قويشىبەك مۇباراك. ارعى بەتتەگى اعايىنداردىڭ سايتتارى
«Abai.kz» اقپاراتتىق پورتالى جەر بەتىندەگى قازاقتىڭ ءبارىن ەكى دۇنيەدە بولشەكتەنبەس ءبىرتۇتاس دەپ بىلەدى. سونىڭ ءبىر ايعاعىنداي وتانىنان وقشاۋ جاتقان قانداستىڭ دا قام-قارەكەتىنەن حاباردار ەتىپ تۇرماق نيەتتە. بۇگىنگى زامانانىڭ كوشىنە ىلەسە وتىرىپ، تۇتاستىعى مەن ۇلتتىعىن ساقتاپ وتىرعان جات جەردە جۇرگەن باۋىردىڭ قانداي ماسەلە قوزعاپ، نە تولعانتىپ وتىرعانىنا دا وقىرمان كۋا بولسىن دەگەن ويمەن قىتايدا تۇراتىن قازاقتاردىڭ ينتەرنەت سايتتارىنا شولۋدى ۇسىنىپ وتىرمىز.
بۇدان كەيىن شەتەلدە شاشىراپ جۇرگەن قانى ءبىر تۋىستاردىڭ ۆەب-سايتتارىنا شولۋدى تۇراقتى تۇردە بەرۋ ماقساتىمىزدىڭ ءبىر سالاسى.
ابايشىل، الاششىل بولايىق، اعايىن!
«اباي-اقپارات»
«Abai.kz» اقپاراتتىق پورتالى جەر بەتىندەگى قازاقتىڭ ءبارىن ەكى دۇنيەدە بولشەكتەنبەس ءبىرتۇتاس دەپ بىلەدى. سونىڭ ءبىر ايعاعىنداي وتانىنان وقشاۋ جاتقان قانداستىڭ دا قام-قارەكەتىنەن حاباردار ەتىپ تۇرماق نيەتتە. بۇگىنگى زامانانىڭ كوشىنە ىلەسە وتىرىپ، تۇتاستىعى مەن ۇلتتىعىن ساقتاپ وتىرعان جات جەردە جۇرگەن باۋىردىڭ قانداي ماسەلە قوزعاپ، نە تولعانتىپ وتىرعانىنا دا وقىرمان كۋا بولسىن دەگەن ويمەن قىتايدا تۇراتىن قازاقتاردىڭ ينتەرنەت سايتتارىنا شولۋدى ۇسىنىپ وتىرمىز.
بۇدان كەيىن شەتەلدە شاشىراپ جۇرگەن قانى ءبىر تۋىستاردىڭ ۆەب-سايتتارىنا شولۋدى تۇراقتى تۇردە بەرۋ ماقساتىمىزدىڭ ءبىر سالاسى.
ابايشىل، الاششىل بولايىق، اعايىن!
«اباي-اقپارات»
القيسسا، جەر بەتىندەگى 15 ميلليون قازاقتىڭ وننان ءبىر بولىگىن ۇستاپ جاتقان قىتاي قازاقتارى تۋرالى ايتار ءسوز باسقاشا بولسا كەرەك-ءتى. ارىسى جوڭعاردى جايپاعان قازاق ساربازدارى ەندى، جاعالاسار جاۋدان قۇتىلدىق-اۋ، دەپ ەجەلگى مەكەندەرىنە قاراي كوش تۇزەگەن. سول ۇلى كوشتىڭ ۇلكەن ءبىر سالاسى التاي، تارباعاتاي، ءتاڭىر-تاۋ باۋىرىنا كەتكەن اعايىندار. اتا-باباسىنىڭ كىندىك قانى تامىپ، ءدۇلدۇلىنىڭ تۇياعى توزعان كەڭ ساحاراسىن باسقالار باسىپ كەتپەسىن دەپ بارعان... بۇل شامامەن سول XVIII عاسىردىڭ سوڭى، XIV عاسىردىڭ باسى. ارادا تالاي اپالاس-توپەلەس زامان ءوتتى. قايمانا قازاقتىڭ ءبىر تۇتاس جەرىن ەكى جاقتاعى ەكى الىپ جاۋلاۋشى ەلدەر ەكىگە ءبولىپ الدى. بىر تۇتاس قازاقتى