«جاڭا جاعدايدا جاڭعىرۋعا دەگەن ىشكى ۇمتىلىس – ءبىزدىڭ دامۋىمىزدىڭ ەڭ باستى قاعيداسى. ءومىر ءسۇرۋ ءۇشىن وزگەرە ءبىلۋ كەرەك. وعان كونبەگەندەر تاريح­تىڭ شاڭىنا كومىلىپ قالا بەرەدى».

مەملەكەت باسشىسىنىڭ «بولاشاققا باعدار: رۋحاني جاڭعىرۋ»  ماقالاسىنان

مەملەكەت باسشىسىنىڭ «بولاشاققا باعدار: رۋحاني جاڭعىرۋ»  اتتى باعدارلامالىق ماقالاسى 2017 جىلدىڭ باستى وقيعالارىنىڭ ءبىرى بولدى.

قازاقستان رەسپۋبليكاسىنىڭ پرەزيدەنتى ن.ءا.نازارباەۆ سانانى جاڭعىرتۋدىڭ جالپى قوعامعا، جانە ءاربىر جەكە قازاقستاندىققا قاتىستى بىرنەشە باعىتىن ناقتىلادى، ونىڭ ىشىندەگى ەڭ ءبىرىنشىسى باسەكەگە قابىلەتتىلىك: قازىرگى تاڭدا جەكە ادام عانا ەمەس، تۇتاس حالىق­تىڭ ءوزى باسەكەلىك قابىلەتىن ارتتىرسا عانا تا­بىس­قا جەتۋگە مۇمكىندىك الادى.

باسەكەلىك قابىلەت دەگەنىمىز – ۇلتتىڭ ايماقتىق نەمەسە جاھاندىق نارىقتا باعاسى، يا بولماسا ساپاسى جونىنەن وزگەلەردەن ۇتىمدى دۇنيە ۇسىنا الۋى. بۇل ماتەريالدىق ءونىم عانا ەمەس، سونىمەن بىرگە، ءبىلىم، قىزمەت، زياتكەرلىك ءونىم نەمەسە ساپالى ەڭبەك رەسۋرستارى بولۋى مۇمكىن». بولاشاقتا ۇلتتىڭ تابىستى بولۋى ونىڭ تابيعي بايلىعىمەن ەمەس، ادامدارىنىڭ باسەكەلىك قابىلەتىمەن ايقىندالادى.

سونىمەن قاتار، جەكە تۇلعالاردىڭ داعدىلارى مەن بىلىمدەرىنەن باسقا، ۇلتتىڭ باسەكەگە قابىلەتتىلىگى ەكونوميكالىق پراگماتيزم جانە ۇتىمدى مىنەز-قۇلىق قاعيداسىنا نەگىزدەلگەن «ەكونوميكالىق ادامعا»، مىنەز-قۇلقىنىڭ بىرتىندەپ وزگەرۋىمەن قامتاماسىز ەتىلۋى مۇمكىن.

بۇل مىنەز-قۇلىقتاعى ەكونوميكالىق پراگماتيزم، ول ءوز مۇمكىندىكتەرىن جانە الەۋەتىن ەسكەرە وتىرىپ، ناقتى ماقساتتارعا قول جەتكىزۋگە نازار اۋدارۋعا مۇمكىندىك بەرەدى.

«ەكونوميكالىق ادامعا» باعىتتالعان نازاردىڭ وزگەرۋى سونىمەن قاتار موتيۆاتسيا سيپاتىن وزگەرتۋدى، ماتەريالدىق فاكتورلاردىڭ ءرولىن تومەندەتۋدى جانە ادامنىڭ رۋحاني قاجەتتىلىكتەرىن ارتتىرۋدى بىلدىرەدى.

وسىعان بايلانىستى، كەز-كەلگەن ۋاقىتپەن جۇرەتىن ءار ادام، بەلگىلى ءبىر قاسيەتتەردىڭ جيىنتىعىنا يە بولۋى كەرەك، نەمەسە قازىرگى تىلمەن ايتقانداعى قۇزىرەتتىلىك دەپ ايتۋعا بولادى. نەگىزگى فاكتورلار – كومپيۋتەرلىك ساۋاتتىلىق، شەت تىلدەرىن ءبىلۋ، مادەني اشىقتىق. تۇرعىنداردىڭ قازاقستانداعى زاماناۋي قوعامنىڭ قۇزىرەتتىلىگىن مەڭگەرۋ ماقساتىنداعى مەملەكەتتىك ساياسات بەلسەندى تۇردە جۇرگىزىلۋدە.

