قازاق پرەزيدەنتى باراتىن جيىنعا قىرعىز پرەزيدەنتى بارمايتىن بولدى
قىرعىزستان پرەزيدەنتى المازبەك اتامباەۆ سوچي قالاسىنا (رەسەي) بارمايتىن بولدى. قىرعىز باسشىسىنىڭ جۇمىس ساپارى 10-11 قازانعا جوسپارلانعان ەدى. بۇل تۋرالى مەملەكەت باسشىسىنىڭ اپپاراتى حابارلادى.
اتامباەۆ سوچيدە تمد ۇيىمىنا مۇشە ەلدەردىڭ باسشىلارى كەڭەسىنىڭ جانە جوعارعى ەۋرازيالىق ەكونوميكالىق كەڭەسىنىڭ جينالىستارىنا قاتىسۋى كەرەك بولعان.
"جەكەلەگەن ساياساتكەرلەردىڭ قىلمىس الەمىنىڭ كومەگىمەن سايلاۋ كۇنى جاپپاي تارتىپسىزدىككە دايىندالعانى تۋرالى فاكتىلەر تىركەلگەنىن، بۇعان قوسا مۇنداي ساياساتكەرلەردىڭ شەتەلدەن قارجىلاي قولداۋىن ەسكەرە وتىرىپ، پرەزيدەنت ەل قاۋىپسىزدىگى مەن ءتارتىپتى جەكە ءوزى باقىلاۋ ءۇشىن جۇمىس ساپارىنان باس تارتتى", - دەلىنگەن رەسمي حابارلامادا.
اتامباەۆتىڭ تاپسىرماسىمەن، سوچيدەگى جيىندارعا قاتىساتىن دەلەگاتسيانى پرەمەر-مينيستر ساپار يساكوۆ باستاپ بارادى.
قىرعىزستانداعى پرەزيدەنتتىك سايلاۋ 15 قازاندا وتەدى.
Cوچيدە وتەتىن تمد ۇيىمىنا مۇشە ەلدەردىڭ باسشىلارى كەڭەسىنە قر پرەزيدەنتى نازارباەۆ بارادى دەپ كۇتىلۋدە. نازارباەۆ باراتىن جيىنعا قىرىعىزستاندا وتەتىن سايلاۋ ماسەلەسىن سىلتاۋ ەتىپ اتامباەۆ بارمايتىن بولىپ جاتىر.
Abai.kz