ەكىگە ءبولىپ كەتكەن قىزىل سىزىققا دا ءبىر تالاي زامان ءوتتى. بۇل جاقتا ورىستىڭ وتارشىلدىعىنان قان كەشىپ جاتقاندا ولاردىڭ دا شەكەسى قىزبادى. اۋەلى ىزعۇتتىنىڭ ايانىشتى ولىمىنەن باستالاتىن قاندى شايقاس ءبىر تارقاماي، قايمانا جۇرتىن ايداھاردىڭ اۋىزىنان «قالاي امان الىپ قالام»، دەپ ەتىگىمەن قان كەشكەن بوكەنىڭ باسى دەنەسىنەن اجىراپ، اراسى ەكى ايلىق جول التايعا جەرلەندى. ورتادا قىلاڭنىڭ، اسىلبەكتىڭ، زۋقانىڭ باسى شابىلدى. اقىت، شاراپقان، قاراعۇلدار تۇرمەدە ءولتىرىلدى. بۇتكىل ءشينجياڭدى تىكەسىنەن تىك تۇرعىزىپ، از عانا قازاق ساربازىمەن قىتايدىڭ كونەسىن دە، جاڭاسىن دا لاقشا باقىرتىپ، باۋىزداپ تۇرىپ اتا جۇرتتى قورعاپ قالعان باتىر وسپان قاپيادا قولعا ءتۇسىپ اتىلدى. ودان كەيىن دە قازاقتىڭ يگى جاقسىلارىنىڭ بارلىعى تارىمعا ايدالدى. اۋپىرىمدەپ امان قالعاندارى اراعا 20 جىل سالىپ اۋىلىنا ورالدى. جەر بەتىنەن ءوشىپ كەتەر مە ەكەنبىز دەپ زار جىلاعان قازاقتىڭ قاندى جاسىن جاراتقان يەم كورگەن ەكەن. اقىرى، 1991 جىلى 300 جىل يمپەريانىڭ وتارىندا، سوڭعى 70 جىل كوممۋنيستىك ورىستاردىڭ بودانىندا بولعان ۇلى قازاق ەلى ەگەمەن بولدى. ارينە، ەلدى ەلەڭ ەتكىزگەن ەگەمەندىگىمىزدى قالاي تويلاعانىمىزدى، قالاي قارسى العانىمىزدى قايتالاپ ايتا بەرىپ قايتەيىك، دەسەدە، وسى قىتايدا قالعان قازاقتاردىڭ قۋانىشى ەرەن بولدى. ودان بەرى دە اتتاي زاۋلاپ جيىرما جىل ءوتتى. مىنە، وسىنىڭ بارلىعىندا ەكىگە جارىلىپ قالعان قازاقتار ءبىر-بىرىمەن ءجىتى تۇسىنىسە الماي قالىپ جاتادى. وسى ولقىلىقتاردى جويۋ ءۇشىن بۇگىنگى العا باسار قازاق جاستارىنىڭ قولىندا تۇرعان ەلەكتروندىق جۇيە ارقىلى ءبىر-ءبىرىمىزدى جەتە تۇسىنىسسەك دەگەن ماقساتتا قىتايداعى باۋىرلاستارىمىزدىڭ ءار سالاداعى پورتالدارىنا شولۋ جاسادىق.
ەڭ اۋەلى قازاق تور جيناعى www.kz321.com سايتىنا كىرەلىك. بۇل جەردە بارلىققا دەرلىك قازاق سايتتارى قامتىلعان. ان-كۇي، اقيىق كومپيۋتەر، سال-سەرى، ەلارىس، ساحارا، بوزبالا، سەن - قازاق، اتامەكەن، كەرۋەن، تارىمقازاقتارى، اقيقات، كۇلتەگىن، قازاق ارمانى، قازاق مۋزىكاسى، شالقار، تاماشا، الەم قازاقتارى، مەن - قازاق، پاراسات، قازاقسوفت قاتارلى كوپتەگەن توراپتارىمەن بىرگە بۇل جيناقتان قازاقستاننىڭ دا بارلىق سايتتارىن تاۋىپ الا الاسىز.