قسزي ساراپشىلارى تاراپىنان 2017 جىل بويىنشا باعدارلامالىق ماقالانىڭ ورىندالۋىنا العاشقى يۆەنت-تالداۋ جۇرگىزىلدى. باعدارلاما اياسىندا يدەولوگيالىق دەرەكتەردى العا جىلجىتۋ ماقساتىندا ەلىمىزدە 200-دەن استام پىكىرتالاس الاڭدارى قۇرىلدى، شىعارماشىلىق كونكۋرستار مەن فەستيۆالدار، سەمينار-ترەنينگتەر مەن ماستەر-كلاسستار، كەزدەسۋلەر، دوڭگەلەك ۇستەلدەر، تاقىرىپتىق كەشتەردى قوسا العاندا 500-دەن استام جوبا جۇزەگە اسىرىلدى.

ءبىر ايتا كەتەرلىگى، «رۋحاني جاڭعىرۋ» باعدارلاماسى اياسىندا جۇزەگە اسىرىلعان جوبالار وتكەن جىلى پاريجدە يۋنەسكو شتاب-پاتەرىندە تانىستىرىلعان بولاتىن، بۇل، ءسوزسىز، حالىقارالىق مادەني ديالوگتى نىعايتۋداعى ماڭىزدى قادام بولدى.

پراگماتيزم، باسەكەگە قابىلەتتىلىك، ءبىلىم تابىنۋشىلىق يدەياسىن ناسيحاتتاۋ بارىسىندا، جاستار رەسۋرستىق ورتالىقتارىمەن 3 800 استام ءىس-شارا وتكىزىلدى.

ءارتۇرلى پلاتفورمالاردا 74 مىڭنان استام ماتەريالدار جاريالاندى، 1700 يميدجدىك روليكتەر شىعارىلدى، 5 816 ساراپتامالىق ماتەريالدار دايىندالدى، 68 الەۋمەتتانۋلىق زەرتتەۋلەر مەن ساۋالنامالار جۇرگىزىلدى.

باعدارلامانى ىسكە اسىرۋعا جاستار قوزعالىسىنىڭ كەڭ توبى – 1400 استام جاستار ۇيىمدارى تارتىلدى، سونداي-اق، شالعاي وڭىرلەرگە باراتىن جاستاردىڭ اقپاراتتىق توپتارى دا قۇرىلادى.

ەلىمىزدىڭ 36 جوعارى وقۋ ورىندارىندا «رۋحاني جاڭعىرۋ» باعدارلاماسى بويىنشا ارنايى كافەدرالار اشىلدى، ونىڭ ىشىندە ادام كاپيتالىن دامىتۋ يدەياسى بويىنشا ارنايى پاندەر ەنگىزىلدى.

وسىلايشا، باسەكەلەستىكتىڭ زاماناۋي جاعدايىندا باسەكەگە قابىلەتتى شىعارماشىلىق، جەكە جانە كاسىبي تابىسقا قول جەتكىزە الاتىن ماماندار قاجەت. بىلىكتىلىگى مەن ءبىلىمى بار، سونداي-اق شەشىمدەردى قابىلداۋ كەزىندە پراگماتيزم مەن ۇتىمدىلىققا يە جەكە تۇلعا نارىقتىق ورتا مەن باسەكەلەستىككە بەيىم بولادى، ول سايىپ كەلگەندە ادامي كاپيتالدىڭ ساپاسىنا تىكەلەي اسەر ەتەدى، بۇل ءوز كەزەگىندە ۇلتتىق باسەكەگە قابىلەتتىلىكتى ارتتىرۋدىڭ نەگىزگى فاكتورى بولىپ تابىلادى.

وسىلايشا، سالىستىرمالى تۇردە قىسقا مەرزىم – جىلعا تولمايتىن كەزەڭ اياسىندا، قوعامدىق ءومىردىڭ بارلىق دەڭگەيلەرىندە ناقتى كوپ جۇمىس اتقارىلعاندىعىن اتاپ وتكەن ءجون. «رۋحاني جاڭعىرۋ» قوعامدىق سانانى جاڭعىرتۋ باعدارلاماسىن جۇزەگە اسىرۋعا بارلىق ورتالىق جانە جەرگىلىكتى اتقارۋشى ورگاندار، ازاماتتىق قوعام ينستيتۋتتارى، كوممەرتسيالىق ەمەس ۇيىمدار جانە ەتنومادەني بىرلەستىكتەر قاتىستى. مەملەكەت باسشىسىنىڭ باستاماسىن بەلسەندى قولدايتىن قازاقستاندىق جاستاردىڭ قاتىسۋى ەرەكشە اتاپ وتكەن ءجون.

نۇرقاتوۆا ليازات تولەگەنقىزى

قر پرەزيدەنتى جانىنداعى قسزي (KAZISS)

الەۋمەتتىك-ەكونوميكالىق زەرتتەۋلەر ءبولىمىنىڭ باسشىسى

Abai.kz