عالامتور كەڭىستىگىندەگى بۇگىنگى قازاقتىلدى باق الەمى تاعى ءبىر ءتيىمدى سايتپەن تولىقتى.

قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىنا وراي قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرماسىمەن «ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى» رمقك ۇستىمىزدەگى جىلدىڭ 5 قىركۇيەگىندە «tilmedia.kz»سايتىن ىسكە قوسادى. ايتا كەتەيىك، پورتالدىڭ ءموبيلدى قوسىمشاسى دا بار.

اقپاراتتىق قوعامدا ينتەرنەت كەڭىستىگىن ءتيىمدى پايدالانىپ، مەملەكەتتىك ءتىلدىڭ مارتەبەسىن كوتەرىپ، قولدانىلىم اياسىن كەڭەيتۋ ماقساتىندا ىسكە قوسىلعالى وتىرعان پورتال قازاق، ورىس، اعىلشىن تىلدەرىندە اقپارات تاراتادى. اۋديو جانە ۆيدەو بلوكتارعا نەگىزدەلىپ جاسالعان سايتتا مەملەكەتتىك ءتىلدى وقىتۋدىڭ ءادىس-تاسىلدەرى ءۇش تىلدە تۇسىندىرىلەدى. بۇل سايتتىڭ باستى ەرەكشەلىگى – ەلىمىزدەگى ۆيدەوبلوك ارقىلى ءتىل ۇيرەتەتىن بىردەن-ءبىر سايت بولىپ تابىلادى. سونداي-اق، پورتال قولدانۋشىلارى «سۇراق-جاۋاپ» ايدارى ارقىلى كاسىبي مامانداردان كەڭەس الىپ، تىكەلەي بايلانىس ورناتا الادى.

Abai.kz