وسى توراپتاردىڭ ءبىر قانشاسىنا شولۋ جاساي كەتەلىك. مىسالى، بوزبالا تورابىن الار بولساق: http://www.bozbala.com/ بوزبالا تورابى كەسكىن، مۋزىكا، سۇحبات، كورشىلەر، سۋرەت كەڭەسجاي، كينو سىقىلدى باس بولىكتەردەن تۇرادى. ەندى ءبىز وسىنىڭ ىشىنەن ايرىقشا سۇحباتقا شولۋ جاساساق: بۇل ءوزى جالپى ۇلكەن جەتى بولىمنەن تۇرادى.
1. قازاعىم - ماقتانىشىم بولىمىندە: قازاق تاريحى، قازاق سالت-ءداستۇرى، ءتىل-جازۋ، ۇلىلار ورداسى، وقۋ-اعارتۋ، جۇلدىزدار، ستۋدەنتتەر رايونى، اقىندار ايتىسى، بالالارعا بازارلىق;
2. اقپارات الەمى بولىمىندە: الەم اياسىندا، ەل ءىشى جاڭالىقتارى، قازاق ەلى اپتالىعى;
3. كومپيۋتەر الەمى بولىمىندە: پروگرامما ءتىلى، حابارلاسۋ رايونى، كومپيۋتەر بىلىمدەرى، قاسكەر (حاككەرلەر) رايونى، كينو فيلم، سۋرەت رەداكتسيالاۋ، قاتتى، جۇمساق بولشەكتەر
4. الۋان تاقىرىپتار بولىمىندە: اڭگىمەڭ بار ما، تۇرمىس، نەكە، ماحاببات، اۆتوموبيل دۇنيەسى، قىزمەت ىزدەۋ، تانىستىرۋ، دەنساۋلىق - زور بايلىق، جۇلدىزناما - ءتۇس جورۋ، پيسيحولوگيالىق كەڭەس، تىلسىم دۇنيە، ءدىن جانە عالىم، زاڭ اياسىندا، ساۋدا-ەكونوميكا، اسكەري ىستەر، داستارحان، سپورت الەمى، اۋىل شارۋاشىلىعى بىلىمدەرى، ساياحات جانە ورتا ماسەلەسى، زەردە، قىزدار حاندىعى، جىگىتتەر الەمى;
5. ادەبيەت ارناسى ءبولىمى: قارا ءسوزدىڭ قايىعى، ولەڭ - ءسوزدىڭ پاتشاسى، ماقال-ماتەل، عاقليالار، جۇمباق-جاڭىلتپاش;
6. كوڭىل اشار ءبولىمى: ساعىندىرعان اۋەندەر، سۋرەت الەمى، FLASH, MTV, كينو-فيلم، ساز الەمى، سۇيەمەل مۋزىكالار، تور ويىنى، ءازىل-سىقاق، كۇلكى كۇيمەسى،
7. تالقى قىزمەت رايونى;
8. كورشى توراپتاردان قۇرالعان.
بۇدان سىرت، وسى 8 بولىمدەگى جاريالانىمدار سۋرەتتى جولداما، جاڭا تاقىرىپتار، جاڭا جاۋاپ قايتارىلعاندار، اپتالىق قىزعىن تاقىرىپتاردا سارالانىپ، تالدانىپ وقىرمان قاۋىمعا قايتالانىپ ۇسىنىلىپ وتىرادى. مىسالعا، جاڭا تاقىرىپتاردا جازعى ازيا ويىندارىنىڭ گۋانچۋداعى جابىلۋى ءراسىمىن http://www.bozbala.com/kzbbs/viewthread.php?tid=63610 بەتكە سالسا، سونىمەن بىرگە 2030 جىلى قىتايدىڭ بولشەكتەنۋى مۇمكىن دەگەن تاقىرىپتى دا قاۋزاي تۇسكەن. http://www.bozbala.com/kzbbs/viewthread.php?tid=63609
اپتالىق قىزعىن تاقىرىپتا بەرىك سۇلتانوۆتىڭ http://www.massagan.com/news.php?mod=news&id=4661&catid=3 «قارا جورعا» - قازاققا قاسىرەت» دەگەن ماقالاسى قازاقى وقىرماننىڭ قاتتى اشۋىن كەلتىرگەن.
