ەسكە سالايىق، ازيادا-2017 قارساڭىندا وبلىستىق ءنومىرى بار اۆتوكولىكتەردىڭ اشحابادقا كىرۋىنە تىيىم سالىنعان. بيلىكتىڭ اۋىزشا قاۋلىسىنا سايكەس، ايماق تۇرعىندارى استاناعا كىرۋ ءۇشىن كولىكتەرىن قالا شەتىنە تاستايدى.

استانانىڭ سولتۇستىگىندەگى چوگانلى اۋىلىنداعى اۆتوتۇراق پەن اشحاباد اراسىندا ءبىر عانا مارشرۋت قاتىنايدى.

"ادامدار كەلەسى اۆتوبۋستى ءبىر ساعاتتان استام ۋاقىت كۇتەدى", - دەپ حابارلادى تۇركىمەنستانداعى ءتىلشى امانمىرات بۋگاەۆ. ونىڭ ايتۋىنشا، ايالدامالاردا جولاۋشىلارعا ەشقانداي جاعداي قاراستىرىلماعان.

اشحاباد سىرتىندا ارنايى اۆتوتۇراق سالۋ جوسپارى بيىل مامىر ايىندا ءسوز بولعان. ال ءساۋىر ايىنىڭ باسىندا استانانى ەسكى اۆتوكولىكتەردەن "تازارتۋ" شاراسى تۋرالى حابارلاندى.

Abai.kz