استانادا شىۇ ءسامميتى باستالدى
استانادا بۇگىن شانحاي ىنتىماقتاستىق ۇيىمى (شىۇ) ەلدەرى باسشىلارىنىڭ ءسامميتى اشىلادى. قازاقستان بيلىگى نەگىزگى شارالارى 9 ماۋسىمعا بەلگىلەنگەن بۇل ءسامميتتى "تاريحي وقيعا" دەپ اتادى.
سامميتتە شىۇ-عا ءۇندىستان مەن پاكىستان ۇيىمنىڭ تولىققاندى مۇشە بولىپ قوسىلادى دەپ جوسپارلانعان. ءسامميتتىڭ قورىتىندىسى بويىنشا بىرقاتار قۇجاتقا، ونىڭ ىشىندە استانا دەكلاراتسياسىنا قول قويۋ جوسپارلانىپ وتىر.
شىۇ قۇرامىندا قازىر قازاقستان، قىرعىزستان، قىتاي، رەسەي، وزبەكستان جانە تاجىكستان بار. 7 ماۋسىمدا استاناعا شىۇ-نىڭ جوعارعى ورگانى - مەملەكەت باسشىلارىنىڭ كەڭەسىنە قاتىسۋعا قىتاي پرەزيدەنتى سي تسزينپين كەلدى، بۇگىن رەسەي پرەزيدەنتى ۆلاديمير پۋتين كەلمەك.
ەكى پرەزيدەنت تە استاناداعى حالىقارالىق ەكسپو-2017 كورمەسىنىڭ اشىلۋىنا قاتىسادى دەپ كۇتىلىپ وتىر.
اباي-اقپارات
