رەسمي اقپارات بويىنشا، بۇل كەزدەسۋ رەسەيلىك سوچي قالاسىندا جوعارعى ەۋرازيالىق ەكونوميكالىق كەڭەس اياسىندا تالقىلانعان. يساكوۆ نازارباەۆقا شەكاراداعى جاعداي تۋرالى ايتىپ بەرگەن. ول بۇل جاعدايدا قىرعىزستاننىڭ عانا ەمەس، قازاقستاننىڭ جانە باسقا دا ەلدەردىڭ ازاماتتارى زارداپ شەگىپ جاتقانىن اتاپ ءوتتى.

كەلىسسوزدەردەن سوڭ پرەزيدەنت نۇرسۇلتان نازارباەۆ قازاقستان ۇكىمەتىنە شەكاراداعى بارلىق ماسەلەلەردى شەشۋدى تاپسىردى، دەپ حابارلادى قىرعىزستان ۇكىمەتى.

قازاقستان مەن قىرعىزستان شەكاراسىنداعى جاعداي 10 قازاندا قيىندادى. قىرعىزستان مەملەكەتتىك شەكارا قىزمەتىنىڭ مالىمەتى بويىنشا، قازاقستان شەكارادا قاتاڭ رەجيمدە جۇمىس ىستەي باستاعان. سونىڭ سالدارىنان وتكىزۋ پۋنكتەرىندە ۇزىن كەزەك پايدا بولعان.

Abai.kz