دايش تەرروريستىك ۇيىمى كەزەكتى رەت بىرنەشە ەلدە تەراكت جاسايتىنى تۋرالى مالىمدەمە جاسادى. حابارلاما اعىلشىن تىلىندە رەسەي، بەلگيا، اقش، فرانتسيا، ۇلىبريتانيا، كانادا، اۆستراليا جانە يتاليا ەلدەرىنىڭ «مۇسىلماندارىنا» باعىتتالعان، دەپ جازادى muslim.kz.

تەرروريستەر، اسىرەسە، وسى ەلدەردەگى «باۋىرلارىنا» «بازار، حالىق كوپ جۇرەتىن كوشەلەر مەن الاڭداردان اۋلاق ءجۇرۋدى» ەسكەرتەدى. وسى ورىنداردا «جيھادشىلار» وزگەلەرگە شابۋىل جاسايدى. ساراپشىلار سودىرلاردىڭ بۇل ۇندەۋىنە الاڭداۋشىلىق ءبىلدىردى.  قازىر، حالىقارالىق تەرروريزمگە قارسى كۇرەس سالاسىنىڭ بەلگيالىق ساراپشىسى پيتەر ۆان وستايەننىڭ ايتۋىنشا، اتالمىش حابارلامانى بەلگيانىڭ قاۋىپ-قاتەرگە تالداۋ باسقارماسى زەرتتەپ ۇستىندە. ال، تەرروريستەردىڭ «قامقورلىق تانىتىپ، ساقتاندىرعان» مۇسىلماندارى ەڭ ءبىرىنشى كەزەكتە تەرروريزمنىڭ جانە دايش ۇيىمىنىڭ قۇربانى بولىپ كەلەدى.  مۇسىلمان حالقى تەررورلىق ءىس-ارەكەتتەر مەن حالىقارالىق تەرروريستىك توپتار تۋرالى ءوز مالىمدەمەلەرىن بۇگىنگى كۇنگە دەيىن جاساپ كەلەدى. ماسەلەن، جۋىردا ەۋروپادا تەرروريزمگە قارسى اۋقىمدى شەرۋ ءوتتى. شارادا جۇزدەگەن مۇسىلمان ءدىن قايراتكەرلەرى قاتىسىپ، ەكسترەميزم مەن تەرروريزمدى قاتاڭ ايىپتادى.

اباي-اقپارات