جاقىندا ەلىمىزدىڭ اقپارات اگەنتتىكتەرى مەن باسىلىمدارى «پروديۋسەر قىدىرالى بولمانوۆ «الەمدىك دارەجەدەگى ناگراداعا يە بولدى»، «قىدىرالى بولمانوۆ پاتشايىم ۆيكتوريانىڭ مەدالىن الدى» دەپ دۇرلىكتى. «ە-ە، دۇرىس بولعان ەكەن»، دەپ قۋانىپ تا ۇلگەرمەپ ەدىك، ارتىنان قازاقتىڭ بەس-التى ازاماتى دا ءدال الگىندەي سالپىنشاقتاردى تاعىپ كەلىپتى. زەرتتەدىك...

مىسالى، قىدىرالى زامانداسىمىزبەن قاتار وسىنداي ناگرادانى قىزىلجارلىق بيزنەسمەن ەكپىن ابيەۆ تە الىپتى. «قازاقپارات» تاراتقان حاباردا ول تۋراسىندا بىلاي دەلىنىپتى: «سولتۇستىك قازاقستان وبلىسىنا قاراستى جامبىل اۋدانىنىڭ كاسىپكەرى ەكپىن ابيەۆ ۇلىبريتانيا پاتشايىمى ۆيكتوريانىڭ اتىنداعى اعىلشىن ماراپاتىنا ۇسىنىلدى. بۇل تۋرالى ول ەۋروپا بيزنەس-اسسامبلەياسى باس ديرەكتورىنىڭ تاپسىرماسىمەن جوبانىڭ ۇيلەستىرۋشىسى جازىپ جىبەرگەن حاتتان حاباردار بولدى. قۇجاتتا: «الەۋمەتتىك باعدارلامالاردى ەنگىزۋدە جانە ۇلتتىق داستۇرلەردى جاڭعىرتۋدا جوعارى دارەجەگە يە بولعان ءسىزدىڭ قايىرىمدىلىق جانە قوعامدىق قىزمەتىڭىزدى ساراپتاي كەلە، ەۋروپا بيزنەس-اسسامبلەياسىنىڭ ۇلتتىق كوميتەتى (وكسفورد، ۇلىبريتانيا) ءسىزدىڭ كانديداتۋراڭىزدى پاتشايىم ۆيكتوريانىڭ اتىنداعى بىرەگەي مەدالمەن ماراپاتتاۋعا ۇسىنۋدى قاجەت دەپ تاپتى»، - دەلىنگەن».

قازبالاي كەلە ءدال وسىنداي «باقىت حاتىن» «كازچەرمەت» كاسىپورىنىنىڭ باسشىسى ەرمەك جاقاەۆتىڭ دا العانىن بايقادىق. نوبايى ون شاقتى ادام ەكەن...

جاقىندا ەلىمىزدىڭ اقپارات اگەنتتىكتەرى مەن باسىلىمدارى «پروديۋسەر قىدىرالى بولمانوۆ «الەمدىك دارەجەدەگى ناگراداعا يە بولدى»، «قىدىرالى بولمانوۆ پاتشايىم ۆيكتوريانىڭ مەدالىن الدى» دەپ دۇرلىكتى. «ە-ە، دۇرىس بولعان ەكەن»، دەپ قۋانىپ تا ۇلگەرمەپ ەدىك، ارتىنان قازاقتىڭ بەس-التى ازاماتى دا ءدال الگىندەي سالپىنشاقتاردى تاعىپ كەلىپتى. زەرتتەدىك...

