استانا. 22 جەلتوقسان. قازاقپارات - 24 جەلتوقساندا لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ جۋرناليستيكا جانە ساياساتتانۋ فاكۋلتەتىندە مەملەكەتتىك «مادەني مۇرا» باعدارلاماسى اياسىندا جارىق كورگەن «الاش كوسەمسوزى» اتتى 10 تومدىقتىڭ العاشقى 4 تومىنىڭ تۇساۋكەسەرى وتەدى، دەپ حابارلايدى ۋنيۆەرسيتەتتىڭ ءباسپاسوز قىزمەتى.

ول قازاقستان رەسپۋبليكاسى بايلانىس جانە اقپارات مينيسترلىگى اقپارات جانە مۇراعات كوميتەتىنىڭ «ادەبيەتتىڭ الەۋمەتتىك ماڭىزدى تۇرلەرىن باسىپ شىعارۋ» باعدارلاماسى بويىنشا جارىق كوردى.  جوبا جەتەكشىسى جانە جالپى رەداكتسياسىن باسقارعان - ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى جۋرناليستيكا ماسەلەلەرىن زەرتتەۋ ينستيتۋتىنىڭ ديرەكتورى، پروفەسسور نامازالى وماشەۆ.

10 تومدىقتىڭ العاشقى 4 تومىندا بۇرىن ەش جەردە جاريالانباعان «شولپان» (1, 2 توم), «جاس تۇركىستان» (3, 4 توم) جۋرنالدارىنىڭ جاريالانىمدارى تۇڭعىش رەت كوپشىلىك نازارىنا ۇسىنىلىپ وتىر.  ءار تومنىڭ كولەمى - 22 باسپا تاباقتان.

تۇساۋكەسەر ءراسىمىن ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ  رەكتورى ب. ءابدىرايىم اشادى. جيىنعا بارلىق رەسپۋبليكالىق بۇقارالىق اقپارات قۇرالدارىنىڭ باسشىلارى، ارنايى وكىلدەرى جانە تانىمال  جۋرناليستەر شاقىرىلادى. سول سياقتى بەلگىلى الاشتانۋشى عالىمدار: د.قامزابەكۇلى، ت.جۇرتباي، ح.ءابجان، ت.ب. قاتىسادى دەپ جوسپارلانۋدا.

استانا. 22 جەلتوقسان. قازاقپارات - 24 جەلتوقساندا لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ جۋرناليستيكا جانە ساياساتتانۋ فاكۋلتەتىندە مەملەكەتتىك «مادەني مۇرا» باعدارلاماسى اياسىندا جارىق كورگەن «الاش كوسەمسوزى» اتتى 10 تومدىقتىڭ العاشقى 4 تومىنىڭ تۇساۋكەسەرى وتەدى، دەپ حابارلايدى ۋنيۆەرسيتەتتىڭ ءباسپاسوز قىزمەتى.

ول قازاقستان رەسپۋبليكاسى بايلانىس جانە اقپارات مينيسترلىگى اقپارات جانە مۇراعات كوميتەتىنىڭ «ادەبيەتتىڭ الەۋمەتتىك ماڭىزدى تۇرلەرىن باسىپ شىعارۋ» باعدارلاماسى بويىنشا جارىق كوردى.  جوبا جەتەكشىسى جانە جالپى رەداكتسياسىن باسقارعان - ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى جۋرناليستيكا ماسەلەلەرىن زەرتتەۋ ينستيتۋتىنىڭ ديرەكتورى، پروفەسسور نامازالى وماشەۆ.

10 تومدىقتىڭ العاشقى 4 تومىندا بۇرىن ەش جەردە جاريالانباعان «شولپان» (1, 2 توم), «جاس تۇركىستان» (3, 4 توم) جۋرنالدارىنىڭ جاريالانىمدارى تۇڭعىش رەت كوپشىلىك نازارىنا ۇسىنىلىپ وتىر.  ءار تومنىڭ كولەمى - 22 باسپا تاباقتان.

تۇساۋكەسەر ءراسىمىن ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ  رەكتورى ب. ءابدىرايىم اشادى. جيىنعا بارلىق رەسپۋبليكالىق بۇقارالىق اقپارات قۇرالدارىنىڭ باسشىلارى، ارنايى وكىلدەرى جانە تانىمال  جۋرناليستەر شاقىرىلادى. سول سياقتى بەلگىلى الاشتانۋشى عالىمدار: د.قامزابەكۇلى، ت.جۇرتباي، ح.ءابجان، ت.ب. قاتىسادى دەپ جوسپارلانۋدا.

«الاش كوسەمسوزى» سەرياسىمەن جارىق كورگەن 4 تومدىقتىڭ 2 تومىنا الاش قايراتكەرى مۇستافا شوقايدىڭ باس رەداكتورلىعىمەن 1929-1939 جىلدارى فرانتسيادا، بەرليندە شىققان «جاس تۇركىستان» جۋرنالىندا جاريالانعان ۇلتتىق تاۋەلسىزدىك، ەل مەن جەر ماسەلەسى، عىلىم-ءبىلىم، ءتىل تۋرالى جانە ت.ب. جايلى كوسەمسوزدەرى ەنگىزىلدى. وسىعان دەيىن مۇستافا شوقايدىڭ جەكە-دارا ماقالالارى عانا قاراستىرىلسا، بۇل تومداردى شىعارۋشىلار «جاس تۇركىستانداعى» جاريالانىمداردى تۇتاس جارىققا شىعارۋدى ماقسات ەتتى. جۋرنال ماتەريالدارى سول كەزدەگى تۇركى حالقىنا ورتاق شاعاتاي تىلىنەن كيريلليتساعا اۋدارىلدى.

«جاس تۇركىستان» - ءبىرتۇتاس تۇركىستان تاۋەلسىزدىگى يدەياسىن كوتەرىپ، بۇكىل تۇركى جۇرتىنىڭ ازاتتىعى ءۇشىن كۇرەسكەن باسىلىم. الاش قايراتكەرلەرىمەن قاتار باسقا دا تۇركى جۇرتىنا ورتاق تۇلعالاردىڭ ساياسي جانە قالامگەرلىك ىزدەرى وسى باسىلىم بەتتەرىندە سايراپ جاتىر. ال 1922-1923 جىلدارى تاشكەنتتە جارىق كورگەن «شولپان» جۋرنالى وزبەكستاننىڭ مەملەكەتتىك مۇراعاتتارىنان كوشىرىلىپ الىندى. وندا اراب قارپىمەن جاريالانعان ماتەريالدار سول قالپىندا كيريلليتساعا اۋدارىلدى. كىتاپ سوڭىندا بۇركەنشىك ەسىمدەر كورسەتكىشى مەن قازىرگى كۇنى قولدانىستان شىعىپ قالعان سوزدەردىڭ بالاماسى بەرىلدى.

«الاش كوسەمسوزى» سەرياسىمەن جارىق كورگەن بۇل قۇندى ەڭبەكتەردىڭ قازاق جۋرناليستيكاسىمەن قاتار قوعامدىق، گۋمانيتارلىق عىلىمدار ءۇشىن دە ماڭىزى وراسان زور.