كيەۆتە بەيسەنبى كۇنى ميحايلا سااكاشۆيلي جەتەكشىلىك ەتەتىن "جاڭا كۇشتەر قوزعالىسىنىڭ" نارازىلىق اكتسياسى ءوتتى. ساياساتكەردى قولداۋشىلار پرەزيدەنت اكىمشىلىگىنە دەيىن جاياۋ ءجۇرىپ ءوتتى.

سااكاشۆيليدى ۋكراينا ازاماتتىعىنان ايىرعانى 26 شىلدەدە بەلگىلى بولدى. وسىدان كەيىن ساياساتكەر كيەۆكە بارىپ، "ۋكرايناداعى رەفورما ءۇشىن" كۇرەستى جالعاستىراتىنىن مالىمدەدى.

سااكاشۆيلي 2013 جىلعا دەيىن گرۋزيا پرەزيدەنتى بولدى. ول 2015 جىلدىڭ مامىر ايىندا ۋكراينا تولقۇجاتىن العان. ودەسسا وبلىسىن باسقاردى. 2016 جىلدىڭ قاراشا ايىندا بۇل قىزمەتىنەن كەتتى. وتستاۆكاعا كەتۋىنىڭ سەبەبىن ساياساتكەر اۋداندا كوررۋپتسيامەن كۇرەسۋ مۇمكىن ەمەس ەكەنىن، سەبەبى ونى پرەزيدەنت پەتر پوروشەنكونىڭ ءوزى "قولداپ وتىر" دەپ تۇسىندىرگەن.

Abai.kz