تاشكەنتتىڭ تاۋەلسىز ءجۋرناليسى بوبومۋرود ابدۋللاەۆ بيىلعى جىلدىڭ 27 قىركۇيەگىندە ۇستالدى. سودان بەرى اناسى ۇلىمەن كەزدەسە الماي ءجۇر.

انانىڭ سوزىنە قاراعاندا، 16 قازاندا پرەزيدەنت اكىمشىلىگىنە جانە باس پروكۋراتۋراعا ۇلىنىڭ ءىسىن قاداعالاۋدى سۇراپ حات جازىپ تاپسىرعان.

"ماعان ۇلىمدى ءالى كورسەتكەن جوق. مەملەكەت تاعايىنداعان ادۆوكات ۇلىممەن كەزدەسكەنىن، ونىڭ جاعدايى جاقسى ەكەنىن ايتتى. ول ۇلىمدى ۇرىپ-سوقپايدى دەدى. وندا مەنى كەزدەستىرىڭدەر دەدىم. بىراق ماعان تەرگەۋ اياقتالمايىنشا، كەزدەسۋگە بولمايتىنىن ايتادى، – دەيدى ءجۋرناليستىڭ اناسى.

44 جاستاعى بوبومۋرود ابدۋللاەۆ بيلىكتى كۇشپەن تارتىپ الماق بولدى دەپ ايىپتالىپ جاتىر. بۇل قىلمىستىق ءىس بويىنشا 10 جىلدان 20 جىلعا دەيىن باس بوستاندىعىنان ايىرۋ جازاسى كوزدەلگەن.

Abai.kz