بەلورۋسسيادا پرەزيدەنتتىك سايلاۋ ءوتتى. سايلاۋدىڭ ناتيجەسى بويىنشا ەلدى  17 جىل باسقارىپ كەلگەن الەكساندر لۋكاشەنكو سايلاۋشىلاردىڭ 79,67 پايىز داۋىسىنا يە بولدى. مۇنى سايلاۋ جانە رەسپۋبليكالىق رەفەرەندۋمدار وتكىزۋ جونىندەگى ورتالىق كوميسسيانىڭ ءتورايىمى ليديا ەرموشينا.

باقىلاۋشىلاردىڭ ايتۋىنا قاراعاندا، سايلاۋ بۇرىنعىمەن سالىستىرعاندا ءبىرشاما دۇرىس وتكەن. وپپوزيتسيا ءوزىنىڭ شارالارىن وتكىزۋدەن كەندە بولماپتى. ءبىز ءۇشىن كادىمگىدەي جاڭالىق بولعانى الەكساندر لۋكاشەنكومەن بىرگە پرەزيدەنتتىككە تاعى توعىز كانديدات تۇسكەن. مۇنىڭ ءوزى پرەزيدەنتتىك سايلاۋدىڭ سىرتقى دەموكراتيالىق كورىنىسىنىڭ جاقسى دايىندالعانىن كورسەتەدى. كورىنىستىڭ ءوزى سەنىمدى شىققان.

بارلىق ماسەلە، اينالىپ كەلگەندە، داۋىستى كىمنىڭ ساناعانىنا قاتىستى بولدى. سايلاۋكومنىڭ باسشىسى ەرموشينا حانىمنىڭ ايتۋىنشا، بەلورۋس حالقىنىڭ سايلاۋعا قاتىسۋى 90,66 پايىزدى قۇراپ، ونىڭ ىشىندە لۋكاشەنكوعا 5 122 866 ادام داۋىس بەرگەن. ال، پرەزيدەنتتىكتەن ۇمىتكەرلەر توعىزدىقتىڭ ءبارى ءۇش پايىزعا جەتە الماي، لۋكاشەنكونىڭ «شاڭىنا ىلەسە الماي قالدى». اندرەي ساننيكوۆ 2,56 پايىز داۋىس (164 مىڭ), ياروسلاۆ رومانچۋك - 1,97 پايىز (126 986), گريگوري كوستۋسەۆ - 1,97 پايىز (126 645), ۆلاديمير نەكلياەۆ - 1,77 پايىز (113 747), الەكسەي ميحالەۆيچ - 1,2 پايىز (65 598), ۆيتالي رىماشەۆسكي - 1,1 پايىز (70 433), ۆيكتور تەرەششەنكو - 1,08 پايىز (69 653), نيكولاي ستاتكەۆيچ - 1,04 پايىز (67 مىڭ.), دميتري ۋسس - 0,48 پايىز (31 مىڭ.) داۋىسقا يە بولعان.

بەلورۋسسيادا پرەزيدەنتتىك سايلاۋ ءوتتى. سايلاۋدىڭ ناتيجەسى بويىنشا ەلدى  17 جىل باسقارىپ كەلگەن الەكساندر لۋكاشەنكو سايلاۋشىلاردىڭ 79,67 پايىز داۋىسىنا يە بولدى. مۇنى سايلاۋ جانە رەسپۋبليكالىق رەفەرەندۋمدار وتكىزۋ جونىندەگى ورتالىق كوميسسيانىڭ ءتورايىمى ليديا ەرموشينا.

باقىلاۋشىلاردىڭ ايتۋىنا قاراعاندا، سايلاۋ بۇرىنعىمەن سالىستىرعاندا ءبىرشاما دۇرىس وتكەن. وپپوزيتسيا ءوزىنىڭ شارالارىن وتكىزۋدەن كەندە بولماپتى. ءبىز ءۇشىن كادىمگىدەي جاڭالىق بولعانى الەكساندر لۋكاشەنكومەن بىرگە پرەزيدەنتتىككە تاعى توعىز كانديدات تۇسكەن. مۇنىڭ ءوزى پرەزيدەنتتىك سايلاۋدىڭ سىرتقى دەموكراتيالىق كورىنىسىنىڭ جاقسى دايىندالعانىن كورسەتەدى. كورىنىستىڭ ءوزى سەنىمدى شىققان.

