۋدى وتكىزۋ پروتسەسىندە الىنعان اقپارات نەگىزىندە، جاريا ەتۋ سۋبەكتىسىنە قاتىستى پروتسەستىك ارەكەتتەردى، ونىڭ ىشىندە قىلمىستىق قۋدالاۋدى جۇزەگە اسىرۋ نەمەسە اكىمشىلىك جانە تارتىپتىك جازالاۋ شارالارىن قولدانۋ جونىندەگى پروتسەستىك ارەكەتتەردى جۇرگىزۋگە تىيىم سالىنادى.

تۇرعىلىقتى مەكەن-جايى الماتى قالاسى، جەتىسۋ اۋدانى بولىپ تابىلاتىن تۇلعالار قازاقستان رەسپۋبليكاسى اۋماعىنان تىس جەرلەردەگى مۇلكىن جاريا ەتۋ ءۇشىن جۇمىس كۇندەرى قۇجاتتارىن مىنا مەكەن-جايعا تابىس ەتە الادى: الماتى قالاسى، ابىلايحان داڭعىلى، 2 ، 105 بولمە، بايلانىس تەلەفونى 279-93-45.

الماتى قالاسى، جەتىسۋ اۋداندىق مەملەكەتتىك كىرىستەر باسقارماسى