اق ازيادانىڭ الماتى مەن استاندا وتەتىن ويىندارىنا قاتىستى دايىندىق شارالارىنان سوڭعى جاڭالىق: «مەدەۋ-شىمبۇلاق» گوندولدى جولى كوممەرتسيالىق تۇرعىدا پايدالانۋعا بەرىلدى.  ال جەلتوقسان ايىنىڭ ورتاسىنان باستاپ «شىمبۇلاق كۋرورتىندا تاۋ شاڭعىسىنىڭ ماۋسىمى اشىلادى.

بيلىككە جاعاتىن اقپارات بەرۋدىڭ ادال قۇلى «حاباردىڭ» ءبىر ءتىلشىسى وتكەندە نۇرسۇلتان نازارباەۆتىڭ الماتىعا كەلگەن ساپارىنا وراي اتاقتى مەدەۋ شاتقالىنان رەپورتاج جاساپ ۇلگەرگەن بولاتىن. «حابار» ارناسىنىڭ، وزگە دە رەسمي دەرەك كوزدەرىنىڭ مالىمەتتەرىنە قاراعاندا الماتى 7-ءشى قىسقى ازيا ويىندارىن وتكىزۋگە تولىق دايىن كورىنەدى. البەتتە، ەلىمىزدىڭ ابرويىن ارتتىرىپ، الىس-جاقىن ەلدەرگە تانىلا تۇسۋىنە سەپتىگىن تيگىزەتىن  قانداي جيىنعا بولسا دا قول سوعامىز. بىراق، بار جاقسىسىن جاتتىڭ اۋزىنا توسىپ، بۇگىنگىدەي اۋمالى توكپەلى زاماندا جىرتىلىپ  ايرىلۋدىڭ ءتۇبى  بەدەل جيناپ بەرمەسىن  ەڭكەيگەن قارت تۇگىلى ەڭبەكتەگەن بالاعا دەيىن تۇسىنەدى.  قازىر الماتىدا قىسىقى ازيادا ويىندارىن جوعارى دارەجەدە وتكەرۋ ءۇشىن وزگە شارۋانى جيىپ قويۋعا تۋرا كەپ تۇر.  ال،  الماتىنىڭ اۋاسى لاستانىپ بارادى.  تاۋدىڭ  ساف اۋاسىمەن تىنىستاۋعا ءتيىس سپورتشىلاردىڭ تاناۋىنا تومەننەن ءيىس-قوڭىستى «ەرتىپ» قولاڭسا   بارسا، ازيادانىڭ ابىرويىمەن ءوتۋى  نەعايبىل. ءتىپتى، ۋعا بوككەن اۋا قىردىڭ قارىن ەرىتىپ، شاڭعىمەن زىرلايتىن جولداردى شاڭعا اينالدىرىپ جىبەرسە تاڭ قالمايتىن شىعارمىز.

اق ازيادانىڭ الماتى مەن استاندا وتەتىن ويىندارىنا قاتىستى دايىندىق شارالارىنان سوڭعى جاڭالىق: «مەدەۋ-شىمبۇلاق» گوندولدى جولى كوممەرتسيالىق تۇرعىدا پايدالانۋعا بەرىلدى.  ال جەلتوقسان ايىنىڭ ورتاسىنان باستاپ «شىمبۇلاق كۋرورتىندا تاۋ شاڭعىسىنىڭ ماۋسىمى اشىلادى.

بيلىككە جاعاتىن اقپارات بەرۋدىڭ ادال قۇلى «حاباردىڭ» ءبىر ءتىلشىسى وتكەندە نۇرسۇلتان نازارباەۆتىڭ الماتىعا كەلگەن ساپارىنا وراي اتاقتى مەدەۋ شاتقالىنان رەپورتاج جاساپ ۇلگەرگەن بولاتىن. «حابار» ارناسىنىڭ، وزگە دە رەسمي دەرەك كوزدەرىنىڭ مالىمەتتەرىنە قاراعاندا الماتى 7-ءشى قىسقى ازيا ويىندارىن وتكىزۋگە تولىق دايىن كورىنەدى. البەتتە، ەلىمىزدىڭ ابرويىن ارتتىرىپ، الىس-جاقىن ەلدەرگە تانىلا تۇسۋىنە سەپتىگىن تيگىزەتىن  قانداي جيىنعا بولسا دا قول سوعامىز. بىراق، بار جاقسىسىن جاتتىڭ اۋزىنا توسىپ، بۇگىنگىدەي اۋمالى توكپەلى زاماندا جىرتىلىپ  ايرىلۋدىڭ ءتۇبى  بەدەل جيناپ بەرمەسىن  ەڭكەيگەن قارت تۇگىلى ەڭبەكتەگەن بالاعا دەيىن تۇسىنەدى.  قازىر الماتىدا قىسىقى ازيادا ويىندارىن جوعارى دارەجەدە وتكەرۋ ءۇشىن وزگە شارۋانى جيىپ قويۋعا تۋرا كەپ تۇر.  ال،  الماتىنىڭ اۋاسى لاستانىپ بارادى.  تاۋدىڭ  ساف اۋاسىمەن تىنىستاۋعا ءتيىس سپورتشىلاردىڭ تاناۋىنا تومەننەن ءيىس-قوڭىستى «ەرتىپ» قولاڭسا   بارسا، ازيادانىڭ ابىرويىمەن ءوتۋى  نەعايبىل. ءتىپتى، ۋعا بوككەن اۋا قىردىڭ قارىن ەرىتىپ، شاڭعىمەن زىرلايتىن جولداردى شاڭعا اينالدىرىپ جىبەرسە تاڭ قالمايتىن شىعارمىز.