بارلىق ماسەلە، اينالىپ كەلگەندە، داۋىستى كىمنىڭ ساناعانىنا قاتىستى بولدى. سايلاۋكومنىڭ باسشىسى ەرموشينا حانىمنىڭ ايتۋىنشا، بەلورۋس حالقىنىڭ سايلاۋعا قاتىسۋى 90,66 پايىزدى قۇراپ، ونىڭ ىشىندە لۋكاشەنكوعا 5 122 866 ادام داۋىس بەرگەن. ال، پرەزيدەنتتىكتەن ۇمىتكەرلەر توعىزدىقتىڭ ءبارى ءۇش پايىزعا جەتە الماي، لۋكاشەنكونىڭ «شاڭىنا ىلەسە الماي قالدى». اندرەي ساننيكوۆ 2,56 پايىز داۋىس (164 مىڭ), ياروسلاۆ رومانچۋك - 1,97 پايىز (126 986), گريگوري كوستۋسەۆ - 1,97 پايىز (126 645), ۆلاديمير نەكلياەۆ - 1,77 پايىز (113 747), الەكسەي ميحالەۆيچ - 1,2 پايىز (65 598), ۆيتالي رىماشەۆسكي - 1,1 پايىز (70 433), ۆيكتور تەرەششەنكو - 1,08 پايىز (69 653), نيكولاي ستاتكەۆيچ - 1,04 پايىز (67 مىڭ.), دميتري ۋسس - 0,48 پايىز (31 مىڭ.) داۋىسقا يە بولعان.

سايلاۋدىڭ قورتىندىسىن كۇتپەي، بەلورۋس وپپوزيتسياسى داۋىستاردى قايتا ساناۋدى تالاپ ەتىپ مىڭداعان ادام ەرتىپ، ۇكىمەت ءۇيىنىڭ الدىنا شەرۋ وتكىزگەن. ءتىپتى، ۇكىمەت ءۇيىن باسىپ الماق نيەتتەرى دە بولىپتى. الايدا، ەلدىڭ كۇش قۇرىلىمدارى وپپوزيتسيانىڭ جولىن كەسىپ، شەرۋگە شىققانداردىڭ تۋ تالاقايىن شىعارىپ تاراتىپ جىبەرگەن. تۇندە وتكەن ميليتسيامەن قاقتىعىستاردىڭ ناتيجەسىندە پرەزيدەنتتىكتەن ءۇش ۇمىتكەر قامالىپ، كوپتەگەن ادام تۇرمەگە تىعىلدى.

ساراپشىلاردىڭ سوزىنە سەنسەك، بەلورۋس وپپوزيتسياسىنىڭ مۇنداي اسىعىس قادامعا بارۋىنا سايلاۋدا كومەكتەسۋگە ۋادە بەرگەن باتىس ەلدەرى مەن رەسەيدىڭ جەمە-جەمگە كەلگەندە سوزدەرىنەن تايقىپ شىققانى سەبەپ بولعان كورىنەدى. سايلاۋدىڭ باس كەزىندە بەلورۋس وپپوزيتسياسىنا قارجىلىق، ساياسي جانە اقپاراتتىق كومەك بەرىپ كەلگەن رەسەي اقىرى سەرىكتەستەرىن ساتىپ، لۋكاشەنكونىڭ جاعىنا شىعىپ كەتتى. سوندىقتان دا وپپوزيتسيانىڭ ءىس-قيمىلدارىن «اشىنۋ اكتسياسى» دەگەننەن باسقاعا كەلمەيدى.

سولاي بولا تۇرسا دا، بەلورۋسسياداعى پرەزيدەنتتىك سايلاۋدان ءبىزدىڭ بيلىك پەن وپپوزيتسيانىڭ «ۇلگى» الاتىن تۇستارى بار سياقتانادى. ءتىپتى، 79,67 پايىز داۋىس العان لۋكاشەنكونىڭ ۇياتى بار ەكەن دەپ قالدىق. 90 پايىزدان اسىرىپ السا دا ونىڭ قولىنان ەشكىم قاقپاس ەدى. توقسان پايىزدان اسقان داۋىستار دەگەندە قاي-قايداعى ەسكە تۇسەدى ەكەن...

«اباي-اقپارات»