بىلتىر ءامىرحان وسى ۋاقىتتاردا اۋىلدى ەرەكشە ساعىنىپ، «دايديداۋ» ءانىن قايتا-قايتا تىڭداپ، «اۋىلدى ساعىندىم، بارىپ قايتسام با ەكەن» دەپ ءجۇردى. سوسىن مەن دە: «اۋىلعا بارىپ، اپامنىڭ قاسىندا بولىپ، ءبىر اپتا دەمالىپ قايتساڭشى» دەگەنمىن. سوندا: «جوق، قىزعالداق شىققاندا بارامىن» دەپ ەدى. ويلاماعان جەردەن ارادا 15-20 كۇن وتكەندە، قىزعالداق شىققان كەزەڭدە ءامىرحاندى ماڭگىلىك مەكەنىنە اينالعان تۋعان جەرىنە الىپ بارا جاتتىق.
و، تۋعان جەر، كوڭىلىمنىڭ كەڭدىگى ەڭ،
مەن دە وزىڭدە تامىر جايعان ءوندىر ەم.
وزەنىڭنىڭ اعىسىمەن سىرلاسىپ،
اعاشىڭمەن دوس بولامىن ەندى مەن.
جەلىڭمەنەن جۇپ قۇراعان جىر ەدىم،
ول دا ءبىر كۇن ۇزىلەرىن بىلەمىن.
گۇلدەرىڭە قۋات بەرۋ ءۇشىن دە،
تۇبىندە كەپ توپىراعىڭا سىڭەمىن.
سوندا ۇعار ما كەلەر ۇرپاق، مەكەنىم،
اراسىندا ەمەن، تەرەك، جوكەنىڭ،
بۇتاقتارى كوككە قاراي جايىلعان،
ءبىر ءدىڭىڭنىڭ مەنىڭ قولىم ەكەنىن، -
دەپ ءوزى جازىپ كەتكەندەي تۋعان توپىراعى شارداراعا جەرلەپ قايتقان ەدىك. ء«ومىر – وزەن» دەگەن وسىندايدا ايتىلسا كەرەك. ۋاقىت دەگەن زىمىراپ ءبىر جىل دا وتە شىعىپتى.

مارحابات شويبەكوۆا

اقىننىڭ جارى.

قۇلاققاعىس:

ءامىرحاننىڭ جىلدىق اسىن 2015 جىلدىڭ 5 ساۋىرىندە تۋعان جەرى شاردارادا بەرگەلى جاتىرمىز. كەلىڭىزدەر، ءبىر-بىرلەرىڭىزگە ايتا جۇرىڭىزدەر، ەستىمەي قالعانداردى قۇلاعدار ەتىڭىزدەر.
مەكەن-جايى:
وڭتۇستىك قازاقستان وبلىسى،
شاردارا قالاسى،
تولە بي كوشەسى، 77.
«ماليكا» مەيرامحاناسى،
ساعات 13-00.