ءدىن ىستەرى جانە ازاماتتىق قوعام مينيسترلىگى تاراپىنان عيبادات ەتۋ بولمەلەرى (نامازحانا) مەن ءدىني ادەبيەتتەر ساتاتىن كىتاپ دۇكەندەرىنە قويىلاتىن تالاپتار قايتا قارالدى.

ءدىندار ازاماتتاردىڭ سۇرانىستارىن نازارعا الا وتىرىپ، جانە ءبىر مەزگىلدە مەملەكەتتىك ساياساتتىڭ زايىرلى قاعيداتتارىن ساقتاي وتىرىپ، عيبادات ۇيلەرىنەن (عيماراتتارىنان) تىس جەرلەردە ءدىني ءىس-شارالاردى وتكىزۋگە ارنالعان ءۇي-جايلاردىڭ جانە ءدىني ادەبيەتتى تاراتۋ ءۇشىن ارنايى ستاتسيونارلىق ءۇي-جايلاردىڭ ورنالاستىرىلۋىن ايقىنداۋ جونىندەگى نۇسقاۋلىقتىڭ جاڭا رەداكتسياسى ازىرلەندى.

نۇسقاۋلىقتاعى تۇبەگەيلى جاڭالىق رەتىندە وسىنداي ءۇي-جايلاردىڭ مەملەكەتتىك ۇيىمدار مەن مەكەمەلەردەن 300 مەتردەن كەم ەمەس قاشىقتىقتا ورنالاسۋىنا قويىلعان بۇرىنعى تىيىمنىڭ كۇشىنىڭ جويىلعانىن ايتا كەتۋ كەرەك.

مۇنداي تالاپ بۇگىنگى ەلدى مەكەندەردىڭ ورنالاسۋ ەرەكشەلىكتەرىنە جاۋاپ بەرە المايدى.

نۇسقاۋلىقتىڭ جاڭا رەداكتسياسىندا تەمىر جول جانە اۆتوۆوكزالداردا، اۋەجايلار مەن پورتتاردا، ياعني ادامدار ەرىكسىز تۇردە ۇزاق ۋاقىت بولاتىن ورىنداردا ءدىني ءىس-شارالاردى وتكىزۋگە ارنالعان ءۇي-جايلاردى اشۋعا قويىلعان تىيىم الىنىپ تاستالدى.

300 مەتر بويىنشا شەكتەۋلەر ءبىلىم بەرۋ مەكەمەلەرىنە قاتىستى كۇشىندە قالدى.  بۇل تالاپ رۋحاني ء(دىني) ءبىلىم بەرۋ ۇيىمدارىنا قاتىستى قولدانىلمايدى.

وسى رەتتە، عيبادات ەتۋ بولمەلەرىن اشۋ كەزىندە بەلگىلى ءبىر تالاپتار ساقتالۋى ءتيىس.

مىسالى، ءدىني ءىس-شارالاردى وتكىزۋگە ارنالعان ءۇي-جايلار دارەت الۋ ءۇشىن قاجەتتى سانيتارلىق توراپپەن قامتاماسىز ەتىلۋى ءتيىس جانە جالپى العاندا قازاقستان رەسپۋبليكاسىنىڭ قولدانىستاعى زاڭناماسىنا سايكەس سانيتاريالىق-ەپيدەميولوگيالىق تالاپتارعا سايكەس كەلۋى كەرەك.

اتالعان تالاپتار عيبادات ەتۋ راسىمدەرىن ورىنداۋ كەزىندە قولايلى جاعدايلاردى قامتاماسىز ەتۋ ماقساتىندا ەنگىزىلىپ وتىر.

نۇسقاۋلىق جوباسىندا قولدانىستاعى زاڭناماعا سايكەس نىساننىڭ مەنشىك يەسىنىڭ  ءۇي-جايداعى سانيتارلىق، ءورت جانە باسقا قاۋىپسىزدىكتەر ءۇشىن جاۋاپ بەرەتىندىگى كورسەتىلگەن.

ءتيىستى نورماتيۆتىك قۇجات كەلىسۋ پروتسەسىنەن وتكەن سوڭ عيبادات ەتۋ بولمەلەرى، سونىڭ ىشىندە نامازحانالار، جاڭا جاعدايدا جۇمىس ىستەيتىن بولادى.

ءدىندارلار ءۇشىن مۇنداي ءۇي-جايلاردا عيبادات ەتۋ راسىمدەرى قاۋىپسىز جانە بارىنشا قولايلى جاعدايلاردا ورىنداۋ مۇمكىندىكتەرىمەن قامتاماسىز ەتىلەتىن بولادى.

جالپى العاندا، عيبادات ەتۋ بولمەلەرىن اشۋ تۋرالى شەشىم وسى نىسانداردىڭ مەنشىك يەلەرى تاراپىنان قابىلداناتىن بولادى.

ازىرلەنگەن قۇجاتتىڭ تولىق اتاۋى: ءدىني ادەبيەتتى جانە ءدىني مازمۇنداعى وزگە دە اقپاراتتىق ماتەريالداردى، ءدىني ماقساتتاعى زاتتاردى تاراتۋ ءۇشىن ارنايى ستاتسيونارلىق ءۇي-جايلاردىڭ، سونداي-اق عيبادات ۇيلەرىنەن (عيماراتتارىنان) تىس جەرلەردە ءدىني ءىس-شارالاردى وتكىزۋگە ارنالعان ءۇي-جايلاردىڭ ورنالاستىرىلۋىن ايقىنداۋ جونىندەگى نۇسقاۋلىق.

Abai.kz