"نۇر وتان" پارتياسى توراعاسىنىڭ ءبىرىنشى ورىنباسارى مۇحتار قۇل-مۇحاممەد لاتىن الىپبيىنە كوشۋدىڭ ءمانى مەن ماڭىزى اسا زور ەكەنىن ايتتى.

دەموكراتيالىق كۇشتەردىڭ "قازاقستان-2050" جالپىۇلتتىق كواليتسياسىنىڭ وتىرىسىندا مۇحتار قۇل-مۇحاممەد: "بۇل ءالىپبي اۋىستىرۋ ەمەس، بار قازاقتىڭ بويىنا انا ءسۇتى، اكە تاربيەسىمەن داريتىن قازاق ءتىلىن زاماناعا ساي جاڭعىرتۋدىڭ كەشەندى جۇيەسىن، دۇرىس سويلەۋ مەن جازۋ مادەنيەتىن قالىپتاستىرۋ. ەندەشە لاتىنعا كوشۋدى ەلباسىمىز ۇسىنعان "رۋحاني جاڭعىرۋدىڭ" بەرىك ىرگەتاسى دەپ بىلەمىن", – دەدى.

سونىمەن قاتار، وتىرىستا كواليتسيا مۇشەلەرى، بەلگىلى ءتىل ماماندارى، فيلولوگ عالىمدار جانە تاعى باسقا ساراپشىلار مەن قوعام قايراتكەرلەرى ءوز پىكىرلەرىن ءبىلدىرىپ، بۇل باستامانىڭ ۇلتتىق بىرتۇتاستىقتىڭ نىعايۋىنا ۇلكەن سەپتىگىن تيگىزەتىنىن ايتتى. شارا سوڭىندا دەموكراتيالىق كۇشتەردىڭ "قازاقستان-2050" جالپىۇلتتىق كواليتسياسى بارشا قازاقستاندىقتاردى ەلباسى باستاماسىن قولداۋعا شاقىرىپ، حالىققا ءوز ۇندەۋىن جاريالادى.

Abai.kz