"ۇرىلار مەن جەمقورلار وتىرىك ايتۋىن، ال بيلىك باسىنداشىلار ۇرلاۋىن دوعارار ەمەس", - دەپ مالىمدەدى سوبچاك. ول پرەزيدەنتتىك سايلاۋعا قاتىسۋ ارقىلى "بارلىعىنا قارسى داۋىس بەرۋ" مۇمكىندىگىن سايلاۋشىلارعا ۇسىنۋدى كوزدەيدى. "كسەنيا سوبچاك – بارلىعىنا قارسى ۇمىتكەر", – دەپ مالىمدەدى تەلەجۇرگىزۋشى.

سوبچاكتىڭ پرەزيدەنتتىك سايلاۋعا ۇمىتكەر بولاتىنى قىركۇيەك ايىنىڭ باسىندا بەلگىلى بولدى. باق مالىمەتىنە قاراعاندا، تەلەجۇرگىزۋشى پرەزيدەنت ۆلاديمير پۋتين اكىمشىلىگىنىڭ رۇقساتىمەن سايلاۋعا بارا جاتىر.

سوبچاكتىڭ ءوزى كرەملمەن كەلىسىمى بار دەگەندى جوققا شىعاردى. سايلاۋعا قاتىسقىسى كەلەتىن وپپوزيتسيونەر الەكسەي ناۆالنىي تەلەجۇرگىزۋشىنى سىناپ، "كاريكاتۋرالىق ليبەرال ۇمىتكەر" دەپ اتادى. سوبچاك ناۆالنىيدى وپپوزيتسيانىڭ ىدىراۋىنا ايىپتى دەپ سىنادى، دەگەنمەن "كۇش بىرىكتىرۋگە" شاقىردى.

پەتەربۋرگتىڭ بۇرىنعى باسشىسى اناتولي سوبچاكتىڭ قىزى 2004 جىلدان بەرى تنت تەلەارناسىنىڭ "دوم-2" شوۋىن جۇرگىزگەن. جاقىندا سوبچاكتىڭ اكەسى تۋرالى دەرەكتى فيلم تۇسىرەتىنى، وعان رەسەي پرەزيدەنتى دە قاتىساتىنى بەلگىلى بولدى.

Abai.kz