2014 جىلى ەكسترەميزم مەن تەرروريزمگە قاتىستى باپتار بويىنشا قازاقستاندا 154 ادام سوتتالعان بولسا، 2016 جىلى بۇل كورسەتكىش 554-كە جەتكەن. زەرتتەۋ 30 مامىردا استانادا تانىستىرىلدى. 554 ادامنىڭ 327-ءسى "ەكسترەميستىك" سيپاتتاعى قىلمىس جاساعان.

ىشكى ىستەر ورگاندارى قىزمەتى جونىندەگى قوعامدىق كەڭەستىڭ توراعاسى مارات قوعاموۆتىڭ ەكسترەميستەردىڭ باسىم بولىگى جۇمىسسىزدار ەكەنىن ايتتى. ولاردىڭ اراسىندا شەنەۋنىكتەر، ونەر قايراتكەرلەرى، كاسىپكەرلەر اتىمەن جوق. "بۇل دەگەنىڭىز، مەملەكەتتىڭ الەۋمەتتىك ساياساتىن دامىتۋ قاجەت ەكەنىن بىلدىرەدى", - دەدى ول.

PRI زەرتتەۋىندە 200 جازاسىن وتەۋشى مەن سولارمەن جۇمىس ىستەگەندەردىڭ پىكىرلەرى ەسكەرىلدى. ۇيىمنىڭ ايماقتىق ديرەكتورى ازامات شامبيلوۆتىڭ ايتۋىنشا، قازىرگى تاڭدا قازاقستان تۇرمەلەرىندە 3,5 مىڭنان استام ءدىن ۇستانۋشى بار، ولاردىڭ 763-ءى سالافيزم وكىلدەرى، 90-نان استام ادام راديكالدىق ۇستانىمىن جاسىرمايدى.

PRI زەرتتەۋى بويىنشا، قازاقستاندا راديكالدىق ءدىني يدەيالاردىڭ تارالۋىنا قارسى تۇراتىن كاسىبي جانە تاجىريبەلى ءدىن وكىلدەرى قاجەت. PRI نيدەرلاندى مىسالىنا سۇيەنە وتىرىپ، تۇرمە يمامدارىن ەنگىزۋدى ۇسىنىپ وتىر.

اباي-اقپارات