مىسالى، قىدىرالى زامانداسىمىزبەن قاتار وسىنداي ناگرادانى قىزىلجارلىق بيزنەسمەن ەكپىن ابيەۆ تە الىپتى. «قازاقپارات» تاراتقان حاباردا ول تۋراسىندا بىلاي دەلىنىپتى: «سولتۇستىك قازاقستان وبلىسىنا قاراستى جامبىل اۋدانىنىڭ كاسىپكەرى ەكپىن ابيەۆ ۇلىبريتانيا پاتشايىمى ۆيكتوريانىڭ اتىنداعى اعىلشىن ماراپاتىنا ۇسىنىلدى. بۇل تۋرالى ول ەۋروپا بيزنەس-اسسامبلەياسى باس ديرەكتورىنىڭ تاپسىرماسىمەن جوبانىڭ ۇيلەستىرۋشىسى جازىپ جىبەرگەن حاتتان حاباردار بولدى. قۇجاتتا: «الەۋمەتتىك باعدارلامالاردى ەنگىزۋدە جانە ۇلتتىق داستۇرلەردى جاڭعىرتۋدا جوعارى دارەجەگە يە بولعان ءسىزدىڭ قايىرىمدىلىق جانە قوعامدىق قىزمەتىڭىزدى ساراپتاي كەلە، ەۋروپا بيزنەس-اسسامبلەياسىنىڭ ۇلتتىق كوميتەتى (وكسفورد، ۇلىبريتانيا) ءسىزدىڭ كانديداتۋراڭىزدى پاتشايىم ۆيكتوريانىڭ اتىنداعى بىرەگەي مەدالمەن ماراپاتتاۋعا ۇسىنۋدى قاجەت دەپ تاپتى»، - دەلىنگەن».

قازبالاي كەلە ءدال وسىنداي «باقىت حاتىن» «كازچەرمەت» كاسىپورىنىنىڭ باسشىسى ەرمەك جاقاەۆتىڭ دا العانىن بايقادىق. نوبايى ون شاقتى ادام ەكەن...

ويباي-وۋ، بۇل نە دەگەن باتپانقۇيرىق دەدىك! قازاقتار ەۋروپانى، ونىڭ ىشىندە انگليانى قارىق قىلاتىنداي نە ءبىتىرىپتى دەپ تاعى ويلاندىق. سويتسەك، پاتشايىم ۆيكتوريا مەدالى ("Queen Victoria Commemorative Medal") مەن القاسى 999,9 سىنامالى التىنمەن اپتالعان باعالى مەتالدان جاسالعان. وردەننىڭ ىلمە القاسىندا پاتشايىم ۆيكتوريانىڭ ءجۇزى بەينەلەنگەن سەگىز  شاعىن مەدالون مەن ناگرادانىڭ ارتقى بەتىندە بەينەلەنگەن ۆەنزەلدەن تۇرادى ەكەن. ونى جىلىنا بىرنەشە رەت «حالىقارالىق يميدجدىك» «ليدەرى XXI ستولەتيا» باعدارلاماسىنىڭ اياسىندا تاپسىراتىن ۇكىمەتتىك ەمەس ۇيىم بار. ونىڭ باسشىسى دجون ۆ. نەتتينگ دەگەن ازامات كورىنەدى.

اتالعان ۇيىمنىڭ سايتىنا (http://www.ebaoxford.co.uk) كىرسەك مۇنداي ۇيىمدار مەن سالپىنشاقتاردىڭ ءتۇر-ءتۇرى بار ەكەن. مىسالى، قازاق رەكتورلارىنىڭ جارتىسىنان كوبىنىڭ ۆيزيتكاسىندا جۇرەتىن «مەجدۋنارودنىي كلۋب رەكتوروۆ (CRE)» دەگەن بىرلەستىكتىڭ ارتىندا وسى نەتتينگ دەگەن تۇر ەكەن. ۇيىمنىڭ سايتىنا كىرسەڭىزدەر قالاۋىڭىزشا «مەجدۋنارودنىي كلۋب ليدەروۆ»، «مەجدۋنارودنىي كورپۋس وفيتسەروۆ»، «مەجدۋنارودنىي رىتسارسكي وردەن»، «ەۆروپەيسكايا بيزنەس-اكادەميا»، «ۆەنسكي بال»، «كاۆالەرسكي رىتسارسكي وردەن ۆەليكوگو ماگيسترا لا ۆالەتتا»، «وكسفوردسكي سامميت ليدەروۆ» تاعى دا باسقا كوپتەگەن ۇيىمداردىڭ بەلسەندى مۇشەسى بولۋىڭىزعا تولىق مۇمكىندىك الادى ەكەنسىز. ال، ەگەر سالپىنشاق قاجەت بولسا، وندا مىنالاردان تاڭداي بەرىڭىزدەر: «سوكرات»، «پاتشايىم ۆيكتوريا»، «بىرىككەن ەۋروپا»، «ەۋروپانىڭ ەڭ ۇزدىك كاسىپورىنى»، «ەۋروپالىق ساپا»، «التىن مەركۋري»، «التىن ياگۋار»، «مىڭجىلدىق ناگراداسى»، «ۇلت زەردەسى» ت.ب.

