ءراسمي مالىمدەمەگە سايكەس، ۇكىمەت جەتەكشىلەرى جەكە جۇزدەسكەن. ودان كەيىن ەكى ەلدىڭ مينيسترلىكتەرى مەن ۆەدومستۆولارى كەڭەيتىلگەن قۇرامدا كەلىسسوزدەر جۇرگىزگەن.

پرەمەر-ءمينيستردىڭ ۆەبسايتى كەلىسسوزدەر كەزىندە ناقتى قانداي ماسەلە كوتەرىلگەنىن انىقتاپ جازباعان. ەكى ەلدىڭ اراسىنداعى ساۋدا كولەمى 2017 جىلدىڭ قاڭتار-شىلدە ارالىعىندا 400 ميلليون اقش دوللارىنا جۋىقتاعانىن، بىلتىرعى كورسەتكىشپەن سالىستىرعاندا 28 پايىزعا وسكەنىن اتاپ وتكەن.

قىرعىزستانداعى سايلاۋ الدىندا جانە ودان كەيىن ەلدىڭ پرەزيدەنتى المازبەك اتامباەۆ قازاقستاندىق ارىپتەسى نۇرسۇلتان نازارباەۆتى سىناپ، بىرنەشە مالىمدەمە جاساعان. مۇنداي نارازىلىققا نازارباەۆتىڭ قىرعىزستانداعى سايلاۋ الدىندا پرەزيدەنتىككە كانديداتتاردىڭ بىرىمەن كەزدەسكەنى سەبەپ بولعان. بۇدان سوڭ استانا قازاق-قىرعىز شەكاراسىنان ءوتۋ ءتارتىبىن قاتايتىپ، قىرعىزستاندىق اسكەريدى تۇتقىنداپ، ال بىشكەك تالاس سۋ قويماسىنىڭ سۋىن جىبەرەتىنىن ەسكەرتكەن.

Abai.kz