نەسيەگە  ۇي الۋعا ەش مۇمكىندىگى جوق جاستارعا، قانداي جوبامەن بولسا دا، باسپانا تۇرعىزىپ بەرۋدىڭ جولىن قاراستىرىپ جاتقاندار بولسا، وعان حالىقتىڭ العىستان باسقا ايتارى بولماس دەپ سەنەمىن.

«بايلار، حان سارايىنا بەرگىسىز كوتەدجدەردە تۇرىپ جاتقاندا، جاستارعا جاتاقحاناعا بار؟!»- دەگەنىمىز ۇيات. دەيتىن شىعار. الايدا، ءبىر تۇنەپ شىعاتىن جەر تاپپاي، جانى قينالىپ جۇرگەن جاندار ءۇشىن، جاتاقحانا بولسا دا، əيتەۋىر ءبىر، باس سۇعاتىن جەر تابىلسا، بايىڭىز بەن كەدەيىڭىزدىڭ اراسىنداعى بۇگىنگى كۇنگى əلەۋمەتتىك تەڭسىزدىككە بايلانىستى قالىپتاسقان كوڭىل-كۇي بەلگىلى ءبىر دəرەجەگە دەيىن بəسەڭسىيدى. بارار جەر، باسار تاۋى قالماعاندار ءۇشىن، ءسىزدىڭ بايلارىڭىزدىڭ قات-قابات ۇيلەرىنىڭ قۇنى بەس تيىن،- بىلاي ايتقاندا، بار-جوعى بىردەي. جيرەنشە شەشەن ايتقانداي، وعان ءوزىنىڭ «قايران مەنىڭ ءوز ءۇيىم – كەڭ سارايداي بوز ۇيىمىنەن» ارتىق ەش نəرسە بولماق ەمەس.

بۇقاراسىن ەكى تاپقا ءبولىپ، «بار» مەن «جوقتى» كوزگە شۇقىپ كورسەتىپ وتىرعان مەملەكەت جۇرتتى وسىعان كوندىردى. الايدا، وسىدان جاتاقحانادا تۋىپ، جاتاقحانادا وسكەن قازاقتىڭ نامىسى ءولىپ كەتەدى-اۋ دەگەنگە مەن ءوز باسىم سەنبەيمىن. كەرىسىنشە، ولاردىڭ ازاماتتىق رۋحى قۇل ۇستاپ، كۇڭ جۇمساعان تالاي شونجارىڭدى دالادا قالدىرادى. قازاقتىڭ نەبىر مىقتى ازاماتتارى جەرتولەدەن ورگەن. ەرگە كەدەيلىك سىن ەمەس. ەل باسىنا كۇن تۋعان سəتتە بۇعىپ قالسا – سول سىن!!!

قازىر «يەلىگىندە جەرى جوق، وتان دەپ نەسىن قورعايدى» دەگەن تۇسىنىكتى ورنىقتىرۋشىلار بار. بۇل دا – تۇبەگەيلى قاتە ۇعىم.  جەر مەملەكەتتىك شەگارا ىشىندە، مەيلى، ول كىمنىڭ مەنشىگىندە تۇرماسىن، «وتان!» دەپ قورعالۋعا كەرەك. «مەنشىك» كەلەدى-كەتەدى،- ال، جەر قالادى. وندا كەدەيدىڭ دە بايدىڭ دا ۇلەسى بار. شارت – بايلىققا جەتۋ ەمەس، شارت – جانىڭدى سالىپ، كەلەر كۇندەردىڭ ەسەبىنەن، ەلىڭ مەن جەرىڭدى قورعاۋ. ەلىڭ امان، جەرىڭ ءبۇتىن بولسا، بايلىق دەگەنىڭىز – وسى. قالعانى – دالباسا!!!

قالىڭ بۇقاراعا كوپتىڭ كەرەگى جوق،- باسپانا مəسەلەسىنىڭ شەشىلۋ جولدارى جەڭىلدەتىلسە – سونىڭ ءوزى ول ءۇشىن ۇلكەن جەتىستىك. سوندىقتان دا، مەن ءماجىلىس دەپۋتاتى ازات پەرۋاشەۆتىڭ ۇسىنىسى وسى مəسەلەلەردى شەشۋدىڭ العىشارتى دەپ قابىلدايمىن! ىسكە سəت !!!

«التاۋ الا بولسا، اۋىزداعى كەتەدى»،- دەپ شىرىلداپ، التى الاشتى بىرىكتىرمەك بولعان نيەت، ەندى، ءبىر قازاقتىڭ ءىشىن رەتتەي المايتىنداي بولساق، ەلدىگىمىز قايسى؟ باسقا تۇسكەندى كورە ءجۇرىپ، ويقىل-شويقىل جەرلەرىمىزدى تۇزەتە بەرۋىمىز كەرەك. باسىمىزعا əڭگىر تاياق ورناتقانداردىڭ ءبىرى حرۋششەۆ بولسا، ەسكە تۇسكەندە، بوقتاپ-بوقتاپ قويىپ، سول سالعىزعان قۋىقتاي ۇيلەردى پانالاپ وتىرعان قانشامىز بار. قاناعات! سول «قاناعات» ءتۇبى دالادا قالدىرمايدى قازاقتى. تەك، جاس جەتكىنشەكتارىمىز جاۋىن-شاشىننىڭ استىندا كوشە ارالاپ، باسپاناسىز جۇرمەسىن. مەنىڭشە، پەرۋاشەۆ ۇسىنىپ وتىرعان جوبا – وسى.» بۇل كىسى پەرۋاشەۆتى ناعىپ قولداي قالدى»،-دەپ، تاڭىرقانباڭىز. كىم نە ايتسا دا، اقىلعا سياتىنداي بولسا، جالعان نامىستى ىسىرىپ تاستاۋ كەرەك تە، ءىستىڭ يگىلىكتى جاعىن قاراستىرعان ءجون. قالعانى ءبىر اللاعا امانات!!!.

كەدەيلىكتەن گورى كەرەناۋلىق قاۋىپتى!!! سەرگەك بولايىق، اعايىن!!!

ايسۇلۋ قادىرباەۆا

دەرەككوزى: qazaquni.kz

Abai.kz