وسىعان وراي ەرالاش اتتى وقىرمان "مىناۋ دۋلات يسابەكتىڭ ءسوزىن ەستىگەن بالە عوي. باسقا قۇرىپ قالعانداي «قارا جورعادا» قاي اتاسىنىڭ قۇنى بار، ۇيعىردىڭ، ورىستىڭ ءبيىن بيلەپ جۇرگەننەن جاقسى عوي. وسىلاي وتتاماسا باستارى اۋىرادى. ءسوز تاپپاعانداي قاراشى، جەتەسىزدىڭ تىرلىگىن. سول دا ءسوز بولىپ پا؟! «بوياۋشى، بوياۋشى دەسە، ساقالىن بوياعان» ساتقىندار", - دەسە، نارتاۋ دەگەن وقىرمان: "نەگىزى ۋاحابيسسىڭ-اۋ، ءدىن مەن ۇلتتىق سالتتى قاراما-قارسى قويۋ كوممۋنيستەردىڭ عانا ەرەكشەلىگى ەمەس، سىزدەردە دە بار ەكەن-اۋ. بۇيىتكەن يماندىلىعىڭ قۇرىسىن، ناعىز يمانسىز ساتقىن. سەندەيلەردىڭ كەسەلىنەن بۇكىل اراب الەمى قور بولىپ، قورلانىپ جاتقان جوق پا، ناقۇرىس!" - دەسە، جاقاي اتتى وقىرمان: " (بۇل بي - قازاقتى قۇرتقىسى كەلەتىندەرگە اسىل دۇنيە. قازاق «قارا جورعانى» بيلەسە، التىن ۋاقىتتارىن بوسقا وتكىزەدى، بويداق جىگىتتەر وزدەرىنە ارۋ تابادى. ءسويتىپ، بىلىمگە دەگەن قۇشتارلىق ازايادى. تاستاندى بالالار كوبەيىپ، جاساندى تۇسىك جاساتۋ ارتادى.)
بۇل ءبىر ەسسىزدىڭ ايتقانى عوي، قارا جورعامەن جاستار ازادى دەۋ بوق ءسوز عوي، ءبيدىڭ ءوزى كوڭىل كوتەرۋگە، دەنساۋلىققا پايدالى، قازاقتىڭ ۇلتتىق كيىمىن كيىپ، بۇراتىلا قارا جورعا بيلەگەن قازاقتى كورسە، تاڭداي قاقپايتىن كىم بار، بۇل ءسوزدىڭ ءوزى ۇلتتىق ار-نامىستى تاپتاعاندىق قوي، بارىپ تۇرعان بىلجىراق. «قارا جورعا - قازاقتى قۇرتاتىن بي» دەگەنى ءتىپتى كۇلكىلى-اق»، - دەپ پىكىر بىلدىرسە، ءوزىن ناپولەون اتاعان وقىرمان: "باتىستاعى تەرىس اعىمدار قازاقستانعا كىرىپ، تاۋەلسىزدىك العاننان بەرى قاراي ەتەك-جەڭىن جيىپ، يسلامعا بەت العان قازاق قاۋىمىنا، ءتۇرلى-ءتۇرلى ءدىن اعىمدارى، ۋاعىزداۋشىلاردىڭ، اسىرەسە، دىنشىلدەردىڭ تەرىس ۋاعىزى پالە بولىپ جولىقتى، ءتىپتى ءدىنشىل ەلەمەنتتەردىڭ ەسىرگەنى سونداي، ولار يسلام ءدىنى مەن قازاقتىڭ سالت-ءداستۇرىن قاراما-قارسى قويىپ، وسى ارقىلى قازاقتىڭ تاماشا سالت-ءداستۇر، ۇلتتىق قۇندىلىقتارىن جوعالتۋعا، تۇنشىقتىرۋعا ۇرىندى. قازاقتىڭ بىلگىر دانىشپاندارى ءال-فارابي، اباي اتامىز دا ءدىندى ۇلتتىق داستۇرمەن قارسى قويماعان، دىنمەن ۇلتتىق ءداستۇردى قاراما-قارسى قويۋ، جات نيەتتىلەردىڭ قازاقتىڭ اراسىنا ىرىتكى سالۋىنان باسقا تۇك تە ەمەس، ءبارىمىزدىڭ جۇرەگىمىزدە اللا بار، قۇداي ءبىر، قۇران شىن. اناۋ ايتسا، اناعان باس شۇلعىپ، مىناۋ ايتسا، مىناعان باس شۇلعىپ، ءوز باعىت-باعدارىمىزدان اداسىپ قالمايىق، اسىرەسە، ۇشقارى تەرىس اعىمداعى ءدىنشىل ەلەمەنتتەردەن ساق بولايىق، اعايىن !!!"- دەپ ەسكەرتەدى. بۇداندا تىس كوپتەگەن پىكىرلەر بەرىلگەن.
