الماتىدا مەتروپوليتەن جولاۋشىلارىن ەۆاكۋاتسيالاپ جاتىر، - دەپ حابارلايدى Tengrinews.kz.

قوزعالىس توقتاتىلىپ، جولاۋشىلاردىڭ مەترودان شىعارىلىپ جاتقانى بەلگىلى بولدى.  "رايىمبەك - فۋرمانوۆتاعى مەترودا 5-7 مينۋت بۇرىن ەۆاكۋاتسيا باستالدى، بارلىق ادامداردى مەترودان شىقتى.

مەتروعا كىرەبەرىستە پوليتسەيلەر جولاق تاعىپ قويعان. وقيعا ورنىندا پوليتسيا، جەدەل جاردەم جانە مەترو قىزمەتكەرلەرى ءجۇر", - دەپ حابارلادى كۋاگەرلەر.

"جولاۋشىلاردى ءتۇسىرىپ تاستادى. ەكى قۇرامدا توقتاپ تۇر. بايقوڭىر ستانتسياسىندا ادامداردى ەۆاكۋاتسيالاپ جاتىر", - دەيدى بىرەۋلەر. الماتى مەتروپوليتەنىنىڭ ءباسپاسوز قىزمەتىندەگىلەر مەترو عيماراتىندا جارىلعىش زاتتىڭ ورناتىلعانى تۋرالى انونيم قوڭىراۋ تۇسكەنىن مالىمدەدى.

"انونيم قوڭىراۋ شامامەن ساعات 19:00-دە ىشكى ىستەر بولىمىنە تۇسكەن جانە وندا مەترودا جارىلعىش زاتتىڭ ورناتىلعانى حابارلانعان. تەكسەرۋ شارالارى جۇرگىزىلىپ جاتىر، بارلىق ستانتسيادان ادامدار ەۆاكۋاتسيالاندى", - دەدى "مەتروپوليتەن" ءباسپاسوز قىزمەتىنىڭ وكىلى اجار حابيەۆا.

"جولاۋشىلاردىڭ قاۋىپسىزدىگىن قامتاماسىز ەتۋ شارالارى جۇرگىزىلىپ جاتىر. تۇرعىنداردى الاڭداماۋعا جانە سابىرلىق ساقتاۋعا شاقىرامىز. تولىعىراق اقپارات كەيىنىرەك جاعدايعا بايلانىستى تاراتىلاتىن بولادى", - دەدى الماتى ءىىد وكىلى.

اباي-اقپارات