"حاباردا" ەكى قازاق ورىسشالاسىپ وتىر. "حابار" تاۋەلسىزدىك جىلدارى قازاقتى ورىستاندىرۋ قۇرالىنا اينالدى. وكىنىشكە وراي، "حاباردىڭ" ورىسشاسى رەسەي تەلەكانالدارىنىڭ قازاقستانداعى دۋبلەرىنە ۇقسايدى. "قازاقستان" تەلەديدارى دا كوڭىلدەن شىقپايدى. ولاردىڭ ارەكەتتەرىنىڭ ءبارى قازاق تەلەديدارىنىڭ سۇيكىمىن كەتىرىپ – ديسكرەديتاتسيالاۋ. "قازاقستان" تەلەديدارىندا باس مەنەدجەر قىزمەتىنە قازاقشا ەركىن سويلەمەيتىن ادامدى قويۋ، تولىق مەملەكەتتىك تىلدەگى ارنا بولا تۇرا كەيبىر شارالاردى ورىسشا-قازاقشا جۇرگىزۋ سونىڭ بەلگىسى. ماسەلەن، قىلمىس جاساعان ادامداردى تەلەديداردا ساراپشى رەتىندە جارنامالاۋ بەلەڭ الدى (ەكى رەتتەن "حابار" مەن "قازاقستان" تەلەديدارىنان، بارلىعى ءتورت رەت). ونىنشى مامىر كۇنى رەسەيدىڭ قىزىل-قوڭىر تاسپاسىن "حاباردان" كەشكى ۋاقىتتا كورسەتىپ ناسيحاتتادى. ايتا بەرسە مۇنداي مىسالدار وتە كوپ.

كوپ جىلدان بەرى جۇرگىزىلىپ كەلە جاتقان وسى ساياساتتىڭ سالدارى حالىققا ءتيىپ وتىر. مىسالى، قازاقشا بىلمەيتىن التى ادامدى مينيستر-اكىم ەتىپ قويدىق. ءۇش تۇعىرلى ءتىل باعدارلاماسىن كەرى قايىرماي، جاپپاي قازاق مەكتەبىن ورىستاندىرىپ، ءبىلىمىن تومەندەتىپ، ۇلت مەكتەبىن قۇرتىپ جاتىرمىز. پرەزيدەنتىمىزدىڭ قازاق جاندىلىعىندا ءمىن جوق، بىراق ۇزەڭگىلەستەرىنىڭ ءبارى ورىسشىلدىق باعىتتى جۇيەلى تۇردە جۇزەگە اسىرىپ كەلەدى جانە باعىتىنان قايتاتىن ءتۇرى جوق.

مۇنىڭ الدىن الۋ ءۇشىن ءوز تاراپىمنان تومەندەگىدەي شارالاردى ۇسىنامىن:

1) قازاق بۇگىنگى تاڭى 71%، ال ورىس 19%-دان كەم. قر ءىس قاعازدارىن تەك مەملەكەتتىك تىلدە جۇگىزۋ ، مەملەكەتتىك تىلدە ءىس قۇجاتتارىن جۇرگىزەتىن اۋداندار ءتىزىمىن دەموگرافيالىق قۇرامعا سايكەس كوبەيتۋ;

2) ءۇش تۇعىرلى باعدارلامانى مەكتەپتەن الىپ تاستاۋ;

3) مەملەكەتتىك تىلگە شورقاق، نەمەسە قازاق تىلىندە سويلەمەيتىن قازاق شەنەۋنىكتەردى روتاتسيالاۋ، ورنىنا قازاقشاسى بار ورىس، ۋكراين، نەمىس تەكتەستەردى قويۋ;

4) مەملەكەتتىك تىلگە شورقاق، ءتىل ساياساتىندا جىبەرىلگەن كەمشىلىكتەر مەن قاتەلىكتەردى ەسەپكە الىپ، مايلىباەۆ پەن گاليحيندەردىڭ ءىسىن جالعاپ وتىرعانداردى قىزمەتتەن الۋ.

PS: قازاق ۇلتى ىدىراپ بارادى: ءورىستىلدى، ورىسجاندى قازاق قاۋىم ءوسىپ كەلەدى. بۇل ۇلتتىڭ ىشىندەگى ۇلت – ءورىستىلدى سۋبەتنوس. ياعني بارا كەلە ورىس ءتىلدى قازاق جۇرتى ءپىسىپ جەتىلەدى، بۇل ورىسشىل ەليتانىڭ ءھام «حابار» سەكىلدى ارنالاردىڭ استىرتىن ەڭبەگىنىڭ ناتيجەسى. بارا كەلە ولاردى مويىنداۋعا تۋرا كەلەدى. ۇلتتىڭ ىدىراۋىنىڭ كوكەسىن سول كەزدە كورەتىن بولامىز.

ءازىمباي عالي

Abai.kz