الاتاۋدىڭ التىن القاسى سەكىلدەنگەن «كوكجايلاۋ» شيپاجايى اۋماعىنداعى قۇرىلىس جۇمىستارىنىڭ جۇرگىزىلۋىنە قاتىستى داۋ قىزىپ تۇر. بۇل ماسەلەدە قوعام بەلسەندىلەرى مەن تابيعات جاناشىرلارىنىڭ نارازىلىعى كۇن سايىن ارتىپ بارا جاتقان سىڭايلى. «كوكجايلاۋ» ماسەلەسىندەگى كوپ جايتقا قالا اكىمى احمەتجان ەسىموۆتىڭ نازارىن اۋدارۋدى كوزدەگەن توپ ءتۇرلى ارەكەتتەرگە بارۋدان دا تايىنار ەمەس.

جاقىندا ءبىر توپ قوعام بەلسەندىلەرى الماتى قالاسى اكىمدىگىنىڭ الدىنا جينالىپ، قالا باسشىسىنا... التىن جالاتىلعان ارا مەن ارنايى القانى تاپسىرماق بولدى. تاۋ باۋرايىنداعى تابيعاتقا زيان كەلتىرىپ، عاسىر بويى تامىر جايىپ تۇرعان اعاشتاردى جاپپاي كەسۋگە قارسىلىق رەتىندە ولار ەسىموۆتى «باس وتىن كەسۋشى» دەپ اتاپ، ماراپاتتاماقشى ەكەن. الايدا، بەلسەندى توپ عيماراتقا كەلگەندە، اكىمدىكتىڭ ەسىگى ارعى جاعىنان كىلتتەنىپ قويىلىپتى.

«ەسىموۆ ەسىگىن كىلتتەپ الىپتى، بۇل احمەتجان سماعۇلۇلىنىڭ وسى كۇنگە دەيىنگى جاساعان قىلىقتارىنىڭ ەڭ كۇلكىلىسى ءارى سوراقىسى بولدى. ءبىز ءبارىبىر اكىمگە ارناعان سىيلىعىمىزدى تاپسىرۋدىڭ جولىن تابامىز. وسى ارقىلى «كوكجايلاۋدى» قورعاۋدى جالعاستىرا بەرەمىز» دەپ جازادى قوعام بەلسەندىسى ۇلان شامشەت ءوزىنىڭ kazpost.org سايتىنداعى جەكە بلوگىندا.

اباي.kz