گولليۆۋد اكتەرى ءوزىنىڭ ۇندەۋىن 18 ملن جازىلۋشىسى بار Instagram پاراقشاسىنا جاريالادى. دي كاپيرو قار بارىسىن ساقتاپ قالۋعا ارنالعان حالىقارالىق فورۋمعا قاتىساتىن 12 مەملەكەتتىڭ ليدەرىنە ارناعان ۇندەۋگە قول قويۋعا شاقىردى. فورۋم 23-25 تامىزدا بىشكەكتە وتەدى.

ەكولوگتاردىڭ مالىمەتىنشە، جەر بەتىندە بار-جوعى 3 مىڭداي قار بارىسى قالعان. ولار قىتاي، قىرعىزستان، قازاقستان، موڭعوليا، وزبەكستان، تاجىكستان، نەپال جانە اۋعانستاننىڭ تاۋلى ايماقتارىندا مەكەندەيدى.

ولاردىڭ مەكەندەۋ اياسى تارىلىپ جاتقاننان كەيىن، قىس مەزگىلىندە تاماق ىزدەپ، اۋىلدى ايماققا تۇسەدى. ماسەلەن بىلتىر تاجىكستاننىڭ بارتان قىشلاعىنىڭ تۇرعىندارى قىسقى ۋاقىتتا قوراعا تاماق ىزدەپ كىرىپ كەتكەن قار بارىسىن بوساتقان.

لەوناردو دي كاپريو 1998 جىلى Leonardo DiCaprio Foundation قورىن قۇرىپ، قورشاعان ورتانى قورعاۋعا ارنالعان 70 يننوۆاتسيالىق جوباعا 30 ميلليون دوللار بولگەن. 2016 جىلدىڭ قاڭتار ايىندا گولليۆۋد جۇلدىزىنا داۆوستا (شۆەيتساريا) وتكەن دۇنيەجۇزىلىك ەكونوميكالىق فورۋمدا Crystal Award سىيلىعىن بەردى.

Abai.kz