قوستاناي وبلىسىنىڭ اكىمى سەرگەي كۋلاگينگە ءىشىمىز جىلىپ وتىر.  ول «لاد» سلاۆيان قوزعالىسىنىڭ وكىلىنە «ورىستار مەن ورىس تىلىنە قىسىمدى كورگىڭ كەلسە، بۇل ارادان تايىپ تۇر» دەگەن سىڭايدا ءۋاج ايتتى.

اڭگىمە بىلاي بولدى: رەسپۋبليكالىق ساياسي پارتيالار مەن ءدىني بىرلەستىكتەردىڭ قوستاناي وبلىسىنداعى وكىلدەرى اكىمشىلىك عيماراتىندا القالى جيىن وتكىزىپ جاتتى. ءبارى دۇرىس. ءبارى ويداعىداي. ارتىق-كەم ءسوز ايتىلا قويعان جوق. كەنەت ميكورفون «لاد» سلاۆيان قوزالىسىنىڭ قوستانايداعى ءبىر بەلسەندىسىنىڭ قولىنا ءتيدى. الگى بەلسەندى ءسوز الىسىمەن «مىنا جۇرت ورىس ءتىلىن تىقسىرىپ بارادى. ورىس تىلىندە سويلەسەڭ ەشكىم جاۋاپ بەرمەيتىن بولدى. مەملەكەتتىك ورگانداردا ورىس ءتىلى بوساعادا قالدى» دەپ گوي-گويلەدى. ونىڭ بىلۋىنشە، قىزمەتكە دە قازىر ادامداردى ۇلتىنا قاراپ الاتىنعا ۇقسايدى. تاپ وسى كەزدە وبلىس اكىمى شارت كەتتى.

قوستاناي وبلىسىنىڭ اكىمى سەرگەي كۋلاگينگە ءىشىمىز جىلىپ وتىر.  ول «لاد» سلاۆيان قوزعالىسىنىڭ وكىلىنە «ورىستار مەن ورىس تىلىنە قىسىمدى كورگىڭ كەلسە، بۇل ارادان تايىپ تۇر» دەگەن سىڭايدا ءۋاج ايتتى.

اڭگىمە بىلاي بولدى: رەسپۋبليكالىق ساياسي پارتيالار مەن ءدىني بىرلەستىكتەردىڭ قوستاناي وبلىسىنداعى وكىلدەرى اكىمشىلىك عيماراتىندا القالى جيىن وتكىزىپ جاتتى. ءبارى دۇرىس. ءبارى ويداعىداي. ارتىق-كەم ءسوز ايتىلا قويعان جوق. كەنەت ميكورفون «لاد» سلاۆيان قوزالىسىنىڭ قوستانايداعى ءبىر بەلسەندىسىنىڭ قولىنا ءتيدى. الگى بەلسەندى ءسوز الىسىمەن «مىنا جۇرت ورىس ءتىلىن تىقسىرىپ بارادى. ورىس تىلىندە سويلەسەڭ ەشكىم جاۋاپ بەرمەيتىن بولدى. مەملەكەتتىك ورگانداردا ورىس ءتىلى بوساعادا قالدى» دەپ گوي-گويلەدى. ونىڭ بىلۋىنشە، قىزمەتكە دە قازىر ادامداردى ۇلتىنا قاراپ الاتىنعا ۇقسايدى. تاپ وسى كەزدە وبلىس اكىمى شارت كەتتى.

- ورىس ءتىلى قىسىم كورىپ جاتىر دەپ قالاي ايتۋعا بولادى؟ مىنە، ءسىز قازىر ورىس تىلىندە سويلەپ وتىرسىز، وزگەلەر دە ورىس تىلىندە سويلەدى. وسى ارادا ورىسشا سويلەپ وتىرعانىمىزعا نارازىلىق تانىتىپ   ورنىنان تۇرىپ كەتكەن بىرەۋ بار ما؟ ءبىزدىڭ پرەزيدەنتىمىز مەملەكەتتىك ءتىلدى جاقسى بىلسە دە ەقۇى-نىڭ سامميتىندە ورىس تىلىندە سويلەدى. ەگەر ورىستار قىسىم كورىپ جاتسا مەن، سەرگەي كۋلاگين، قوستاناي وبلىسىنىڭ اكىمى بولىپ تاعايىندالماس ەدىم. ءوز كەزەگىمدە مەن اۋدان اكىمدەرىن تاعايىندايمىن. بىراق، ۇلتىنا ەمەس، كاسىبي بىلىگىنە قاراپ تاعايىندايمىن. ءسىز مۇندا ورىس ءتىلىنىڭ قىسىمعا ۇشىراپ جاتقانىن ايتاسىز، ەندەشە بالتىق بويى ەلدەرىنە بارىڭىز، ۋكرايناعا قونىس اۋدارىڭىز. سول ەلدەردەن كورەسىز قىسىمنىڭ نە ەكەنىن، جانە ولار سىزگە تەك مەملەكەتتىك تىلدە عانا جاۋاپ بەرەدى، بارىڭىز، كوشىڭىز - دەپ سالدى وبلىس اكىمى.

كۋلاگين كىجىنىپ وتىرىپ «لاد» وكىلىنە «ءسىز قانشا تىراشتانساڭىز دا ءبىزدىڭ ىنتىماعىمىزعا سەلەكەۋ تۇسىرە المايسىز» دەگەندى قوسىپ ايتتى.

بۇنداي جاۋاپقا قاراپ «كۋلاگين سەرگەي، ورىستان اكىم بولسىن سەندەي»! - دەپ جاۋىرىنعا قاعىپ قويعانىمىز ءجون شىعار.

قوستاناي قالاسى

www.masa.kz سايتى