«قازاقستاندا 400 مىڭ ەتنيكالىق قىتاي ءومىر ءسۇرىپ جاتىر...»(www.abai.kzسايتىنان 28.03.2017 جىل).

 ...«SOS!» بەلگىمەن!

دابىل قاعام، ۇلتىم-اي!

ءيىس سەزگىش تازىم قايدا، كىل قۇماي؟

ىشتەن شىققان «شىرىگىڭنىڭ» قولىمەن،

ۋ ەمەس پە، ۇسىنعان كىم قۇلپىناي؟..

 ۇلت نامىسى، جاتقانداي ما، قان-قان بوپ؟

بۇل قازاقتا باسقا ءبىر جول قالعان جوق!

ەركەك بولسىن، ايەل بولسىن، ءار قازاق:

«مەن، قازاقپىن!» دەپ سەزىنسە، ارمان جوق!..

ارمان كوپ پە، ءبىزدىڭ قازاق جەتپەگەن،

تار جول كوپ پە، ءالى كەشىپ وتپەگەن؟

باسقالارعا نە سىلتاۋمەن نامىسىن،

ءوز ەركىمەن بەرمەسە ەكەن دەپ كەلەم!

قۇدىرەتتى - قانداي ەمنەن، دارىدەن،

قۇدىرەتتى - باعزى زامان، ارىدەن،

ۇلت نامىسى – قاي كەزدە دە قازاقتا،

«ءبىرىنشى!» بوپ تۇرۋ كەرەك بارىنەن!

ىلىك-شاتىس، نەگىزى جوق، زاتى جوق،

كەۋدە سوعىپ: «مەن!» دەيتىندەي اتى جوق،

ۇلت نامىسىن جوعالتقان ۇلت، ەشقاشان،

ولسە دە ايتام، ۇلت بولۋعا حاقى جوق!

كىرمەلەرمەن بولا ما تەك بوسۋعا؟

بولا ما ءوزى «ۇلت ازدى» دەپ شوشۋعا؟

جات ۇلتتاردان بالا تاۋىپ وتىرعان،

ول بايعۇقستى بولا ما ۇلتقا قوسۋعا؟..

كوز جىبەرسەم، تاريحقا ۇڭىلە،

دەرەكتەر كوپ ساباق بولار تىرىگە...

كەشەگى عۇن، كەشەگى ءۇيسىن ەلىنىڭ

كىلەڭ جيەن جەتكەن ەكەن تۇبىنە!..

ءبىر ۇرەيدەن، ميىم نەگە مۇزدادى؟

ءبىر ۇرەيدەن، جۇرەك نەگە سىزدادى؟

سوڭعى كەزدەر، سول ۇردىستەر جالعاسىپ،

كىمگە ءتيىپ جاتىر قازاق قىزدارى؟..

بۇل قازاققا الماي جۇرگەن بىرىگە،

ۇلگى الاتىن نارسە ەمەستەي تىرىگە...

شىعىس تۇستان شاپقان كىلەڭ جيەندەر،

جەتپەس پە ەكەن، قازاعىمنىڭ تۇبىنە؟..

نە ءۇمىت بار، تاعى قازاق سورلاي ما؟

تەك جاعى جات، جيەن ونى قورعاي ما؟

كەشەگى عۇن، كەشەگى ءۇيسىن ەلىنىڭ،

قاتەلىگى - ۇلتقا ساباق بولماي ما؟..

قاۋىپتى ايتىپ، مەن كىمىڭە جاعايىن؟

قۋ اۋىزدى ەندى قالاي باعايىن؟

«قۇداي ۇلتتى «جيەندەردەن» ساقتاسىن!..»-

دەپ، وكىنىپ جۇرمەيمىز بە، اعايىن؟..

جۇماش كوكبورى

Abai.kz