سقو-دا يمامدار جانازاداعى ىسىراپقا تىيىم سالدى
سولتۇستىك قازاقستان وبلىسىندا يمامدار جانازا جانە جەرلەۋ راسىمدەرىندە، ءدىني جورالعىلارداعى ىسىراپتى توقتاتۋ تۋرالى شەشىم قابىلدادى. يمامدار ، مولدالار جانە تۇرعىندار قاتىسقان جيىنى 12 قاڭتاردا پەتروپاۆلداعى «قىزىلجار» وبلىستىق مەشىتىندە ءوتتى.
يمامداردىڭ ايتۋىنشا، بۇل شەشىمنىڭ ماقساتى - يسلام ءدىنىنىڭ شاريعاتىنا قارسى كەلەتىن ىسىراپشىلدىقتى توقتاتۋ، قارا جامىلىپ وتىرعان وتباسىعا اۋىرتپالىق تۇسىرمەۋ.
جيىندا جانازادا، مارقۇمنىڭ جەتى كۇنى، قىرىق كۇنى جانە جىلىندا داستارحانعا قىمبات تاعامدار قويۋعا، جانازاعا قاتىسۋشىلارعا ساداقا رەتىندە ورامال، كيىم، كىلەم تاعى دا باسقا زاتتار تاراتۋعا تىيىم سالىندى. بۇل شەشىمنىڭ ورىندالۋىن وبلىستىق، قالالىق، اۋداندىق جانە اۋىلدىق مەشىتتەردىڭ يمامدارى مەن مولدالارى، قاجىلار باقىلايدى.
Abai.kz
