28 قىركۇيەك كۇنى قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىحالىقوۆا «تۋعان جەر» رەسپۋبليكالىق فورۋمىنىڭ قۇرمەتتى قوناعى رەتىندە اقتوبە وبلىسىنا كەلدى دەپ حابارلايدى اباي-اقپارات.

ساپار بارىسىندا گۇلشارا ابدىحالىقوۆا «تۋعان جەر» رەسپۋبليكالىق فورۋمىنىڭ رەسمي اشىلۋىنا قاتىستى.

ودان سوڭ مەملەكەتتىك حاتشى «جۇبانوۆتار اۋەنى» مۋزەي-ءۇيىن ارالادى. جوبا «تۋعان جەرگە تاعزىم» جوباسى اياسىندا جۇزەگە اسىرىلۋدا. ينۆەستورى – «ماكسيمۋس» كومپانياسى. جوبانىڭ جالپى قۇنى – 300 ملن. تەڭگە.

سونداي-اق گۇلشارا ابدىحالىقوۆا «باتىس-2» شاعىن اۋدانىنداعى «جەكپە-جەك» سارايىنىڭ اشىلۋىنا قاتىستى. نىسان مەملەكەتتىك-جەكەمەنشىك سەرىكتەستىك اياسىندا جۇزەگە اسىرىلدى. ينۆەستورى «نەكتور» وك. جوبا قۇنى 1,8 ملرد. تەڭگەنى قۇرايدى. اتالعان نىساننىڭ سپورت زالدارى بوكس، كۇرەس، دزيۋدو، ۆولەيبول، باسكەتبول، شاعىن فۋتبول جانە ت.ب. ويىنداردى وتكىزۋگە ارنالعان. جاڭا نىساننىڭ سالتاناتتى اشىلۋىنان كەيىن جەكپە-جەك سارايىندا دزيۋدودان قازاقستان رەسپۋبليكاسىنىڭ پرەزيدەنتى ن.نازارباەۆتىڭ كۋبوگىنا ارنالعان حالىقارالىق تۋرنير باستالدى.

مەملەكەتتىك حاتشى وبلىسقا ساپارى بارىسىندا مەملەكەتتىك-جەكەمەنشىك سەرىكتەستىك اياسىندا سالىنعان الەۋمەتتىك نىسانداردى ارالادى:

«سىمبات» مەكتەپ-ينتەرناتىندا –  2017 جىلدىڭ 1 قىركۇيەگىنەن باستاپ قازىرگى زامانعى جيھازدارمەن جابدىقتالعان 100 ورىندىق ينتەرنات اشىلدى. 2017-2018 وقۋ جىلىندا مەنشىك يەلەرىنىڭ قارجىلىق ەسەبىنەن 15 تەگىن ءبىلىم بەرۋ گرانتى جانە وبلىستىڭ اۋىلدىق ەلدى مەكەندەرىندەگى زەرەك وقۋشىلاردى تۇرعىزىپ، ورنالاستىرۋ قاراستىرىلدى. جەكە ينۆەستيتسيانىڭ كولەمى 1,8 ملرد. تەڭگەنى قۇرادى.

جەدەل جاردەم ستانتسياسىنىڭ - ينۆەستورى تۇركيا مەملەكەتىنىڭ «تۋركۋاز» جشس. شۇعىل مەديتسينالىق كومەك ستانتسياسى تاۋلىك بويى تۇرعىنداردىڭ تەگىن جەدەل جانە شۇعىل مەديتسينالىق كومەك الۋ مۇمكىندىگىن تۋعىزادى، كومەك بەرۋ ساپاسىن كوتەرۋدى قامتاماسىز ەتەدى.

وفتالمولوگيالىق ورتالىقتىڭ – باعاسى 3,2 ملرد. تەڭگە. ستاتسيونار 60 كەرۋەتتى، ەمحاناداعى 1 اۋىسىمداعى كەلۋشىلەر سانى 250, ال جۇمىس كۇنى 2 اۋىسىمداعى كەلۋشىلەر سانى 500 قۇرايدى.

وفتالمولوگيالىق ورتالىق ءار ءتۇرلى كوز اۋرۋلارىنا جوعارىمامانداندىرىلعان كومەك كورسەتەدى جانە كوزدىڭ كورۋىن تۇزەتۋدىڭ سوڭعى ءادىس-تاسىلدەرىن قولدانا وتىرىپ بىرنەشە وبلىستىڭ تۇرعىندارىنا قولجەتىمدى جوعارىمامانداندىرىلعان وپەراتسيالاردى جاسايدى.      

«ونەر ورتالىعى» - نىسانىن «بيزنەستىڭ الەۋمەتتىك جاۋاپكەرشىلىگى» باعدارلاماسى اياسىندا «سنپس-اكتوبەمۇنايگاز» اق» كومپانياسى سالدى. قۇرىلىس نىسانىنىڭ باعاسى 1,5 ملرد.تەڭگەنى قۇرايدى.

«مەيىرىم» الەۋمەتتىك ءۇيى – ورتالىق بالالار ءۇيىنىڭ  تۇلەكتەرىن، اتا-انانىڭ قامقورلىعىنسىز قالعان بالالاردىڭ تۇرعىن ۇيمەن قامتىلۋىن قاراستىرادى. 16 مەن 29 جاسقا دەيىنگى ادامدارعا ارنالعان بارلىعى 100 ورىن قاراستىرىلعان. جوبانىڭ ينۆەستورى «ءسابي» جەكە قايىرىمدىلىق قورى. جالپى قۇنى – 1,4 ملرد. تەڭگە.

سونىمەن قاتار گۇلشارا ابدىحالىقوۆا «نۇرلى جەر» باعدارلاماسى اياسىندا سالىنىپ جاتقان تۇرعىن ءۇي قۇرىلىسىنىڭ جۇمىستارىمەن تانىستى.

ودان كەيىن گۇلشارا ابدىحالىكوۆا  «رۋحاني جاڭعىرۋ» باعدارلاماسىنىڭ نەگىزىندە ۇيىمداستىرىلعان «تۋعان جەر» رەسپۋبليكالىق جەرلەستەر فورۋمىنا قاتىسىپ، قۇتتىقتاۋ ءسوز سويلەدى.

Abai.kz