ازيا ويىندارىنىڭ اشىلۋى راسىمىنە قاتىسۋ ءۇشىن اشحاباتقا ارمەنيا، اۋعانستان، قازاقستان، مولدوۆا، پاكىستان، تاجىكستان، تاتارستان مەن وزبەكستان پرەزيدەنتتەرى، سونىمەن بىرگە رەسەيدىڭ فەدەراتسيا كەڭەسىنىڭ باسشىسى ۆالەنتينا ماتۆيەنكو باردى دەپ حابارلايدى ازاتتىقتىڭ تۇركىمەن قىزمەتى.

باس-اياعى 11 كۇنگە جالعاساتىن ازيا ويىندارىن وتكىزۋدى تۇركىمەنستاننىڭ اۆتوريتارلى پرەزيدەنتى گۋربانگۋلى بەردىمۇحامەدوۆ ەلدىڭ ايماقتاعى جەتىستىگىنىڭ مىسالى رەتىندە پايدالانىپ قالعىسى كەلەتىن سىڭايلى. تۇركىمەنستان تاۋەلسىزدىگىن جاريالاعالى بەرى بۇعان دەيىن مۇنداي كولەمدەگى حالىقارالىق شارا وتكىزبەگەن. جابىق زالداعى سپورت جانە جاۋىنگەرلىك ونەر تۇرلەرىنەن بەسىنشى ازيا ويىندارىنا دايىندىق ۇكىمەتتىڭ الدىنا قويىلعان باستى شاراسى بولدى، بۇل ماقساتقا ميللياردتاعان دوللار قارجى جۇمسالدى. ادەتتە تۋريستەر ءۇشىن جابىق ەل بولىپ كەلگەن تۇركىمەنستانعا بۇل جولى ونداعان مىڭ تۋريست كەلمەكشى.

ۇيىمداستىرۋشىلاردىڭ حابارلاۋىنشا، جارىسقا 62 ەلدەن 5,5 مىڭنان اسا سپورتشى قاتىسادى. 13 جاسار جۇزگىش جاحان ارا نابي جابىق زالداعى سپورت جانە جاۋىنگەرلىك ونەر تۇرلەرىنەن بەسىنشى ازيا ويىندارىنا قاتىساتىن ەڭ جاس سپورتشى رەتىندە پاكىستاندىق 13 جاسار جۇزگىش جاحان ارا ءنابيدىڭ ەسىمى اتالىپ وتىر.

اشحابادتا قازاقستان پرەزيدەنتى نۇرسۇلتان نازارباەۆ جۇمىس ساپارىمەن ءجۇر، ول بۇگىن تۇركىمەنستان پرەزيدەنتى گۋربانگۋلى بەردىمۇحاممەدوۆپەن كەزدەسكەن.

Abai.kz