ورىستىڭ كينولارىنداعى "ەرتەگى ەرلىگىنە" ءالى سەنەتىن جاندار كوپ ەكەن. كەشە عانا وسىندا ءبىر ايەل "9 روتا" فيلمىندەگى جاستاردىڭ ەرلىگىنە باس ءيىپ، پورا-پوراسى شىعىپ، ەگىلىپ وتىر ەدى. ال شىنىندا ول جەردە بار-جوعى 6-اق سارباز وققا ۇشقان بولاتىن. شابۋىلداۋشى جاق تا وتە از بولعان.

ورىستىڭ ساسىق كەۋدە ءشوۆينيزمى تۇككە تۇرمايتىن ۇرىستان ۇلى شايقاس شىعارىپتى. جالپى ولار بۇل تۇرعىدان اسا شەبەر. ەندى كەي قازاق ماسكەۋدىڭ شەشەنستانداعى سوعىسى جايلى فيلمدەردى ءسۇيىپ كورەدى. كورگەندە دە ىشكەن اسىن جەرگە قويىپ تۇرىپ قارايدى. ولار "ون ورىستىڭ مىڭ شەشەندى توقتاتتى دەگەن وتىرىك كادرلارىنا قىزىعا قارايدى، ورىستان اسقان ۇلى ۇلت، ولاردان اسقان جاۋىنگەر حالىق جوق" دەپ سانايدى. بىراق ولار "نەگە ورىس اسكەرى سونشالىقتى ۇلى بولسا، ءبىر ايدىڭ ىشىندە شەشەنستاندى تىپ-تيپىل جوق قىلىپ، ماسەلەنى شەشە سالمادى، نەگە سالپاقتاپ كاۆكازدا ون جىل ءجۇردى" دەگەندى ويلانبايدى. ولار نەگە اۋعانستاندا ون جىل الىسىپ، ناتيجەسىز شىقتى دەگەنگە وي جۇگىرتپەيدى.

راس. مويىندايمىن. رەسەي اسكەرى اسا قۋاتتى، بىراق ول ەشقاشان جەڭىلىس تاپپايتىن كۇشكە يە ەمەس. ورىس اسكەرىن ۇلى قىلىپ كورسەتۋ سول باياعى كوممۋنيستىك ساياسي تەحنولوگيا عانا. ونىڭ اۋسەلەسى اۋعاندا بەلگىلى بولعان. مەن ورىسقا قارسى سوعىسقا ۇگىتتەپ وتىرعانىم جوق، تەك الەمدە رەسەي اسكەرىن اۋىزدىقتايتىن كۇشتەردىڭ بار ەكەنىن دە ايتقىم كەلەدى.

ءفيلمنىڭ بارىنە سەنە بەرمەڭىز، كينو ول - ساياسات!

اسحات قاسەنعالي

Facebook-تەگى پاراقشاسىنان