جاتتىڭ قولىندا وتىرعان اعايىندار كوپ نارسەنى اشىپ ايتپاسا دا، كەي-كەيدە باسقالاي ءبىر امالدارمەن ويلارىن ءبىلدىرىپ جاتادى. مىسالعا، جاي عانا مىنا ءبىر ماتەريالدى اشىپ كورەيىك. ءبىزدىڭ الىستاعى اعايىندارىمىز كىمدەرمەن بىرگە جاساسىپ جاتىر ەكەن. الەمدەگى ەڭ نازىك جاندى سانالاتىن ايەلدەر قاۋىمى، تۋرا ءبىزدىڭ اعايىندارمەن جاساسىپ جاتقان جىڭىشكە جولدىلار نە حاراكەتتە ەكەن. سايتان العىر، قىزدارى بۇلاي ىستەگەندە باسقالارى شە؟ ويلاۋعا قورقاسىڭ. http://www.kerwen.com/MTV/MtvKorw.asp?id=1187
ال، تۇران تورابىنا كەلسەك http://www.kzturan.com بۇل جەردە: كۋا بول ستۋدياسى، قازاقشا ءارىپ سايكەستىرگىش جانە سۇحبات سىندى ءۇش ۇلكەن بولىمنەن تۇرادى. سۇحبات بولىمىندە دە كوپتەگەن قىزىقتى ماتەريالدارمەن تانىسۋعا بولادى.
قىتاي قازاقتارىنداعى كولەمدى سايتتاردىڭ ءبىرى كۇلتەگىن سۇحباتى http://www.kultegin.com/bbs وسى سۇحباتتا ءۇيسىن اتتى وقىرمان ء"دۇلدۇل ادەبيەت سىيلىعى" اتتى تاقىرىپتا جاڭا عانا 3 - ارنادان «ءدۇلدۇل» ادەبيەتى سىيلىعى جونىندەگى حاباردى كوردىم، «ءدۇلدۇلدىڭ» اۋجايىن اڭداسام باياعىداعى ارداق نۇرعازىنىڭ ماقالاسى ءالى دە تارازى باسىپ تۇر ما ەكەن دەيمىن. سىزدەرشە قالاي؟" دەپ ساۋال جولداسا http://www.kultegin.com/bbs/viewthread.php?tid=10200
ەدىل: «ول تۋرالى ۇندەمەي-اق قويايىق. ءدۇلدۇل سىيلىعىن بارلىعى الىپ شىعادى كەزەكپەن. تەك سول كەزەكتىڭ قالاي قاتارعا تۇراتىنىندا عانا تارتىس بولىپ جاتادى. ودان وزگە دانەڭە دە جوق».
مادەنيەت: «ەسىل توردوستىڭ ايتقانى تۋرا. باسقا قالامگەرلەردىڭ سىيلىق پەن اتاق-داڭىق تۋرالى ءوز ۇستانعان جولى بولۋى مۇمكىن. بۇل كۇندە سيلىق جانە باسقا وسى تەكتەس ءبىر دۇنيەلەر تۋرالى ايتۋدىڭ دا قاجەت شامالى. بۇل بىرەۋلەرگە جامان اتتى بولۋدان ساقتانۋ ماسەلەسى ەمەس. مەنشە ءبىر قالامگەر ءۇشىن بارىنەن ماڭىزدىسى شىعارماشىلىقپەن شۇعىلدانۋ، جاقسى تۋىندى جاراتۋ، وقىرماندارىنىڭ كوڭىل تورىنەن ورىن الۋ. ال، اقىن-جازۋشىلىققا جات قىلىقتار ءتۇبى تەكتەلمەي قويمايدى.
