2017 جىلدىڭ  14 تامىز كۇنى  ۇلت كوشباسشىسى – قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا ايقىندالعان مىندەتتەردى باسشىلىققا الا وتىرىپ،  «تۋعان ولكەم – تۇنعان شەجىرە» اتتى تاقىرىپتا سارايشىق قالاشىعىنا ورىس، سلاۆيان، كازاكتار بىرلەستىگى قاۋىمداستىعىنىڭ  اتىراۋ وبلىستىق فيليالىنىڭ توراعاسى ۆ.ن.زاۆەرتكين باستاعان جانە اتىراۋ وبلىسى اكىمى اپپاراتىنىڭ «قوعامدىق كەلىسىم» كمم-ءنىڭ باسشىسى ت.امان-تۋرلينانىڭ جەتەكشىلىگىمەن قحا –نىڭ جاستار قاناتى تاريحي ماڭىزى بار مادەني ەكسكۋرسياعا  شىعىپ قايتتى، - دەپ حابارلايدى اbai.kz اقپاراتتىق پورتالى.

جەتى  حان جەرلەنگەن جەردەگى حان وردالىق مەموريالدىق كەسەنەسىندە مۋزەي ديرەكتورى بەردىمۇراتوۆ مولداش  اعاي جاستارعا تاريحي دەرەكتەر تۋرالى قىزىقتى اقپارات بەردى.

ت.امان –تۋرلينا قاسيەتتى جەردىڭ باسىندا ەلىمىزدە بەيبىتشىلىك ورناپ، تۇراقتىلىق پەن تىنىشتىق بولا بەرسىن دەپ قازاقستان حالقى اسسامبلەياسىنىڭ  «اق ورامالىن»  كيەلى الما تەرەگىڭنىڭ باسىنا  بايلادى.

ەكسكۋرسيا بارىسىندا جاستارىمىز سارايشىق قالاسى تۋرالى تولىق اقپاراتتى مۋزەيدەن الىپ، ءوز ەلىنىڭ مادەني تاريحي ەسكەرتكىشتەرىن تاماشالادى، ەكسپوناتتارمەن تانىستى.

ءىV. ەرتەدەگى  سارايشىق  قالاسى ورنالاسقان جەردە بولىپ،  بۇگىنگى كۇنى سۋ تاسقىنىنا قارسى جۇرگىزىلىپ جاتقان جايىق جاعاسىن بەكىتۋ جۇمىستارىن كوردى.

جالپى بۇل سارايشىققا ساياحات جاساۋ تاريحقا، عاسىرلار قۇپيالارىنا قول تيگىزگەنمەن بىردەي. مۇراجايدىڭ ەستەلىك كىتابىنان وسىندا ءار مەزگىلدە بولعان قوعام قايراتكەرلەرىنىڭ، عالىمداردىڭ، ونەر شەبەرلەرىنىڭ، شەتەلدىك قوناقتار مەن كورەرمەندەردىڭ وي-پىكىر، تىلەكتەرىن وقۋعا بولادى.

مۇراجايدىڭ كىتابىنا جازىلعان كەلىپ-كەتۋشىلەردىڭ  پىكىرىنە قاراساق، ولار - رەسەيدەن، تمد ەلدەرىنەن ، اقش، اۆستراليا، جاڭا زەلانديا، جاپونيا، گەرمانيا ەلدەرىنەن كەلگەن قوناقتار كوپ  ەكەن. قوناقتاردىڭ تاڭ قالۋى ءبىز ءۇشىن وتكەن تاريحي دەرەكتەردى ايالاۋعا، ولاردى مۇقيات ساقتاۋ كەرەكتىگىن كورسەتەتىن ۇلگى بولىپ تابىلادى. تۋعان ولكەمىز تۇنعان شەجىرەگە  تولى.

ونى ءبىلۋ،ساقتاۋ، قورعاۋ جاس ۇرپاقتىڭ ەنشىسىندە!

ءشارىپحان قايسار

Abai.kz