باقىلاۋ ۆيدەوسىندا كۇدىكتى قىلمىسكەردىڭ سوڭىنان قۋعان پوليتسەي قارۋىن الىپ، 2–3 مەتر قاشىقتىقتان وق اتادى. وسىدان كەيىن كۇدىكتى جەرگە قۇلايدى. پوليتسيا قىزمەتكەرى وقتى اۋاعا اتتى ما، ول جاعى بەلگىسىز.

سۋرگۋتتە بولعان شابۋىلدان جەتى ادام جارالاندى. ولار اۋرۋحاناعا جەتكىزىلگەن. بىرەۋى وتە اۋىر جاعدايدا جانساقتاۋ بولىمىندە جاتىر. تەرگەۋ كوميتەتىنىڭ مالىمەتى بويىنشا، شابۋىلدى 19 جاستاعى سۋرگۋت تۇرعىنى ۇيىمداستىرعان. ول پوليتسەيلەر تاراپىنان ۇستاۋ وپەراتسياسى كەزىندە قازا تاپقان.

سۋرگۋتتە بولعان شابۋىلدى "يسلام مەملەكەتى" تەرروريستىك ۇيىمى جاۋاپكەرشىلىگىنە العانىمەن، رەسەيلىك قۇقىق قورعاۋ ورگاندارى وقيعانى ازىرگە تەراكتى دەپ اتاعان جوق.

Abai.kz