تەگىندە، ەسىموۆ مىرزا مەدەۋ شاتقالى مەن «تاباعاننىڭ» تابيعات تۇزگەن ويى مەن قىرىنا «سۋ قۇيىپ، سىرعاناق»  جاساپ قانا قويماي الماتى قالاسىنىڭ ەكولوگياسىنا دا اسا ءمان بەرۋى كەرەك ەدى. وسى سپورتتىق ويىننىڭ الماتىدا وتەتىنىن جەلەۋ ەتىپ «تاۋەلسىزدىگىمىزدىڭ بەسىگى بولعان» الىپ شاھاردىڭ تۇرمىسى مەن ساۋلەتىن  تۇزەي تۇسسە، كانى دەر ەدىك. ەسىموۆتىڭ ەسەبى بويىنشا سوڭعى توعىز ايدا الاتاۋ اۋدانىنىنا تولىق گاز قۇبىرلارى  تارتىلىپ ءبىتىپتى. اۋدان تۇرعىندارى بولسا گاز قۇبىرلارىنىڭ قاشان، قاي ۋاقىتتا تارتىلىپ بىتكەنىنەن حابارسىز. الاتاۋ اۋدانىنىڭ اكىمى باعدات ءمانىزوروۆ اكىمشىلىكتىڭ سايتىندا تۇرعىنداردىڭ ءبىرى قويعان سۇراققا «اۋدان تولىق گازداندىرىلدى، بىراق ءار ۇيگە گازدى كىرگىزىپ بەرۋدىڭ قاراجاتى بيۋدجەتتە قارالماعان» دەپ سوعىپ وتىر. سوندا بۇل قانداي قيسىن؟ ەگەر اتالعان اۋداننىڭ اۋماعىنداعى ءار وتباسى  كوگىلدىر وتىننىڭ الاۋىنا الاقان  توسىپ، كومىردىڭ كۇلىنە كومىلمەيتىندەي جاعدايعا جەتسە،   «ە-ە، بارەكەلدى!»دەۋگە بولاتىن ەدى .  بىراق، گاز قۇبىرىن جەرگە تىعىپ تاستاعان الماتى قالاسى اكىم قارالارىنىڭ ارەكەتىنە قاراپ قاراداي  قىسىلعان حالدە ءومىر سۇرۋگە تۋرا كەلىپ تۇر.  سوندا بۇلاردىكى نە تىرلىك؟ گازدى اتا-باباسىنان قالعان مۇراداي ساقتاپ، جالپى جۇرتقا  بەرمەۋدىڭ امالى ما، الدە، ۇكىمەتتىڭ قۇبىر تارتۋعا بولگەن قارجىسىن جارتى جولدا جىمقىرىپ ەلگە ۇستەمە باعامەن ساتۋدىڭ ساۋداگەرلىك ايلاسى ما؟ قالاي دەسەكتە، الماتى كوك تۇتىننەن كوز اشار ەمەس. الدا قاڭتاردىڭ قاقاعان ايازى مەن اقپاننىڭ ايقاي بورانى كەلە جاتىر. جەكە سەكتوردا ءۇيى بار كەدەي كەپشىك وكىرتىپ تۇرىپ كومىر مەن اعاش وتىندى، رەزەڭكە مەن كەروسيندى ارالاستىرىپ   جاعۋعا ءماجبۇر. وعان كوشەلەردى كوك تۇتىنمەن كەپتەيتىن اۆتوكولىكتەردىڭ قىرعىن ءجۇرىسىن قوسىڭىز.

الماتىدا كوپتەن بەرى  كوك تۇمان. الاتاۋدىڭ باۋىرىنداعى كوك تۇماندى كورگەن ازيا سپورتشىلارى «مىناۋ نە ماسقارا، امان-ەسەنىمىزدە  كەتەيىك» دەپ  ويىننىڭ ورتاسىندا ەلدەرىنە تايىپ تۇرسا،  قاس ماسقارا بولدىق.  بەيجىڭدە وتكەن جازعى وليپيادا ويىندارىنا كەيبىر  سپورتشىلاردىڭ بارماي قالعانى تۋرالى ەستىگەنبىز. الگى سپورت تويىنا بارماي قالعاندار «قىتايدىڭ  جازداعى اۋاسى وتە ناشار. وكپەمىز كۇيىپ كەتەدى» دەپتى. «ءجۇز سوم، ارينە، جاقسى اقشا، بىراق  دەنساۋلىق  تا كەرەك» («تاقيالى پەرىشتە» فيلمىنەن)  دەمەكشى، جەتىستىكتەن، اتاق-داڭىقتان گورى سپورتشى ءۇشىن دەنساۋلىقتان قىمباتى بار ما؟

ازيادا ويىندارى دا «ىربيىپ-جىربيىپ» (استانا مەن الماتى قالالارىندا وتەتىن 7-ءشى ازيادا ويىندارىنىڭ ءرامىزى رەتىندە ورىستاردىڭ   جاساپ بەرە سالعان «يربيس»- «ءىلبىس» بەينەسىن ايتقىش قۋلار وسىلاي دەپ ءجۇر) وتە شىعار. وكپەمىز ءوشىپ ءبىز قالامىز. باسقا نە دەيمىز؟..

«اباي-اقپارات»