ەگەر دە سول بالالار اكە-شەشەسىنىڭ قالاعان بالىن الىپ كەلمەسە دە، «ەشتەڭە ەتپەيدى. ىرزىعىڭ ءبىر اللادان، بىق دەمە، ءبارى جاقسى بولادى» دەگەن ۆاريانت بارىن بىلگەندە، باسقاشا ارەكەت جاسار ما ەدى؟ بىلگەنىم، بۇل ومىرگە تىم قۇمارتىپ قاراۋعا بولمايدى. سۇلۋ قىزىنىڭ بەتىنە ءبىر ءتۇيىر بەزەۋ شىققانى ءۇشىن عانا ونى تاستاپ كەتكەن جىگىتتى بىلەمىن. رومانتيك ەدى، قۇرىعىر. ءمىنسىز سۇلۋلىق بولمايدى. ەلەكتر لامپىسىن جەتىلدىرەمىن دەپ توماس ەديسون 10 000 مارتە سىناق جاساعان. 10 مىڭ رەت قاتەلەستى. بىراق، ەديسون بۇنى «مەن ەلەكتر لامپىسىن جاساماۋدىڭ 10 مىڭ جولىن تاپتىم» دەپ ءوڭىن كەلتىردى. ايگىلى باسكەتبولشى مايكل دجوردان دوپتى سەبەتكە 9000 رەت ءساتسىز لاقتىرىپ، 300 ماتچتا تازا ۇتىلىپ قالسا دا، ايگىلى دەگەندى قوسىپ وتىرمىز، تاك نادو. قاتەلىكسىز جەتىستىك بولمايدى. قانداي دا ءبىر ماقساتقا جەتۋ جولىنداعى قاتەلىك قانشا بولسا دا، ول جايلاپ سول ماقساتىڭىزعا جاقىنداتادى. الدارىڭداعى وليمپيادا دا، تەستى دە زاماناقىر ەمەس...

P.S. تارازدا بولعان ساپارىمدا قوس وقۋ ورنىنا كىرىپ-شىعىپ، شاكىرتتەرگە ءدارىس وقىعان ەدىم. ءبىرى – ايشا ءبيبى اتىنداعى دارىندى قىزداردىڭ قازاق-تۇرىك مەكتەپ-ينتەرناتى، ەكىنشىسى – قۋانىش شونباي وقىعان جانە ساباق بەرگەن جامبىل ەكونوميكا جانە اقپاراتتىق تەحنولوگيالار كوللەدجى. بۇل سوندا ايتىلعان ويدىڭ ءبىر پاراسى ەدى.

وركەن كەنجەبەك

Facbook-تەگى پاراقشاسىنان