مەملەكەتتىك رامىزدەردى قۇرمەتتەۋ جاستاردى پاتريوتيزمگە تاربيەلەۋدەگى باستى باعىتتاردىڭ ءبىرى.

ال، «قازاقستان رەسپۋبليكاسىنىڭ مەملەكەتتىك رامىزدەرى تۋرالى» زاڭنىڭ ورىندالۋىن قاداعالاۋ جەرگىلىكتى اتقارۋشى ورگانننىڭ ( ىشكى ساياسات باسقارماسىنىڭ) ءتول مىندەتى.  اتالمىش زاڭنىڭ 13 بابىنا ساي، قازاقستان رەسپۋبليكاسىنىڭ ازاماتتارى، سونداي-اق رەسپۋبليكا اۋماعىندا جۇرگەن ادامدار قازاقستان رەسپۋبليكاسىنىڭ مەملەكەتتىك رامىزدەرىن قۇرمەتتەۋگە مىندەتتى.

ورال قالاسىنداعى تەمىر جول ۆوكزالدىڭ الدىندا ورنالاسقان 10 دانا مەملەكەتتىك تۋدىڭ ءبəرىنىڭ ءتۇسى وزگەرىپ، ەسكىرگەنىن جəنە ءبىر كوك بايراعىمىزدىڭ جىرتىلىپ، سالبىراپ تۇرعانىن كوپتەن كورىپ ءجۇردىم. تۋىمىزدىڭ قورلانىپ تۇرعانىنا پاتريوتتىق سەزىمىم جىبەرمەي،  زاڭداعى ءوز مىندەتىمدى تولىق سەزىنە وتىرىپ، قولىما قالام الىپ، 2 تامىز كۇنى "Abai.kz" اقپاراتتىق پورتالىنا ماقالا جازعان بولاتىنمىن. مىنە، بۇگىن ارنايى  تەمىر جول ۆوكزالىنا بارىپ، تۋلاردى قاراسام 10 دانا تۋىمىزدى تۇگەل جاڭاسىمەن اۋىستىرىپ قويعان.

اقىن الماس احمەتبەكۇلى:

"كوكتۋدىڭ جەلبىرەگەنى -

جانىما قۋات بەرەدى.

تالاسقا تۇسسە جان مەن تۋ جان ەمەس، ماعان كەرەگى-

كوكتۋدىڭ جەلبىرەگەنى" دەپ جىرلاعانداي، ۆوكزالدىڭ الدىنداعى كوك بايراقتارىمىزدىڭ جەلمەن جارىسا جەلبىرەپ تۇرعانىن كورىپ قاتتى قۋاندىم جəنە جانىما قۋات بەردى. وسى كەمشىلىكتى جويۋعا تەز ارادا اتسالىسقان اbai.kz پورتالى ۇجىمىنا العىسىمدى ءبىلدىرىپ، شىعارماشىلىق تابىس تىلەيمىن. سايتقا  ماقالام شىقپاسا، تۋىمىز جىرتىلىپ، سالبىراپ تۇرا بەرەر مە ەدى...

تالعات قاتاۋوۆ

ورال قالاسى

Abai.kz