...قۇر بوسپە سوزدەر مانەرسىز،

ينابات، ۇيات، سالەمسىز...

بۇل شيرەك عاسىر ەلىمىز،

جاي عانا اتى «تاۋەلسىز».

قازاققا ولار ءوش ەدى،

شاڭداتقان قىزىل كوشەنى...

بۇل قۇلدار ءالى ىستەرىن

ماسكەۋمەن عانا شەشەدى.

«قىزىلدار» وتىر قايدا دا،

جوسپار مەن ۇران اينالا.

سول قىزىل «كەڭەس» سياقتى

قىپ-قىزىل شاپقىن اينالا.

ماقتانشاق كىلەڭ وزدەرى،

لەپىرمە قىزىل سوزدەرى...

جولىمەن جۇرگىش لەنيننىڭ

قىزىلدان قالعان كوزدەرى.

قازاقتى دايىن قىرۋعا،

ولەكسەلەرى دە ۇلۋدا...

70 جىل ءبىزدى قاناعان

قىزىلدار بيلىك قۇرۋدا.

شەتىنەن ءبارى كيلىكپە،

شەتىنەن قورقاق يلىكپە،

جەتپىس جىل ءبىزدى قاناعان

كومسومول بىتكەن بيلىكتە.

بار جەرگە ۇران جايادى،

دەمە سەن، ونى ايادى.

قىزىلدىڭ قىزىل كوزىندەي،

قىپ-قىزىل باسشى باياعى.

شەتىنەن قىزىل اڭگۇدىك،

كوكەيدە بىتپەس بار كۇدىك.

قازاقتى قايتا ورىسقا

قۇلدىققا بەرمەك ماڭگىلىك...

قىزىلدار - كىلەڭ وڭباعان،

ۇلتى ءۇشىن تيتتەي توڭباعان.

قۇلدارعا - قازاق ەشقاشان

ءتىپتى دە كەرەك بولماعان.

«جەيمىن،- دەپ،- ءبارىن» - قىلقىلدار،

قوجايىن ايتسا، بىلقىلدار.

اتتارى قازاق بولعانمەن،

ماسكەۋدىڭ قۇلى - بۇل قۇلدار...

باسىلماعانداي «جىنى» ءالى،

جۇرەكتە لەنين تۇر ءالى.

«كەلمەسكە كەتتى» دەپ جۇرگەن

ول «كەڭەس» - بىزدە ءتىرى ءالى.

جونباعان تيتتەي قىرناپ تا اي،

تەك تۇگىن جۇلعان سىرماقتاي،

«قازاقستاندىق» بۇل بيلىك –

«كەڭەستەن» قالعان جۇرناقتاي...