وزبەكستاننىڭ جەتى ازاماتى لەنينگراد وبلىسىنداعى انگاردا شىققان ورتتەن قازا تاپتى
رەسەيدىڭ لەنينگراد وبلىسىنداعى انگاردا 13 شىلدەدە تۇندە شىققان ءورتتىڭ سالدارىنان وزبەكستاننىڭ جەتى ازاماتى قازا تاپتى. بۇل تۋرالى تاسس حابارلادى.
ادامداردىڭ دەنەلەرى جانىپ كەتكەن انگاردى ارشىعان كەزدە تابىلدى. بۇل انگاردا تروتۋار تاستارى دايىندالعان.
ءورت 600 شارشى مەتر اۋماقتى شارپىعان. ءورتتىڭ نەدەن شىققانى ازىرگە بەلگىسىز. تاسس-تىڭ حابارلاۋىنشا، قازا بولعانداردىڭ بارلىعى وزبەكستان ازاماتتارى بولعان.
رەسەيدىڭ تەرگەۋ كوميتەتى قىلمىستىق ءىس قوزعادى.
Abai.kz
