استانا. 4 جەلتوقسان. قازتاگ – قازاقستاننىڭ باسىم اۋماعىنا سۋىق انتيتسيكلون ىقپال ەتەدى. رەسپۋبليكانىڭ وڭتۇستىگىندە، وڭتۇستىك-شىعىسىنا اتموسفەرالىق تۇتاس اعىم ىقپال ەتەدى، دەپ حابارلايدى «قازگيدرومەت» رمك.

حاباردا ايتىلعانداي، قىزىلوردا وبلىسىندا كۇندىز – 5-10, ماڭعىساتۋ وبلىسىندا -1-6 گرادۋس، الماتى وبلىسىندا كۇندىز -14-19 گرادۋس، اتىراۋ وبلىسىندا كۇندىز +2-3°س، كەي جەرلەرىندە 15-20 م/س جەل تۇرادى. الماتى وبلىسىندا كۇندىز -5-10°س، كەي جەرلەرىندە تۇمان، تۇندە كوكتايعاق، 15-20 م/س جەل تۇرادى. جامبىل وبلىسىندا كۇندىز -5-10, كەي جەرلەرىندە تۇمان، 15-20 م/س جەل تۇرادى. وڭتۇستىك قازاقستان وبلىسىندا كۇندىز – 4, تۇندە كەي جەرلەرىندە تۇمان ءتۇسىپ، كوكتايعاقتانادى. تۇندە قوستاناي وبلىسىندا – بۇرقاسىنداتادى، كۇندىز – 10-12, 15-20 م/س جەل تۇرادى.

مەتەوقىزمەتتىڭ مالىمەتتەرىنشە، استانادا سەنبى كۇنى الا بۇلتتى، جاۋىن-شاشىنسىز. باتىستان -14 م/س جەل تۇرادى. اۋا تەمپەراتۋراسى تۇندە -27-29°س، كۇندىز – 15-17°س بولادى.

الماتىدا الا بۇلتتى، تۇندە كەيدە قار جاۋادى، تۇمان تۇسەدى، كۇندىز جاۋىن-شاشىنسىز. سولتۇستىك-باتىستان 3-8 م/س سامال سوعادى. اۋا تەمپەراتۋراسى تۇندە -8-10°س، كۇندىز -6-8°س.

استانادا 4-ءشى جەلتوقسانداعى ءابسوليۋتتى تەمپەراتۋرالىق مينيمۋم - 1968-ءشى جىلى مينۋس 33,5 گرادۋس بولسا، الماتىدا - 1944-ءشى جىلى مينۋس 20,3 گرادۋس اياز بولىپتى.

جاقىن كۇندەرى قازاقستاننىڭ سولتۇستىك بولىگىندەگى وزەن-كولدەردە مۇز قاتۋ ۇدەرىسى ودان ارى جالعاسادى، جەكەلەگەن وزەندەردە سۋ دەڭگەيىنىڭ كوتەرىلۋى مۇمكىن. رەسپۋبليكانىڭ وڭتۇستىك جانە وڭتۇستىك-شىعىس وبلىستارىنداعى وزەن-كولدەردە اقىرىنداپ سۋ بەتى سالقىنداي بەرەدى، جەكەلەگەن وزەندەردە  - مۇز قاتۋ دا باستالادى. سىرداريامەن شاردارا سۋ قويماسىنا قۇيىلاتىن سۋ كولەمى، قايراققۇمنان جىبەرىلەتىن سۋ كولەمىنىڭ ارتۋى سەبەپتى ۇدعايا تۇسەدى.