جۋىردا «ەنشى» زياتكەرلىك-تانىمدىق تەلەۆيزيالىق جوباسى كورەرمەنگە جول تارتادى. جوباعا 10-11 سىنىپ وقۋشىلارى مەن 1-2 كۋرس ستۋدەنتتەرى  قاتىسا الادى. باعدارلاما ەلىمىزدىڭ ەڭ ءبىلىمدى جاسىن انىقتاۋعا باعىتتالعان. ءبىلىم بايگەسى قر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى مەن ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ باستاماسىمەن قولعا الىندى. ءتورت كەزەڭدى قامتيتىن سايىسقا ەلىمىزدىڭ تۇكپىر-تۇكپىرىنەن 48 قاتىسۋشى ىرىكتەلىپ الىنادى. بىلگىرلەر باسەكەسىندە قويىلاتىن سۇراقتاردىڭ دەنى تاريح، مادەنيەت، ادەبيەت پەن سالت-داستۇرگە نەگىزدەلگەن. سونداي-اق، ينتەللەكت، لوگيكا جانە مىقتى ەرۋديتسيا دا ءوز سەپتىگىن تيگىزەدى.

سونىمەن ىرىكتەۋ اقتاۋ قالاسىندا 18-قىركۇيەكتە باستاۋ السا، وسكەمەندە 19-ى، اقتوبە مەن الماتىدا 21-ءى، شىمكەنتتە 25-ءسى، استانادا 29-ى وتەدى. ەكى كەزەڭنەن تۇراتىن سايىستا قاتىسۋشىلار ءۇش بلوگقا بولىنگەن تاپسىرمانى ورىندايدى. العاشقى بلوگتا بەرىلگەن 10 ساۋالدىڭ ءبىر عانا نۇسقاسى دۇرىس بولسا، ەكىنشى بلوكتا سۇراقتاردىڭ بىرنەشە جاۋابى بولادى. ال ءۇشىنشى بلوكتا ۇزىن-سانى جيىرما ساۋالدىڭ ەشبىر نۇسقاسى ۇسىنىلماستان، جازباشا تۇردە الىنادى. تەستىلەۋدەن جوعارى ۇپاي جيناعاندار ەكىنشى كەزەڭدە باقتارىن سىنايدى. بۇل اينالىمدا قاتىسۋشىلارعا اۋىزشا ءتۇرلى ساۋالدار قويىلادى. ايماقتىق كەزەڭگە قاتىسا الماعاندار باعدارلاما سايتىندا (www.yenshi.kz-اۆت.) ءوتىنىش قالدىرۋ مۇمكىندىگىنە يە. دەگەنمەن، تىركەلۋ ءۇشىن دە ۇمىتكەرلەردىڭ ءبىلىمى تەكسەرىلەدى. ياعني، ءوتىنىش قالدىرماس بۇرىن قاتىسۋشى 50 سەكۋند ىشىندە 10 ساۋالعا جاۋاپ بەرۋى ءتيىس. قويىلعان سۇراقتاردىڭ 9-ىنا دۇرىس جاۋاپ بەرگەن قاتىسۋشىعاىرىكتەۋ كوميسسياسى 29-30 قىركۇيەك ارالىعىندا «Skype» ارقىلى بايلانىسقا شىعىپ، ەكىنشى كەزەڭنىڭ سۇراقتارىنا جاۋاپ الادى. سىننان سۇرىنبەي وتكەندەر عانا جوبانىڭ تەلەۆيزيالىق كەزەڭىنە جولداما الادى. ۇيىمداستىرۋشىلار ساۋالداردىڭ ۇزدىكسىز وزگەرىپ وتىراتىنىن ايتادى.

ايماقتىق كەزەڭگە بارلىعى 1500 ۇمىتكەر قاتىسادى دەپ جوسپارلانعان. سونداي-اق، باعدارلامادا وسىنشاما سۇراق وقىلادى دەپ كۇتىلۋدە. سۇراق دەمەكشى، باعدارلامادا كورەرمەندەردە دە ءوز ساۋالدارىن قاتىسۋشىلارعا جولداۋىنا بولادى.

• باعدارلامادا قازاقتىڭ بايىرعى سالت-ءداستۇرى مەن ۇلتتىق قۇندىلىعىن جاڭعىرتۋ كوزدەلىپ وتىر. بۇل جوبانىڭ بۇرىنعى زياتكەرلىك-سايىستاردان وزگەشەلىگى وسىندا. ياعني، جەڭىمپاز تەك ءبىلىمدى عانا ەمەس، سالت-داستۇرىمىزبەن سۋسىنداعان، قازاق ءتىلىنىڭ قادىر-قاسيەتىن سەزىنە الاتىن جاس بولادى. ءبىلىم بايگەسىنىڭ بەرەرى مول,- دەدى (جازيرا اكىمقىزى قوسادى)

دودادا ۇزدىكتەردەن ىرىكتەلگەن 48 ويىنشى جوبانىڭ العاشقى اينالىمىندا 15 سۇراققا جاۋاپ بەرەدى. ەكىنشى «توعىز توراپ» كەزەڭىندە،  اتى ايتىپ تۇرعانداي 9 ءتۇرلى تاقىرىپ توڭىرەگىندە ءوزارا سىنعا تۇسەدى. ال «جامبى اتۋ» كەزەڭىندە ويىنشىلار وزدەرى قالاعان ۇياشىققا جامبىنى ورنالاستىرۋ ارقىلى سۇراقتى تاڭداۋعا قۇقىلى. سوڭعى اينالىم تۇتاستاي قازاقتىڭ شوقتىعى بيىك شىعارمالارى مەن ولاردىڭ اۆتورلارى، سالت-داستۇرلەر، فولكلوردان كەلەدى.

سايىس سوڭىندا جەڭىمپازدار مەن جۇلدەگەرلەردى قوماقتى سىياقى كۇتەدى.

نۇرباي شاكىم

Abai.kz