«تاماشانىڭ» تاعى ءبىر تارلانى - قۇدايبەرگەن سۇلتانباەۆ دۇنيەدەن وزدى. اجال اداممەن ازىلدەسپەيدى، الاش جۇرتىن اقجارىلقاپ كۇلكىگە  كەنەلتەكەن ساحنا ونەرىنىڭ سۇلتانى سۇلتانباەۆ قايتىپ كەلمەس ساپپارعا اتتانىپتى. كەشە. جەكسەنبىدە... جۇرەك تالماسىنان.

قازاق دەيتىن حالقىنىڭ قوينى-قونشىن قىتىقتاپ كۇلكى تابا بىلگەن، كۇلدىرە بىلگەن،1970 جىلداردىڭ وزىندە-اق  زار-زاماننىڭ زارپىنان جۇرەگى شايلىققان ەلىنە ازىلمەن ءتىل قاتىپ، استارلاپ وي ايتا بىلگەن ەسىل تالانت كەلمەسكە كەتىپتى. ۋداي وكىنىش قانىڭدى ۇيىتسا دا  شىندىق - وسى ەندى.

«تاماشانىڭ» تاعى ءبىر تارلانى - قۇدايبەرگەن سۇلتانباەۆ دۇنيەدەن وزدى. اجال اداممەن ازىلدەسپەيدى، الاش جۇرتىن اقجارىلقاپ كۇلكىگە  كەنەلتەكەن ساحنا ونەرىنىڭ سۇلتانى سۇلتانباەۆ قايتىپ كەلمەس ساپپارعا اتتانىپتى. كەشە. جەكسەنبىدە... جۇرەك تالماسىنان.

قازاق دەيتىن حالقىنىڭ قوينى-قونشىن قىتىقتاپ كۇلكى تابا بىلگەن، كۇلدىرە بىلگەن،1970 جىلداردىڭ وزىندە-اق  زار-زاماننىڭ زارپىنان جۇرەگى شايلىققان ەلىنە ازىلمەن ءتىل قاتىپ، استارلاپ وي ايتا بىلگەن ەسىل تالانت كەلمەسكە كەتىپتى. ۋداي وكىنىش قانىڭدى ۇيىتسا دا  شىندىق - وسى ەندى.

قۇدايبەرگەن سۇلتانباەۆ 1978 جىلى قۇرىلعان «تاماشا» ويىن-ساۋىق وتاۋىنىڭ ايگىلى ءارتىسى بولدى. ويىن-ساۋىق وتاۋىندا ول ەركە بالانىڭ دا، بەتونبەت بيۋروكراتتىڭ دا، سىلقىم سەرىنىڭ دە، شالقالاعان شالدىڭ دا، كەيۋانا كەمپىردىڭ دە كۇلكىلى بەينەسىن سومدامدى. كىمدى كەيىپتەسە دە سونىڭ ءبارى ءبىر ادامنىڭ - كۇلكى كەمەڭگەرى قۇدايبەرگەننىڭ ىشىنەن ءورىپ شىعىپ، ءورىس تاۋىپ جاتاتىن. قايران «تاماشا» ءوز تۇسىندا  تارلان تالانتتارىنىڭ ارقاسىندا ونەر الەمىندە ءسان-سالتاناتتى تاماشا ءومىر ءسۇردى. ىرگە تاسىن ۇلىقپان ەسەنوۆ، قويشىعۇل جىلقىشيەۆ سياقتى مادەنيەت سالاسىنداعى قايراتكەر ازاماتتار قالاعان «تاماشا» ۋايس سۇلتانعازين، توقسىن قۇلبەكوۆ، مەيىرمان نۇرەكەەۆ، قۇدايبەرگەن سۇلتانباەۆ، تۇڭعىشباي جامانقۇلوۆتاردىڭ تالانتىن قازاق ورتاسىنا پاش ەتتى. شىنايى، تازا، رياسىز كۇلكىنى ساعىنىپ قالعان جۇرت تەلەديداردان «تاماشا» شىققان سايىن وتباسىندا توي جاساپ جاتقانداي قۋانىپ شاتتانۋشى ەدى.  كوپكە سەلت ەتپەيتىن قاريالاردىڭ ءوزى ولاردى «كوك ساندىقتان» كورە قالعاندا  «مىناۋىڭ ناعىز ءارتىس ەكەن عوي» دەپ ءماز بولاتىن.  كوپتى وسىلاي ءماز ەتكەن تالانتتار شوعىرى تاپتىرماس «تۇزگە» كەتىپتى. حوش دەۋدەن وزگە امال كەم...

قۇدەكەڭ نەگە ەكەنى بەلگىسىز،  كومەديا جانرىندا ءجۇرىپ، تراگەديانى ۇناتاتىنىن ءجيى ايتۋشى ەدى. كوپتى كۇلكىگە كەنەلتكەن تالانتتىڭ ىشىندە ءبىر كۇرسىنىس كەتتى. ول انىق. باقي بول، ساحنانىڭ سۇلتانى.

اباي.كز ۇجىمى

مارقۇم قۇدايبەرگەن سۇلتانباەۆتى سوڭعى ساپارعا شىعارىپ سالۋ، قوشتاسۋ ءراسىمى 21-ءنشى جەلتوقسان كۇنى مۇحتار اۋەزوۆ اتىنداعى قازاقتىڭ اكادەميالىق دراما تەاترىندا ساعات 10-دا وتەدى.