«بىرىنشىدەن، رەسەي قازاقستانعا كولدى "سىيعا تارتتى" دەۋ دۇرىس ەمەس، كولدىڭ ءبىر بولىگى بۇرىننان بەرى قازاقستان اۋماعىندا ورنالاسقان. شەكارا سىزىعى 2005 جىلدىڭ 18 قاڭتارىنداعى كەلىسسوزگە سايكەس بەلگىلەنگەن. بۇل ۋچاسكە و باستان شەكارالىق جەر. بۇل جەردە ەشقانداي ءبولىس بولعان جوق»، – دەپ مالىمدەدى ءانۋار جايناقوۆ.

نوۆوسيبيرسك وبلىسىنداعى سلادكوە كولى قازاقستانعا بەرىلدى دەگەن اقپارات جەرگىلىكتى جانە رەسەيلىك باق-تا جاريالانعان بولاتىن.

رەسەيدەگى قازاقستان ەلشىلىگىنىڭ رەسمي سايتىندا شەكارانى بولۋگە قاتىستى تۇسىنىكتەمە بەرىلگەن. وندا كول ەكى تاراپقا 70:30 بولىپ بولىنگەن. باسىم بولىگى قازاقستانعا تيەسىلى. «قازىرگى كەزدە اتالعان ۋچاسكەگە ەشقانداي وزگەرىس ەنگىزىلگەن جوق. شەكارا بەلگىلەرى دەليميتاتسيالاۋ جونىندەگى كەلىسسوزگە تولىقتاي سايكەس كەلەدى»، – دەلىنگەن قازاقستان ەلشىلىگى بەرگەن تۇسىنىكتەمەدە.

سلادكوە كولى نوۆوسيبيرسك وبلىسى كۋپينسك اۋدانى پوكروۆكا اۋىلىنان بەس شاقىرىم قاشىقتىقتا ورنالاسقان. كولدىڭ جالپى اۋماعى 45 گەكتار.

Abai.kz