ياعني، ءسىز ۆيزيتكاڭىزعا بەلگىلى ءبىر ۇيىمنىڭ مۇشەسىمىن دەپ جازعىڭىز كەلسە، ونىڭ سالپىنشاعىن تاعامىن، ديپلومىن كەڭسەنىڭ قابىرعاسىنا ىلەمىن دەسەڭىزدەر جاڭاعى نەتتينگكە نە ونىڭ سەرىكتەستەرىنە حابارلاسىپ نيەت بىلدىرەسىزدەر. ارتىنان سىزگە دە «باقىت حاتى» كەلەدى. ءبىر عانا تالاپ: سول سالپىنشاقتىڭ، وعان قوسا بەرىلەتىن ديپلومنىڭ، ولاردى تاپسىراردا جاسالاتىن بانكەتتىڭ قاراجاتىن تولەسەڭىزدەر جەتىپ جاتىر. ارينە، ول ءسىز بەن ءبىز ءۇشىن عانا. بالكىم، نەتتينگ پەن ونىڭ سەرىكتەستەرى جوعارىدا اتالعان ەلگە ەڭبەگى سىڭگەن ازاماتتاردىڭ قاجىرلى ەڭبەگىنە ءتانتى بولىپ، ولارعا سولكەبايلارىن مۇلدەم تەگىن تاپسىرعان دا بولار. ول جاعىن بىلمەيمىز.

ءوزىمىز وسى «پاتشايىم ۆيكتوريانىڭ مەدالىن» الۋعا «قۇشتارمىز» دەگەن كەزدە بىزگە ءۇش بەتتىك حات كەلدى. حاتقا تىركەلگەن انكەتانى تولتىرىپ، ەسەپ-شوتىمىزدىڭ ءنومىرىن، تولەمدى قالاي جاسايتىنىمىزدى كورسەتسەك جەتىپ جاتىر ەكەن! سودان سوڭ جاۋابىمىزدى سايتتا كورسەتىلگەن ۇيىمنىڭ 10 بولىمشەسىنىڭ بىرەۋىنە جىبەرۋ كەرەك ەكەن. ۇيىمنىڭ بولىمشەلەرى ۇلىبريتانيادا، رەسەيدە، ۋكراينادا، ۆەتنامدا، نيگەريادا، مالتا ارالىندا، يراك، گانا جانە پولشادا ورنالاسقان سياقتى. بايقاۋىمىزشا، ءدال وسى ەلدەردىڭ ازاماتتارى «الەمدىك دارەجەدەگى ناگرادالاردى»، «حالىقارالىق ۇيىمدارداعى مۇشە بولۋدى»، «سالپىنشاق پەن سولكەباي تاعۋدى» جاقسى كورەتىن سياقتى. جاقسى كورە بەرسىن، ال ءبىز ارزان سالپىنشاقتار مەن سۇرىقسىز سولكەبايلارعا قاراجاتىمىزدى قيعىمىز كەلمەدى...

«اباي-اقپارات»