قازاقستان مەن قىرعىزستان تىركەۋسىز ءجۇرىپ-تۇرۋ مەرزىمىن ۇزارتتى
15 شىلدەدە قازاقستان مەن قىرعىزستاندا ەكى ەل اۋماعىندا ازاماتتاردىڭ جۇرۋىنە قاتىستى جاڭا ەرەجەلەر كۇشىنە ەندى. تىركەۋسىز ءجۇرۋ مەرزىمى بەس كۇننەن ءبىر ايعا دەيىن سوزىلدى. بۇعان دەيىن ول بەس كۇن بولاتىن.
ۋاقىتشا ءجۇرۋ مەرزىمى قىرعىزستان ازاماتتارىنىڭ قازاقستانعا كىرگەن ۋاقىتتان باستاپ جۇرگىزىلەدى. 30 كۇننەن اسقان جاعدايدا تىركەلۋ قاجەت بولادى.
قىرعىزستاندىقتاردى تىركەۋ 90 كۇنگە جۇرگىزىلەدى، ودان سوڭ تاعى ءدال وسىنداي مەرزىمگە سوزدىرۋعا بولادى. ءدال وسىنداي ەرەجە قازاقستان ازاماتتارى ءۇشىن دە قولدانىلادى.
بۇعان دەيىن قازاقستان ازاماتتارى قىرعىزستاندا تىركەۋسىز 30 كۇن، ال قىرعىزستان ازاماتتارى قازاقستاندا تىركەۋسىز بەس كۇن جۇرە الاتىن.
2016 جىلى كۇزدە ەكى ەلدىڭ ۇكىمەتى جاڭا كەلىسىمگە كەلدى.
Abai.kz
