بۇگىنگى كۇنى ۇلكەن اكتسيا قولعا الىنىپ جاتىر. بۇل ءبىزدىڭ قازاقستان بويىنشا بۇكىل ەل ەلدى، جەر جەردى قامتيتىن «سەنىڭ داۋىسىڭ - سەنىڭ بولاشاعىڭ» دەپ اتالاتىن اكتسيا.

ۇلكەن بايگە باستالدى، بۇگىن ۇلكەن بايقاۋ باستالدى، ەشقانداي جاسارالىق شەك قويىلمايدى. ءاربىر وتانداسىمىزعا وسى بايقاۋعا تولىعىمەن قاتىسۋعا بولادى. مۇنىڭ بارلىعى نە ءۇشىن؟ ويتكەنى، الدا كەلە جاتقان 26 ءساۋىر - بارلىعىمىز ءۇشىن ۇلكەن ايتۋلى جانە جاۋاپتى كۇن. ويتكەنى، ءبىزدىڭ مەملەكەتىمىزدىڭ پرەزيدەنت سايلاۋ كۇنى. ەڭبەكتەگەن جاستان، ەڭكەيگەن كارىگە دەيىن اتسالىسسىن دەمەسەك تە، قازاقستاننىڭ تولىققاندى ازاماتى بولىپ ەسەپتەلەتىن، كامەلەتتىك جاسقا تولعان جاس بۋىننان باستاپ، ءبىزدىڭ انالارىمىز بەن اكەلەرىمىزگە دەيىن اتسالىسۋى كەرەك. بۇنىڭ بىردەن-ءبىر سەبەبى: مەملەكەتتىڭ تىنىشتىعى، ەلدىڭ تىنىشتىعى. ال ەل-جۇرتتىڭ اماندىعى، بەرەكە-بىرلىگى - مەملەكەتتىڭ بىرلىگى دەپ بىلەمىز. سوندىقتان دا مەن وسى ورايدى پايدالانا وتىرىپ، ارىپتەستەرىمدى، ونەر ۇجىمدارىن، ونەر ساپىندا جۇرگەن ازاماتتاردى، جۋرناليستەردى، وتانداستارىمىزدىڭ بارلىعىن 26 ءساۋىر كۇنى داۋىس بەرۋگە شاقىرعىم كەلەدى. ويتكەنى، مەملەكەتتىڭ بولاشاعى ءۇشىن ارقايسىمىزدىڭ اتسالىسىپ، ۇلكەن قاجىرلى ەڭبەك كورسەتەتىن ءساتىمىز - وسى 26 ءساۋىر. بارلىقتارىڭىز بايقاۋعا قاتىسۋعا اتسالىسىڭىزدار. شىنىمەن دە، ناعىز تۋما تالانتتار، مەنىڭ بىلۋىمشە، اۋىلدا، ەلدىمەكەندە، سوندىقتان دا وزدەرىڭىز اۋىلدا تۋىپ-وسكەننەن كەيىن وسى ادەمى بايقاۋعا ات سالىسىپ جاتساڭىزدار، بۇل - ءبىزدىڭ جەتىستىگىمىز. بۇل - ءبىزدىڭ جەڭىسىمىز!