قۇرمەتتى ۇلت جاناشىرلارى!

مەن – «جۇلدىزدار وتباسى» مەن «اڭىز ادام» جۋرنالدارىنىڭ باس رەداكتورى قازاقستان رەسپۋبليكاسى پرەزيدەنتتىگىنە ۇمىتكەر رەتىندە تىركەلدىم. ەل ىشىندە ۇلتىما، مەملەكەتىمە قالاي قىزمەت ەتسەم دەپ جۇرگەن ۇلتجاندى، مەملەكەتشىل، ويلى ازاماتتار وتە كوپ. مەنىڭ بۇل سايلاۋ دوداسىنا قاتىسۋداعى باستى ماقساتىم – وسى مۇمكىندىكتى پايدالانىپ، قاراپايىم حالىقتىڭ مۇڭ-مۇقتاجى مەن تالاپ-تىلەگىن، سول ويلى ازاماتتاردىڭ بۇگىنگى قوعامداعى قوردالانىپ قالعان پروبلەمالارعا كوزقاراسى مەن ونى شەشۋ جولدارىن، بولاشاقتا قازاقستان قانداي ەل بولۋى كەرەك ەكەنىن، كەلە جاتقان داعدارىسقا قالاي قارسى تۇرامىز، ودان شىعۋ جولدارى قانداي دەگەن ۇسىنىس-پىكىرلەرىن بيلىككە جەتكىزۋ. سونىمەن قاتار ۇلت پاتريوتتارى مەن ۇلتشىل ازاماتتاردىڭ ۇلت مۇددەسى ءۇشىن الدىنا قويعان باعىت-باعدارلاماسىن حالىققا جەتكىزۋ.
بۇل ماقساتىمدى جۇزەگە اسىرۋ ءۇشىن 23 ناۋرىزعا دەيىن قازاقستان رەسپۋبليكاسى اۋماعىنداعى سايلاۋشىلاردىڭ 93 مىڭ قولىن جيناۋ قاجەت بولىپ تۇر. سول ءۇشىن ءار وبلىستىڭ، اۋداننىڭ، اۋىلدىڭ ۇلتجاندى ازاماتتارى وسى شاراعا ءبىر كىسىدەي اتسالىسۋلارىن سۇرايمىن. ۋاقىت وتە تىعىز.
ەگەر ماعان قولداۋ كورسەتكىڭىز كەلسە نەمەسە مەنىڭ سەنىمدى وكىلىم بولۋعا نيەت ەتسەڭىز، مىنا تەلەفون مەن ەلەكتروندى ادرەستەرگە تەز ارادا حابارلاسۋىڭىزدى وتىنەمىن.

جارىلقاپ قالىباي

 
ەلەكتروندى قۇرالدارىمىز:
otbasybaspasy@mail.ru, adamata59@mail.ru, hair-han@mail.ru, altyn-ai_83@mail.ru

8 702 682 35 31
8 701 757 74 66
8 705 133 25 25
8 747 672 29 18
8 701 613 60 73