تارازدا ءىىد-ءنىڭ ىشىمدىككە سىلقيا تويعان جوعارى لاۋازىمدى قىزمەتكەرى ارىپتەستەرىن پىشاقتاعان، - دەپ حابارلايدى Tengrinews.kz ءتىلشىسى قر ءىىم رەسمي وكىلى الماس سادۋباەۆتىڭ سوزىنە سىلتەمە جاساي وتىرىپ. قازىر ول ىزدەۋدە ءجۇر. ۆەدومستۆونىڭ مالىمەتىنشە، وقيعا 10 تامىزدا ساعات تۇنگى ەكىدە بولعان.  "بيىل 10 تامىزدا تۇنگى ۋاقىتتا سپيرتتىك ىشىمدىك ءىشۋ كەزىندە پوليتسيانىڭ بۇرىنعى قىزمەتكەرى م.ج.جەتپىسباەۆ، جامبىل وبلىستىق ءىىد-ءنىڭ باسقارما باسشىلارى م.ي.ۇمبەتاليەۆ پەن ە.و.بەكتۇرعانوۆ قاقتىعىسىپ قالىپ، كەيىن ول قاقتىعىس توبەلەسكە ۇلاسقان. سونىڭ سالدارىنان ۇمبەتاليەۆ م.جەتپىسباەۆتى پىشاقتاعان، بەكتۇرعانوۆقا پىشاقپەن جاراقات سالعان", - دەپ حابارلادى قر ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋباەۆ.

وسى دەرەك بويىنشا قر قىلمىستىق كودەكسىنىڭ 99 جانە 24-باپتارى بويىنشا ("ادام ولتىرۋگە وقتالۋ") سوتالدى تەرگەۋ باستالعانى بەلگىلى بولدى.  "قازىرگى ۋاقىتتا م.ي.ۇمبەتاليەۆتى ۇستاۋعا باعىتتالعان شارالار جۇرگىزىلىپ جاتىر. ال ە.و.بەكتۇرعانوۆ ۋاقىتشا ۇستاۋ يزولياتورىنا قامالدى", - دەلىنگەن حابارلامادا. ءىىم وكىلى قىزمەتتىك تەكسەرىس جۇرگىزىلىپ جاتقانىن، سونداي-اق، جامبىل وبلىستىق ءىىد باسشىلىعىن جاۋاپكەرشىلىككە تارتۋ ماسەلەسى شەشىلىپ جاتقانىن ايتا كەتت

اباي-اقپارات