ءدۇلدۇل سىيلىعىنىڭ بار بولعانىنا شۇكىرلىك! جوعارى-تومەن شاپقىلاپ، قاتىستى ورىنداردىڭ قولداۋىنا يە بولىپ، قارجى توپتاپ، شارشاپ-شالدىعىپ، سىيلىقتىڭ ۇزبەي تاراتىلىپ تۇرۋىنا كەپىلدىك ەتكەن قاتىستى ورىندار مەن جۋرنال رەداكسيالارىنا جانە ونداعى ازاماتتارعا راحىمەتتەن باسقا ايتارىمىز جوق!»
قازعاق: «سىيلىق تاراتۋ ناۋقانىنان جالىقتىم. مەن دە كوپ سىيلىق الدىم. بىراق ءبىز قاي ورەگە جەتتىك؟ بىلمەيمىن. سوعان كۇدىكتەنەم. شىنىن ايتا سالايىن، اتاق الۋعا، تانىستىرۋعا تۋرا كەلگەندە ت.ب. لاردا سىيلىقتىڭ اتقارار ءرولى بار ەكەن. جالپى باعالاۋ جۇمىسىنىڭ بولعانى ابزال. بۇل جاعىن مادەنيەت ايتىپ ءوتتى. وعان قوسىلامىن. ءتىلىمىز شىبارلانىپ كەتىپ بارادى، ونىڭ ۇستىنە ناعىز دارىنمەن ادەبيەتكە كىرىسپەي، جۇرەكپەن جازباي ساپالى شىعارما جارىققا شىعار ما؟»
مادەنيەت: «قازاق اقىن-جازۋشىلارى عانا ەمەس، قازاق حالقى جان-جاقتى ۇلكەن سىنعا ءدوپ كەلدى! قازاق حالقى عانا ەمەس، بۇكىل ادامزات عالامدانۋ، وسىزاماندانۋ، قالا- قالاشىقتانۋدىڭ اۋىر سىنىنا ءدۇپ كەلدى. ەندى ءبىر جاقتان ايتساق، قازاق اقىن- جازۋشىلارى ءوزىنىڭ مول رۋحاني قۇندىلىقتارى مەن تىڭ مۇمكىندىكتەرىنەن پايدالانىپ ءوزىن الەم حالقىنا ايگىلەيتىن كەز دە جەتتى. ادەبيەتتىڭ ۇلتتىق سيپاتى كۇشتى بولعان سايىن، دۇنيەلىك سيپاتى كۇشتى بولادى. قازاق ادەبيەتى الدىمەن قازاق وقىرماندارىنىڭ ادەبيەتى ەكەنىن ۇمىتپاعان ءجون. ءوز ۇلتىن مويىنداتپاسا وزگەنى مويىنداتۋى ناعايبىل. دەسە دە گارسيا ماركەس، ورحان پامۋكتەردىڭ شىعارمالارىنىڭ شەتەلدەگى وقىرمانى ءوز ەلىنەن الدە قايدا نەشە ەسە كوپ ەكەنىن دە ەسكەرگەن ابزال. ماسەلە ادەبيەتكە قاي جولمەن قالاي كەلۋدە تۇر. ادامزات بالاسى قازىر ءومىر ءسۇرۋ مەن دامۋدىڭ كەڭىستىگىن ساقتاپ قالۋ جانە كەڭەيتۋ جولىندا قيان-كەسكى باسەكەدە كەلەدى. بۇل باسەكە ءبىزدى ءالى تالاي قالجىراتادى، تورىقتىرادى، تولعاندىرادى. سول ءۇشىن مەزەتتىك تورىعۋدى، تولعانۋدى جاڭالىقتىڭ باستاماسى، ادامزاتقا ۇلگى بولار ۇلى دا ىزگى ىستەردى باستاۋ الدىنداعى تىنىعۋ دەپ قابىلدايىق! ەل امان، زامان تىنىش بولسا ءبارى دە وڭىنا باعادى. مىنە، بۇل مىڭ ءولىپ، مىڭ تىرىلگەن قازاق رۋحى - دالا رۋحى!»
