اسىلدىڭ سىنىعى، كەنەسارى حاننىڭ ابۋباكىر دەگەن بالاسىنان تارايتىن ۇلاعاتتى ۇرپاق، قازاقتىڭ بەلگىلى كۇيشىسى فايزوللا ءۇرمىزوۆ اقساقال دۇنيە سالدى.

بۇل تۋرالى كۇيشى جانعالي ءجۇزباي «facebookتەگى» پاراقشاسىندا حاباردار ەتتى. «قازاقتىڭ شەرتپە كۇي مەكتەبىنىڭ نەگىزىن قالاۋشى، قاراتاۋلىق كۇي ءداستۇرىنىڭ شىراقشىسى، عاسىرىمىزدىڭ كۇي-شەجىرەسى، سۇگىردىڭ ءتول شاكىرتى - فايزوللا ءۇرمىزوۆ اقساقال دۇنيەدەن وزىپتى. ء«اي، كوشەلى كۇي نە تەڭىڭ، "بەستورەنى" تارتقىشىن...» دەپ شالا شەرتىسىڭدى تيىپ تاستايتىن، اق سويلەيتىن اعا كۇيشى ەدى، جارىقتىق...» دەپ جازادى جانعالي اعامىز قازاق كۇي ونەرى وكىلىنىڭ قازاسىنا قابىرعاسى قايىسىپ.

«قازاقتا حان بالاسىنىڭ حاقىسى بار، ءتىرى بولسام قىزمەت ەتپەي قويمايمىن» دەپ ۇلت زيالىسى ءاليحان بوكەيحان ايتقانداي، قازاق ەلىنە قالتقىسىز قىزمەت ەتكەن، اقتىق دەمى شىققانشا اقيىق ونەرگە ادال بولىپ وتكەن ارۋاقتى اقساقالدىڭ الدى جارقى بولسىن دەيمىز!

اباي.kz پورتالىنىڭ ۇجىمى.