جۇزدەن استام ءۇندى سپورتشىسىن اشحابادقا ازيا ويىندارىنا جىبەرمەدى
اشحابادقا V ازيا ويىندارىنا قاتىسۋعا بارا جاتقان جۇزدەن استام ءۇندى سپورتشىسى دەلي اۋەجايىنان ۇشا الماعان. ءۇندى اقپارات قۇرالدارىنىڭ حابارلاۋىنشا، سپورتشىلاردىڭ جارىسقا قاتىسۋعا ارنايى رۇقساتى بولماعان.
اشحابادتا وتەتىن ازيا ويىندارىنا ءۇندى سپورتشىلارى كۋراش، سامبو، دجيۋ-دجيتسۋ، سپورت بيلەرى، ءداستۇرلى كۇرەستەن جارىستارعا قاتىسۋ كەرەك. بىراق ءۇندىستان وليمپيادا قاۋىمداستىعىندا سپورتتىڭ بۇل تۇرلەرى مويىندالماعان ەكەن.
بىراق كەيىننەن اتالعان سپورتشىلاردى تۇركىمەنستانعا جىبەرۋ ءۇشىن رۇقسات قاعازداردى ازىرلەۋ باستالدى دەپ حابارلاندى.
ازيا ويىندارىن ۇيىمداستىرۋشىلار شامامەن التى مىڭعا جۋىق سپورتشى كەلەدى دەگەن. تۇركىمەن بيلىگى بۇل شارانى وتكىزۋگە 15 ملرد اقش دوللارى شاماسىندا قاراجات جۇمساعان.
Abai.kz