قازعاق: «ماكەڭ دۇرىس ايتتى، اشىنىپ ايتتى، كۇيىنە ايتتى، قازاق ادەبيەتى ءۇشىن! جان دۇنيەسىمەن ۋايىم شەككەنى كورىنىپ تۇر. بۇگىنگى مىنا عىلىم دامىعان، كومپيۋتەر لەزدىگى زامانى ادامزاتتى ازدىرىپ جىبەردى مە دەپ ويلانىپ بارىپ، قاتەلەسۋدەن ساقتانا، ءوزىم دە سونىڭ يگىلىگىن كورىپ جۇرگەنىم ءۇشىن ول ويىمنان ۋاقىتشا شەگىنىس جاسايمىن. رومان جازىلار، ال كينونىڭ الدىندا، وقىرمانىنان ايىرلىپ قالار; ولەڭ جازىلار، جيناق بوپ شىعار، ال ۋ-شۋ زورەكەر ءۇن تاباقتاردىڭ دىبىستىق پىسىقتىعىنان جاسقانار...
سول ءۇشىن جاڭا ءبىر وڭ مەن ورتانىڭ سۇرانىسىنا ۇيلەسەتىن تەز قيمىلدى ادەبيەت ارناسىنا كوشە الامىز با؟ دەگەنگە قوناقتايمىن، ادەبيەت مامانى بولماسام دا، وزىمشە».
مادەنيەت: «اۆتور كىم ءۇشىن جازادى دەگەن سۇراۋ تۋرالى ورحان پامۋك: قيالىنداعى ياعني كوڭىلىندەگى وقىرمانى ءۇشىن جازادى دەپتى. تاعى ءبىر جازۋشى ۆەنگەريالىق نوبەل ادەبيەت سىيلىعىن العان ەۆرەي جازۋشىسى، گيتلەردىڭ لاگەرىندە بولعان، اتىن ەسىمە الا الماي تۇرمىن: مەن ءوزىم ءۇشىن جازامىن دەگەن سوڭ سەرگىپ، جەڭىلدەنىپ قالدىم دەگەن، مۇنان باسقا دا جاۋاپ كوپ، ءار جازۋشىنىڭ ۇستانعان جولى ۇقسامايدى. سوعان قاراي كىم ءۇشىن جازاتىنى ايقىندالادى. بىراق كىم ءۇشىن جازاتىنىن تۋرا تاڭداي الماي دالادا قالعاندار دا ازا ەمەس، جازۋشىلىق تا نىساناڭ مەن تالانتىڭ سايكەسپەسە، ءوزىڭدى ءوزىڭ شامالاي الماساڭ سونان وتكەن بەيشارالىق جوق. جازۋشى ءوزىنىڭ ءار ءسوزى ءۇشىن جاۋاپتى. ياعني انا ءتىلدىڭ ەڭ ادال قورعاۋشىسى، جوقشىسى، زەرتتەۋشىسى، ورنىن تاپپاي قولدانعان سوزدەرىڭ ءوزىڭدى ىزدەپ تابادى»، - دەپ پىكىر تالاستىرادى.
ءبارىن ايت تا ءبىرىن ايت، شەتەلدەگى باۋىرلاستارىمىزدىڭ وي-ساناسىنداعى ۇلتتىق يدەيا، ۇلتشىلدىق سەزىم ماقتاۋعا، ماقتانۋعا، ۇلگى تۇتۋعا تۇرارلىق دەپ ويلايمىز. قازاقتىڭ بار جەردە دە جالاۋى جىعىلماسىن دەپ تىلەيمىز. ۇلتىن سۇيەتىن، ۇلتى ءۇشىن قۋانا بىلەتىن، قامىعا بىلەتىن ازاماتتار كوبەيە بەرسىن. سونىمەن وسى اپتاعا جىبەرگەنىمىز وسىنشالىق. كەلەر اپتادا، اعايىن، بۇداندا تولىعىراق، كولەمدىرەك شولۋ جاسايتىنىما سەنىڭىزدەر.
«اباي-اقپارات»
